1
Fehaet sot Paulus eani feiri Atena sop op ensao Korintus.
2
Sop Paulus erome Yahudi omtus ebehat Arwila tapun laba oparehi Pontus fafou saet rimip ren Italia rilat ehon, Priskila sop Klaudius eyari penyek tamtormal Yahudi tendi afei Roma Paulus omap atak omari fendumat.
3
Ritilut sop fendumat ribema er se mat ritilut Paulus tani ofeiri fendumat sop ersa fe haet ersa mat e nonfe ofeimar fare.
4
Saet Paulus fanggomu it erispar en sinagoge so msamo waheto sabat neno fetare sop ehau tare tamtori-tamtormal Yahudi sop Yunani.
5
Samo mat saet Silas rilat Timotius rabesrus ren Makedonia, Paulus ofeiero snanyak e tani daen sop esrakri fentialo sop snanyak e saet melmal-melmal se ribope tamtori-tamtori Yahudi ribope Yesus enonfe Kristus.
6
Saet sop samo fendumat rafotor e sop bar fe serife Paulus tatiak par mayo sop esrak ebope fendumat tanim sila ube enon dabom afo ubema, yau tit fia. Afeiero arahap tit sop ao mblaohe yat sop yao yatak yaori fendu-fendu he lus.
7
Aenahifen sop tani afei palemat saet sop ao aen limu tomtues ebe hat Titus, Yustus, tamtori ben Yahudi sop rifahie Arpames, saet lionimat enone falwarse sinagoge.
8
Krispus dabu sinagoge enon snanyak en warilon Tuhan saet penyek tamtorimat Korintus sop fehaet ofla e Paulus enon snanyak e sop baptis.
9
Saet Tuhan esrak ebope Paulus en samotes palm warilon pau alo arom nenam afei tap saet mblao he enesrak sop omnapar tap.
10
Saet yau mim tilut sop tapse ainon tomtues sop saet samo rilu hit mim sop rifei yam fetes sop renon sefa umat yau ren sao tit.
11
Samo Paulus enonihi et en to senam se yametes mabolim tes enihi haet esrak ri Arpames fenti alo riren fendumat.
12
Samo mat saet Galio enofe Prokosul Akhaya tamtori-tamtormal Yahudi et fituafo tehe fra fa fiak rorur e Paulus ritoe tanir ya ai papo pengadilan.
13
Sop esrak ri, tamtorim menon masahu kri sefa tamtori matit mori mife Arpames sop ma fafiak mo rure Hukum Taurat.
14
Saet sop samo Paulus enma nentulas afok warifnou, Galio esrak ri ebope tamtori-tamtormal Yahudi et saet entit enon entes wihi ehole saet fetes so eper nar, hai tamtori-tamtormal Yahudi sop mim mer far mait aen wihimatit.
15
Samo mat tit enon wihies enon u aen fe me nen sra-rak er hari-hari en hukum ebema tani-tani ebema tau tap yorpar yaennofe hakim afo endu-endumat saet.
16
Sop, Galio eheuri fendumat ren ruang pengadilan.
17
Fehaet en fendumat penyek redot Sostenes dabu sinagoge sop rifun en lifurya ruang pengadilan saet sop Galio tap arome endu-endu matit.