4 तोअ विईन बाकी माहाल रोग की आली आने ते आखला इ आस्तर ते काहाल नंकामा नुकसान केयो. 5 काहाका इ तेल ता तीन होव चांदी रुप्याहासे बी वाद किमतीम बेचाते आणे ते पोयसा गरीब लोकाहान देाता आवता . ऐहेकी आखीन तियो बायील काय काय आख्यो लाग्या. 6 ताहा येशु तियाहान आख्यो तीयो बाथील राद्या तियोल काहाल सोतावताहा ? तियाय माअ खातोर खुबूज हारो काम केअयो. 7 गरीब लोक ता सादाज तुमा आरी रेताहा आने तुमा मोनाम जाहा आवना ताहा तुमा तियाहान मोदात की सेकनारा पेन आय तुमाआरी सदाज नाहा रोनारो, 8 तियाल जो काम केअता आलो तो आ तियोय केअयोहो, तीयोय मांअ डाटाय जावन तयारी केअन पेअलाज इयोय माअ आगाल आस्तर तेला की मालीश केअयोहो. 9 आय तुमहान खेराज आखुहू दुन्यामेने बादा लोकाहान जीही काही येशु देवा हाऱ्या गोठ्या आखय जाय तिही इयो बायीम जो काम केअयो तोअ तियो इतवा खातोर आखाम आवी. 10 ताहा बारा चेलाहामेने एक चेलो यहूदा इस्कर्योत आथो येशु तीइ दा खातोर मोडा याजकाहा इही गियो. 11 जाहा याजकाही ती गोठ उनाया ताहा तीयाहील खुब खुशी वेअयी आने यहहुदाल पोयसा देवनु बोली केअयी, ताह यहुदा येशुल तिई दा खातोर सधी होदा लाग्यो. 12 बेशमीर मांडाहा सोणा पेयलो दिही जाहां वल्हांडण सोणा मेडा पाटडो माअतले तिदीही ताहा येशु चेला तियाल फुच्यो, ‘आमा जायन वल्हांडण सोणा मांडा तयारी केतेहे आमी कीही जयने तीयारी किहु ऐहकी तोअ काय विचार हाय ? 13 ताहा येशु तिया चेलाहान ऐहकी आखीन मोकल्या तुमा सेहेराम जाहा ताहा तिही एक माउहु पाअया वेंडो लिईन जाता तुमाहान मिली तिया फाचाडीने जाजा. 14 तसे मांआहु जिया कोअमे जाय तिया कोंआ मालिकाल आखजा “गुरुजीय आख्यो का आय मांअ चेलाहां आरी वल्हांडण सोणा मांडो खाय सेकजी ऐहेंडाी खोली किही हाय.” 15 ताहा तो तुमाहान एकी ओवालीवने हारी तयारी केअली खोी देखावी दी, तीही आपु खातोर तयारी केअजा.” 16 फाचे चेला तीहीने तिगीन सेहेराम गिया, ताहा येशुय आखला नेहेकीज तियाहान सापड्यो आन तिहीज तियाहाय वल्हांडण सोणा मांडा तियारी केकेअयाी, 17 फाचे वाअतो पोड्याताहा येशु तिया बारा चेलाहा आरी तिही आलो. 18 आने ते बाहीन मांउा खताला ताहा येशुय आख्यो, “आय तुमाहान खेरीज आखुहू, ‘तुमाहांमेन एक जां मोले दुशमनाहा आथाम तीइ दी.’ तो माआ आरीज मांडो खय रियोही . 19 ताहा चेला निरास वी गीया एका फाचाडाी एक तयाल फुचताहा, तो आय हाय का ? 20 तीयाय तियहान आख्यो, “ बारो चेलाहामने एक जा हाय ता माअ आरी थालीम आथ टाकी रियोहो तोज. 21 आन तिया बोद्दल पवित्र शास्त्राम जेहेकी लेखलो हाय तेहकीज जाई खेरो पेन जीया माअहा आथीकी माअहा पोयरो तेराम जाय तिया नाश वेरी तिया जोल्मोज नय वेअतो ता तिया खातोर हारो आथो.” 22 जाहा ते मांउा खातला ताहा येशुय मांडो आथाम लिईन प्रार्थना किअर्न मुड्यो आने चेलाहान दिइन आख्यो, “ल्या आन खा, इ माअ शरीर हाय.” 23 फाचो येशुय दाराक्षाहां रोहो आथाम लेदा आन ेप्रार्थना केईयाी, तो चेलाहान दिइन आख्यो, ‘तुमा बादे इयामेन पीया, 24 तहा येशुय आख्यो, “इ माआ नवा करार रोगोत हाय. तो खुबूज लोकाहा खातोर पोडनारो हाय.” 25 आय तुमाहान खेरोज आखुहू आय देवा राज्याम नोवो दाराक्षाहा रोहो पियेहे तावलुग आय आजने दाराक्षाहा रोहो पिइनारेाज नाय’ 26 तहांती तीयाय उपकारस्तुती गीत आख्यो आने तु जैतुना डोगाहोवे निगी गिये. 27 येशुय चेलाहाल आख्यो, ‘तुमा बादा मांडा बाबतीम ठकराय जाहा, काहाकी एहेकी लेखलो हाय आय माअ मेढे पालनाराल माय टाकदे आने बांदे मेढे जेहेतेहे नाही पोडी” 28 पेन आय जीवी उठेहे आने तुमा आगेलाज गालीलप्रांताम जाहे.
