¹ Kaaxtéex makbo'oy, kaajalí Benjamín, le kéen xííkeex tí Jerusalenee. Uusteex up'ee joom te tecoao. Liíseex yóok'ol Bet Haquerem up'e chikulal, táak tuux le k'aasanil táanú chíikpajaloo taak te xamánoo; up'ee nojoch k'askundaal ku naadzál. ² U chuupal paalil Sion, le kíich paan le mamayki kóoleeló, yaanú k'askundaa. ³ Le káalan tamanoobó yéeten u yáalá tamanobo yaanú bíinoo tu yiik'naaloo; léetióbe yaanu liisikó paseloo tu yook'o léeti yéeten bakpaach; jujun tuul xíibee yaanú kaalan táaman yéeten u káab. ⁴ K'uubá kuuxtaaleex tíe diosooboo tialé báateloo. Líik'eneex, cháak' k'oochk'oob u luubuule k'iinoo. Jaach k'aas wa u saasil le k'inco taanu dzookó, tumen leu yóocheel leu luubul k'iinoo taanu luubul. ⁵ Ba'ale cháak k'oochkoob te áak'aboo kaak káaskun u muk'oolaliloo. ⁶ Tumen le Yummtsil tu laakal ku pajtaloo ku yaalik: Xoot'a kuulcheex, múuch'kin teex u muuti luum yook'ol Jerusalén. Léetié múuch' kaj jach tujil tia k'oochbila, tumen chúup yéeten paalitsit'alil. ⁷ Beey up'ee ch'een ku weekik siis jáe, beey tunee le muuch' kaaja bayli' u meentik kaasoó. K'aasanil yéeten baalob jook'aan tu kuuchil kú yuubaloo taak teeló: le k'oojaniloo yéetené lóobó tianoo bayli'e tu táaní wiich. ⁸ K'aamé jaátsó, Jerusalén, wa teene kín naaxtal tí teex kin beetikeex tí káskundali, upée muuch' kaj maa kaajaan mixmakí. ⁹ Le Yummtsil yaanu pajtail tio ku yaalik, léetiob jaach tu jajilee yaanú p'ochajaloo le maxoó p'aatoo Israelo beey up'ee viñedoe. Maacheex tu káaten yéetena k'abeex tiala molkeexe sak tabka'ano tie viñedosó. ¹⁰ ¿Tí maaxoob unaj in dzá u yoojetoo tia kau yuuboo? ¡Pakté! ¡U xiikínobee maa suuy k'uup taanabí; léetiobé maatáan upajtal u yuuba t'aano! ¡Pakté! Leu a'almat'anee Yummtsilo taal tí léetró tía ká tujkíndakoo, ba'ale leti'o'be matu yotkoob. ¹¹ Báale teene chúupen yéeten u k'uxile Yummtsilo. Teene dzookí káanal muk' yaj. Léetié tu yaala teen. Week' tié meejen paalaloob te béejoboo tí up'ee muuch' xiiboo tankélenobe. Tumen utuul xiibé yaanú ch'aabá tiu yaatán, yéeten jujun tuul maakub ch'iinob u kuuchmajoo jaboo. ¹² U taanalobee yaanú suutul tiu laak'oo, léetiobé yéeten u k'axoobe, yeeten u muuch' atanoo tumen tenee taani biin ín k'oochoo le maa kaajanoo tie lumoo yéeten ín k'aab--léelá léetié u a'almat'anee Yummtsilo. ¹³ Le Yummtsilo kú yaalik takti. U chíichanil taak tu jonochil, tu laakal léetiobé ku dzibóltikobee a'yikalí maa utsil u naajltaaló. Taktie a'jbobat taaké a'jk'iinoo, tu laakál léetiobé taanu nuuktaankobe tuusiloo. ¹⁴ Léetiobé dzookú dzáakikoob u loobil in kaajal chaambeili, ku yaalikoo, jets'óolil, jets'óolil, keen mimaan mixup'ee jets'óolil. ¹⁵ ¿U ch'aamaó suutá keen u mentikoobe p'etayenjaló? Letióbe ma betabú ch'aikó suutali: ¡Léetiobé mau yoojeelo