¹ Samotes Paulus rilat Silas ma recole Amfipolis sop Apolonia, fendumat rifar ini Tesalonia re ini fa renon sebuah sinagoge tamtori Yahudi. ² Enofe fetes Paulus et ehilok enri fendumat saet samo waheto toul sabat ren fendumal ren ri Aiwalifia. ³ Saet sop esrak ferimari sop afei nalu enalu es Kristus tafun aen femar mori sop etiak aha enri tamtori rer per war sop esrak, Yesus tit sop ennesrak ri ebope yam aenone Kristus. ⁴ Saet rilus ren fendumat tendi fesnahi sop mori aot dwahe tamtormal Yunani sop nenari afei e Arpames tapri sele diki amfendi-amfendi rirenfia. ⁵ Samo tamtori-tamtormal Yahudi renon tendir tatiake sop wihi wahuk fri tamtori mat lus klori renon renras nenei en pele riren sefa fendumat riki noma sefa tamtormal sop rifei mbrefi ren sao sop menyerbu limu Yason renon raho pap ri Paulus rilat Silas ma haet rito rilat fendumat ramak saet fendumat sefa. ⁶ Fehaetse fendumat tap min marome Paulus rilat silas, fendumat riyokrit Yason sop rilus lafunri seiman ren tendirya para dobri ren sao saet rori rate letnar, tamtori-tamtori mat tit sop delyak rifei mbre fi fendu warilon tit saet oma ema aen hi tit. ⁷ Saet Yason ureni fendumat sop fendumat penyek bertindak sop do briha som nari hukum Kaisar saet sop esrakri enhofa enon raja lus saet Yesus. ⁸ Tamtori sefa sop para pejabak sao renofe resah enhofa roflae enduhe saet. ⁹ Fehaet fendumat rite jaminan ren Yason sop etluslo, tamtori-tamtori mat sop rifak pari.

¹⁰ Lafun-lafunri se iman sesya eyaari Paulus rilat Silas, panimat ema en Berea sop sama fendumat rifar inifendumat riao aen sinagoge tamtori Yahudi. ¹¹ Tamtori-tamtorimal sop ren Tesalonika saet fendumat rifrima fenti alo saet olaen momlo saet eden ahit aiwalifia. Waheto-waheto he sop om nase jika endu-endi sop saet melmal. ¹² Saet sop renon sefa ren fendumat en ihi ras nanyak e emfen oli amtrima sop tamtori -tamtor Yunani mori tife mori dot tap enen ahit. ¹³ Saet sop aen tamtori-tamtori Yahudi ren Tesalonika ri om nas pe fenti alo Arpames saek esrak ri saet Paulus en Berea fendumat sop ren saet rimi ren Berea fehae ehok lar sop meresah sefa tamtor. ¹⁴ Saet sop sisya lafun-lafun ri se iman riyaar e Paulus ao aen wanafo, saet sop Silas rilat Timotius sop aen sinat. ¹⁵ Tamtori-tamtormal las reme Paulus rititao e atuahi aen Atena saet sop ritife enaues faok e Paulus hofa Solas rilat Timotius saet oma ribope et sisya fendumat sop tetiak ao. sop.

Paulus di Atena

¹⁶ Aenahi tit fen Paulus enfaneri fendumat ren Atena fanggomu mat onase den fetes ren warilon tamit saet sop et sop eromi aomat daen patung-patung berhala. ¹⁷ Saet sop et en urfri fanggomu ren sinagoge en saet tamtori-tamtormal Yahudi ren tamtori-tamtori mat sop kenetulan enon ihi tit. ¹⁸ Lusma ahli fanggo rifei re rikien Epikuros saet stoa ema-renon-renfenti saet. Sop rilus ma rasrak, ensampana et waryak yohin sop esrak si deldal tartit. Saet lus esrak, aenofe haet tit enon tomtu esrak ao dewa-dewa asing , saet resrak ini Yesus sop etiak aha. ¹⁹ Ensop fendumat wihitartor sop ritoe en Areopo sus saet sop esrak, boufe mim momnas e uren sesrak fofou ensana saet ut titao fenti it. ²⁰ Fe haet ut sop litao e rilus endumat sop poprap tan saet minmen talo rimrau mim wariehme demomnas ensampana sop yohautare endu-enduhe tit. ²¹ Saet en penyek tamtormal Atena sop tamtori-tamtormat a sing sop renon en to sop tani omnas afei aopar samo fendumat saet fofu. ²² Saet sop Paulus etuen molmat-molmat se Aeropagus sop esrak;' Hai tamtori-tamtori Atena yat yom nas aen fofa warilon penyeksehe endumat yam sangat religius. ²³ Saet aen hofa yau aenon male sop cori mana maene endu-enduhe sop yam morim maife yau yama yarom e Aenfa altar riteren: Ribope Arpames saet tap ri ei lale. Saet ensana so yam morin atife tap eilale fehaet sop yau yisrak yam ebope yam. ²⁴ Arpames sop ofei fenduit et penyek sehe endu mal ren warilon, saet enon Tuhan onofu yat se sop fendu warilon baen ainon ri warilon kuil-kuil sop saet dentes tamtormal morio. ²⁵ Baen yama et dilayani saet tamtori mori-mori fehaet sop et aitanu endu es saet atuan aurfri ebope hanta hambe ainon sop sumaro atepar sop ensanpana endu-enduhe. ²⁶ Saet ofeinar entes tamtormal penyek fendu tit fahaet ekispar samo samomat sop akispar-akispar pele renon fendumat. ²⁷ Saet sop fendumat raho pape Arpames sop samo boufe angker ait fendumat aiten mabaha yake saet sop anome fehaet tap alot en ne mim tes-tes. ²⁸ Saet sop warilon et mim ma na nok nar saen manon aeno fehaet yama punjangga-punjangga ebema saet sop esrak fehi tit mim tit maena aporahi. ²⁹ Afei saet mim mainon aporahi Arpames mim-mainon tap fanggomu aitao ebema fenti ilahi en deno fe haet emas sop perak aen fe fati fe aifo tes wujut saet ofeimar ren keterampilan sop fanggomu afei tamtormal. ³⁰ Sop saet aenhofa snanyak e masa-masa kebodohan arahap tit Arpames esrak ri penyek tamtormal ren ihifa-ihifa saet afar ahi aen pa papnar. ³¹ Saet delyak akispar waheto tes fehaet sop menghakimi fendu warilon tit. Aen fia aen ahole tomtutes fehael ekis par fehaet urfrima farebon ebope penyek tamtorimat sop ratetiak aha reni tamtori ror perwar. ³² Et ofeisysa fendumat roflae hofa ratetiak aha renri tamtori rerper war fendulus rihite saet sop lus esrak e," mim wari ehim pe ri ofla e fehae endumat. ³³ Saet Paulus op en molmal se-molmal se fendumat. ³⁴ Saet sop lusri tamtorimat ri mip riri noma ri mimar sop renon ras nanyak e renon ihi fen rima renon Deonisius ema Aeropagus saet tamtormal mofni mat ebehat Damaris saet ritamtori lus rima rikien on fendumat.