29 पेत्राय आख्यो, “ए वादाज तोअ बाबती ठोकराय जाय पेन आय किदीहीज ठोकरायु नया.” 30 ताह येशुय पेत्राल आख्यो, “आत तुल खेरोज आखुहू आज कुकडे बेन दाव वाहाया लागी तहा तु मान तीन दाव नाकारोहो.” 31 पेन पेत्र तियाय आजी हिमतीकी जोर दिईन आख्यो, “तो खातोर मान मोरा बी पोडी, तेबी आय तुल किदिीीज नाकारु नया एहकीज बांदा बी आख्यो.” 32 फाचे ते गेथ्शेमनी नावा जागाही आला आने येशुय तिया चेलाहान आख्या, ‘आय वायज दुर जायन प्रार्थना केहें ताव तुमा एहीज बोहजा.’ 33 येशुय त्याआरी पेत्र, याकोब आने योहान तियाल लेदे. तो खुबूज दुखाम आने विग्नाम तीया मोन पोराय आलो.
34 ताहा तीयाय आख्यो, “माअ जीव खुबूज काबराय गियोहो आमीज जनिगीजाय ओतोहो मारास वी रयिोहा तुमा इहीज रेजा पेन हुवी मा जाहा.” 35 फाचे तो वायजे जायने तोरतीवे उबंडू पोडीन प्रार्थना केरा लाग्यो, ‘की बी सेकेता वेरी ता ओ बोखत माअ इहीने दुर बी जाय.” 36 आने आजी तीयाय आख्यो, आब्बा-बाहाका तो अकी बांदोज बी सकेहे ओ प्यालो माअ इहीने दुर होरकावाीले तेबी बी इ माअ मोरजी नाय पेन तोअ मोरजी काय वेअ.” 37 फाचे येशु तियाही आलो ताहा ते हुतला आथा तोअ विइन तियाय पेत्राल आख्यो, “तु हुवी गियोहो का ? वाय बी तुल जागतो नाहा रेवातो का ?” 38 जागते रेजा आने प्रार्थना केअतो रेजा तुमा परिक्षाम पोडा नाय. आत्का ता तियार हाय पेन शरीरा तोबलो हाय. 39 फाचे येशु तिहीने दुर गियो आन तेहेकिज प्रार्थना केअयी. 40 आने तो फाचे आलो ताही ते तियाल हुतलाज सापड्या, काहाका ते खुबूज नीदवाय गेहला आथा, आने तियाय काय आखजी तोंअ तियाहान होमजातलो नाय. 41 फाचे तिसरीदाव आवीन तियाहान आख्यो, ‘तुमा आजीबी हुतलाज हाय का आने आराम केअता का ? पुरो वेअयो, टेम आवी गियोहो. 42 आने येशु गोठ्या केतलो ओलामुज बारा चेलाहामेने एक जा जो यहुदा तीही आलो. आने तिया आरी मोडो याजक आने लोकाहाल डाआया आने खुबूज 43 लोक तारवाय आने डेंगारा लिइन तुरुतूज आवी पोच्या. 44 तीया दोगो देनाराय तिया एहेकी आखी थोवलो आथो का जियाल आय मीली गुआ देहे तो तोज हाय, तियालुज तेअजा आने सांबालीन ली जाजा.” ताह यहुदा आलो आने तुरुतूज 45 येशूही जायन आख्यो, “ओ रब्बी” आखीन गुआ दाअ लाग्यों. 46 ताहा तिया लोकाहांय त्यावे आिा टाक्यो आने तिई लेदो. 47 तियाहामेनेज जे लोक पाहि उबा आथा तियाहांमेन ऐका जावायन तारवा काडी आने मोडा याजका आवत्याल तारवायाी की ठोक्यो आन तिया कान तोडी टाक्यो. 48 ताहा येशुय तियाहान आख्यो “काय तुमा मान बांड होमजीन तेरा खातोर तारावाय आन डेंगारा लिइन आलाहा का ?” 49 आयता दिनेरोज तुमा आरिज रिईन मंदिाम हिकवुतलो ताहा तुमाहाय मान नाहा तेअयो. पेन शास्त्रलेखाम जो लेखलो तो पुरा वेरा जोजे.” 50 ताहा तिया बादा चेला तीयाल रा दिईन नाही पोड्या. 51 ताह एक माअहु आथे तोअ मलमोली पोतडो फागीन तिया आरी चालतुले तीयाही तीयाल बी तेअयो. 