¹ Paulus oma etak oma ren Derbe sop Listra et sop rirome en tamtormal murit ennoto ebeha Timotius natun ren tamtormal Yahudi saet deyak snanyak saet taman enon tamtor mal Yunani. ² Et eilale fia enofe lafum-lafumri se iman rem Listra sop Ikonium. ³ Paulus warieh ian Timotius rilat doritilut sae sop ferhaet sahukfri menyunatnya ferhae tamtori-tamtormal Yahudi mal renon mat saet fendumat penyek ra na nas hofa taman enohofa tomtu Yahudi.

⁴ Saet aen nofa fendumat rahenei secol ri sao-sao fendumat riesrak riakispar-akispar haet tamtori-tamtormal ri rasnanyak aen rioflae saet sop riak isparaen para rasul sop penatua saet ri ainon Yerusalem. ⁵ Saet para jemaat ditugaskan aen warilon iman et moria aot fendumat nenrimimar waheto fe. ⁶ Saet fendumat ao ahole wilayah Frigia sop Galatia saet ofili saet fanggomu omtu sop wsrak ri fenti alo en Asia. ⁷ Saet fendumat delyak rifar ini Misia fendumat rifetar pelao aen Britinia sop fanggu Yesus tapse pak aifriren fendumat. ⁸ En saet ahole Mesia fendumat rabesrus ren troda. ⁹ Samo tes aen peli alo omrak aha ebope Paulus en samo pani tomtutes en makado nia sop saet etuen sop ene him ebope sop, esrak, o map en Makedonia sop sorok emim afetare mim. ¹⁰ Saet sop Paulus erome enpeli alo sop mim nufetare sop sesya etiak ao Makedonia saet mena feinaro enfehaet Arpames sop ahim memim sop aur fri fenti alo ebope fendumat. ¹¹ Saet aen hofa yo rau aok ren Troas, mim mao yo rau maok mao samotrake, sop riwaheto hano en Neapolis. ¹² Saet renno to ren Filipi solo matan en wilayah Makedonia saet en sao ets Roma be tapulri., mim menon sao mat matam beberapa waheto. di filipi ¹³ Saet enwaheto Sabat mim maomelamuar rantam gerbang sao mao en sop rani, pelemat enninifa mim fanggomu mifei enohofa saet eno enon pele rifei mesou saet mima meros en sop mesrak men para wanita sop menon mikienon. ¹⁴ Tamtormat aim fendimat ebehat Lidia en sao Tiatira tomtumat penjual maya ungu et senanyak e Arpames Tuhan ofok fituafo en dardar ensampana et Paulus esrak. ¹⁵ Sop fehaet Lidia en penyek tamtormal saet renon ne limu ebe sop ri baptis sop sensene ebope mim mesrak, saet onase yau yas nanyak saet fia ebope Tuhan omap en limu sop nonom ihi to saet sahukri mim. ¹⁶ Saet hontan mim maen mao et pele mat mat mafei mesou tamtormal budak Ampendi sop muren ri fanggomu saet ri meramal riarom mimet itoma sefa keuntungan ribope para majikan it ehol ramalan-ramalan. ¹⁷ Amfendumat ritaaen Paulus sop mim mae non rori rambrar mar, tamtori-tamtormal renon hamba-hamba Arpames saet enaha esrak ri rara fiamal ribope. ¹⁸ Et mblaohe afei nar samo waheto-wahetohe Paulus tamsa kilofun erispar sop esrak ri ebope fanggomu mento, yat yarom yam warilon ha Kristus Yesus ait omrak e. Saet fanggomu ema omrak, fehaetse et ema. ¹⁹ Saet sop aen sesya para majikannya ero me aenhofa aene fe ndumat sop ritite delyak fetap, fendumat tanirya para penguasa. ²⁰ Saet sop fendumat delyak rito Paulus rilat Silas rilo hakim-hakim dobri fendumat res rak, tamtori-tamtormal matit renon tamtori-tamtormal yahudi sop sedang rifei wihi ren sao ma tit. ²¹ Fendumat wifirife