bixu ch'ikoa suutalí! Tumen yaanú luubuloo íchilee luubanoboo; léetiobé yaanú xéexée t'aloo le keen jaats'koobe, ku yaalike Yummtsilo. ¹⁶ Le Yummtsilo ku yaaliké baaxá, "Waaleneex te béejoo le ku k'áataloo pakaatneneex; k'ajchiteex leu beejile ch'iijanooboo, ¿Tuux yaane maalob beejo? Dzokolee xeeneex teeloo kaaxtexx up'ee kuchil tiala jeeleleex. Ba'ale le kaajo tu yaalaee, toone maataan téen xiikoon. ¹⁷ Tenee tí yéyex utuuleex p'ixicheex tia ka uuyeex le joomo. Ba'ale letió tu nuukoó, 'tóone mateen uuyeé.' ¹⁸ ¡Beey tunee, muuch' kajeex, uuyeex! Pakteex, teexee utuul ts'áajjaajil, le ba'ax kún uchuk teex. ¹⁹ ¡Uuyeex, Luum! Pakteex, tenee táitak in taasik k'aakundal tie kaajánu yíichú tukuloo. Letí'obe maá tu dzaj u yooló tií ín t'aani mix ti in a'almat'ani, ba'ale leti'obe tu p'eekto," ²⁰ ¿Baáxú k'aatu yaalé bulut budz ku naakal tí Sabá taak ti wiknaló? wa ¿le bóokoo ch'ujuktak takti up'ee luum naachoo? U siibiloo tokanoobee matáan ín káamik, mix xanu suyk'ipoo. ²¹ Tunee le Yummtsilo ku yaaliké ba'axa, pakté, tenee táan in dzaik up'ee nojoch tunich tu yook'ole kaajá. Leti'obee yaanu t'ooch k'aaloo tu yook'ol-muuch'oo taatao yéeten u paaliloo. Le kajnaloboo yéeten u etchi'nalobee yaan xáan u kiimiloo. ²² Le Yummsilo kú yaalike ba'axa, "pakté, up'ee kaaj ku taal takti up'ee xamani luum. Beey tunee up'ee nojoch muuch' kaajé dzokú wóolta tia ka taalak ti up'ee naachil luum. ²³ Letí'obee yaanu molikoob tip'ix ch'e yéeten tsopche'o. Leti'obee k'aasanoo mináan ch'aóotsilil tió. U juumobé beey bixú yáakane káanabo, leti'obe u naat'majoo tsiiminoo ti patule beey xiiboo tiale báatelo, u ch'upal paalil Sion,' ²⁴ "To'one dzook uuik leu péeksilo tu yoolaloo léek k'abobo lúuboo tí okom óolil le ok'om óolalo táanu chéenetkoon beey utuul koole ku káaxtik u xiibil paalilé. ²⁵ Má biineex tu paachile káaxobo, má xiimbaleex tie bejoobo, tumen leu maascabe le a'j p'eekoboo yéeten le sajkiloo tiaan xoot' joolkobe. ²⁶ U ch'uupalil ín kaajal, k'aalaba ti u nook'il xoot'óol b'aáalaba yook'ool u luumil le mukxajoo tial utuul chan paal. Beteex up'ee mukxáa k'áa a tia teech , tumen le k'askundalo taanú táal jach tu seeblakí óok'ol. ²⁷ "Tenee dzookí betkéch, Jeremías, le maax ku tuntik in kaajale jeex bix utuul ku tuntiké ek'tawo, tunee techeé yana kalantikó yana tuutikú béelo. ²⁸ Leti'obe tu laakále maacob jach nonolkilo, maxoob cheen taanú mánoo líilsajt'aan tíu laak' maacob. Tu laak'alobe bronceo, kankabo, tanú betkó k'aasaniloo. ²⁹ Le ku pulikubaobo ku leet'saloo tumene k'aak'o tójkooboo; leu pooliloo ku xuulxa tumene k'aak'o. Le p'oobaloo baylié naadz tí leti'o', baale matáanu pajtal tumen le káasó ma peksaki. ³⁰ Leti'obe yanu t'áanaloo plata p'eekyanoo, tumémé Yummtsilo dzookú p'eektikoo.