52 पेन तो माअहु मलमली पोतडो टाकी दिईन उगडालोज नाही पोड्यो. 53 फाचे तियाय येशुले तियाहाने मोडा याजका ही लिगीये आने तिही बादा मोडा याजक डाआया लोक आने शास्त्री लोक टोलवाया. 54 पेत्र दुरने तियाहा येशु फाचाडा चालीन तो मोडा याजका कोआ चौठाम आने जागल्या सिपाडा आरी हेकातो बोठो. 55 मोडा याजक आने सभायीम टोलवाला यहुदी धर्मा पंच लोक बादा येशुले माय टाका खातोर कैली तेबी चुकी पूरावो होदतला पेन तियाहान सापड्यो नाहा. 56 खुब माअहाय तिया विरुध्दाम खोटी साक्ष देदी. पेन तियाहा साक्षी की कावीज मेल नाहा पोड्यो. 57 ताहा बाकी लोकाहाय उबी रिईन तिया विरुध्दाम खोटी साक्षी दिईदिईन आख्यो, 58 “इ आथाकी बांदलो मंदिर आय पाडा टाकेहे, आने माअहा आिााकी नाय बादलो एहेंकी बिहिरो मंदिर आय तीन दिहाम बाील काडेहे.” 59 पेन इयो गोठीकीबी तियाहा साक्षी मेल नया खाहली 60 ताहा मोडा याजकाय तिअया आगाल उबी रिइया आने तियाहाी येशुल फुच्यों “ पेन तु कावीज नाहा गोगणारो का ? ए लाक ता विरुध्दाम तुल देाष लागवुता इ केहकी ? 61 पेन येशु ठाकोज रियो, तिआय तो कावीज गोग्यो नाहा, ताहा मोडा याजकाय तियाल आजी फुच्यो, “तु मोडाम मोडो पुत्र ख्रिस्त हाय का ?” 62 येशुय तियाल आख्यो, “हां आयज हाय, पेन तुमा माअहा पोयराल बादी सोकती की पोराला देवा हुदी वेला बोठलो आन जुगामेन बादलाम आवता देखाहा.” 63 ताहा मोडा याजकाय सोवताहा पोतडे फाडीन आख्यो, “देखा, आमी आपहुन साक्षीदार काय गोरज ?” 64 तुमाहाय निंदा केअयी ती तुमा उतायाहा, ता तमाहान काय लागहे ? ताहा बांदाहाय आखे इयाल “माय टाकनु इ शिक्षा वेरांज जोजे” 65 ताहा बाकी लोक येशूपे थुका लाग्या, तिया डोआ बंादीन तियाल गंचहीकी ठोकीन आखा लाग्या, ‘तु ओहोके वारु केडाय ठोक्यो ?” सिपाडाहाय तीयाल आथाम लेदो आने तीयाहीबी ठोक्यो. 66 पेत्र जाहा चोवठाम आथोच ताहा मोडा याजकाइही चाकरी केनारी बायी आथी. 67 आने तीयुय पेत्राल हेकाता देखीन, तीययावेल विइन आखेहे ‘तु बी नासरेथवाला येशू आरी आथो.’ 68 ताहा पेत्र नाकराीन आणे आखेहे, “तु काय आखतीही इ मान होमजातो नाहा.” पेत्र तीहीने निगीन बाअणाही मांडवाम गियो ताहा कुकडो वाहायो. 69 फाचो बी तिया बायीय पेत्राल तिही देख्यो आन तिही जे लोक उबा आथा तियाहाल आखा लागी, ‘ओ तियाहाज हेंगात्यो हाय.’ 70 तहा बी पत्रा नाकार की देदो फाचो वायज वाअ लागी ताहा तियाही जे लाक उबा आथा तियाहांय पेत्राले आख्यो, “ते खेरोज तियाहामेने एक हाय काहा तु बी गालिलामेने लोकाहा बोली गोगतोहो.” 71 पेन पेत्रहाराप दिइन शपथलीन आखा लागयो “तिया माअहा बोद्दल तुमा गोठ्या केअताहा तियाल आय आखुतोज नाहा.” 72 ताहा तुरुतूज बिहीरीदाव केकडो वाहाय उठ्यो, ताहा जी गोठ येशुय पेत्राल आखली ती तीयाल इत की आली कुकडो बेन दावे वाहनु आगलो तु मान ती दाव नाकारी दिहो इ गोठ इतवीन तो रोडा लाग्यो.