adat istiadat saet rifei ehla saet sop morim maurfe sop mafei las fe tamtorimat Roma. ²² Tamtormal sefa et etiak aha ritilut-ritilut rilustit Paulus rilat Silas sop para hakim sao leeln nar mayo Paulus rilat Silas saet ayaari fendumat sop ritut rilat saet ai toti. ²³ Fehaet renon rifeini fetes Paulus rilat Silas saet sop sefa rifun fendumal redi rit rihorok ren warilon kawalimu nena srak ridobri kawalimu yam dardar ri Paulus rilat Silas saet tekat. ²⁴ Fehaet turfiam perintah saet dobri kawalimu eisor Paulus rilat Silas enkawalimu fehaet warilon eri fendumat sop terbelenggu. ²⁵ Angker-angker pani mol mal Paulus rilat Silas rifei mesou sop ralalok lao rasnanyak e Arpames, saet para tahanan lus saet sop roflari fendumat. ²⁶ Saet tibs-tiba efei fenduit atop saet dwahe aen nofe haet fondasi kawa limu sop etop saet tiba-tiba penyek rantamn firifok sop belenggu haet fendumat ria fok pari. ²⁷ Saet dobri kawa limu etiak sop erom ramta-ramta kawalimu saet firifok et erak it cok aomat sop en manetulas tani ebema pefun pare saet fanggomu fei ebope para tahanan saet roflof riu nar. ²⁸ Samo Paulus ilambrar mare ila somne, baen alepar tanim ubema saet mim penyeksehe menontit. ²⁹ Saet sop dobri kawa limu mat sop rihime yafumat sop sisya ahilok, ensop tatiak par sop en ofahi en Paulus rilat Silas ma tendirya. ³⁰ Fehaet itoma fendumat ren mela muar sop esrakri tuan-tuan ensanpa sop yau yafei agar yaenfia. ³¹ Et fendumat resrak e, snanyak e den warilon Tuhan Yesus sop ut aen fia mal yam sop penyek tamtormal renon en yambe limu. ³² Samo mat Paulus rilat Silas resrakri fenti alo Tuhan ribope dobri kawalimu mat sop ribope penyek sehe tamtormal menon limu warilon. ³³ Feha et ritoma Paulus rilat Silas ma pani sop ema saet eyas fe rinar luka-luka fendumat saet sop penyek keluarga sisya ribapti. ³⁴ Samo mat dobri kawalimu ritoe Paulus rilat Silas ma ren limat sop rur frilat pana. Saet sangat rit momlo fehaet sop penyek tamtormal renon limu sop ras nanyak e ribope Arpames. ³⁵ Saet sop samo mela waheto oma para Hakim-hakim sao mat riyaari beberapa pousi sop resrak yama alo tamtori-tamtormal. ³⁶ Saet ola bu esrak ri rafak e et ebope Paulus sop esrak, hakim-hakim sao mat sop ayaari yama hofa sop marak arahap tit sop ao warilon aen fia. ³⁷ Samo Paulus esrari ebope fendumat tamtori-tamtormal saet sop rifun mimem tanirya sefa, tap ri diadili tamtori-tamtormal mat renon warga negara Roma saet sop a tepar ao mim en warilon kawa limu saet ensampana arahap fendumat rit rimbrak e mim ren ramo mapar-mona par. Tapse afok pari fenduma riaen rihop ri ama sop rit rama rakemim. ³⁸ Para polisi saet res rak e fenti-fenti he sop ribope hakim-hakim sao fendumat nenari rifei sop fendumat roflae hofa Paulus rilat Silas ma renon warga negara Roma. ³⁹ Saet fendumat rimi nar sop rihime maaf bope Paulus rilat Silas fehaet fendumat rit rama rak e Paulus rilat Silas, fendumat rihime pe rilat tedia fei saomat sae. ⁴⁰ Saet fendumat ramarak ren kawalimu sop ehilok en limu Lidia sop saet fendumat rirome lafun-lafunri seiman Paulus rilat Silasma renfan rifituafo fendu ma nen ao.