अध्याय 13
1
आने येशू परमेश्वरा मंदिरा मे ने निगिन जातुलो ताहा तिया शिष्यामाने एक जाआ त्याले आखा लाग्यो, ‘गुरुजी, वे इ केहेंडो नोवाय हाय डोगडाकी जाने केहकी कोओ बादलो हाय,
2
येशु तियाल आख्यो “तु इया मोडो कोवो वेतो ने ? इही न्या एक बी डोगडो एक बीहीरा डोगडापे नै रेणारो तीयामेने होगाजे जेगडा ऐठा पोडि जावामे आवी.
3
येशू परमेश्वरा मंदीरा हुमूर जेतुना डोगाप बोठलो आथो पेत्र, याकोब, योहान आने आंद्रिया इया त्याले ऐखलो आथेा ताहा फुच्यो.
4
“ई गोड्या किधी वेरी तो आमाल आख आने जाहा ईया गोठ्या पुऱ्या वेरुलो वेल आवी ताहा कैली चिन्हो वेरी,
5
आने येशू तियात आखा लाग्यो, “तुमाल केडो ठोग नाय तिहाय तुमा साभालिन रेजा.
6
खुब माही मा नाव लिन आवि आने आखि का, ‘माय तो हाय’ आने ते खुबे काहाल ठोगी.
7
ताहा तुमा भानगोड्या आने भानगोड्या खोट्यागोठी बाबत उनाय ताहा बिया नाहा आने खेरोज वेजारोज हाय. आने आताहाम शेवट वेणारा नाहा.
8
एक राष्ट्र बिहरा राष्ट्रापे उठी, आने एक राज्य बिहरा राज्यवे उठी, जुदी-जूदी जागाप भुकंप वेरी आने काल पोडी पेण इ आखो बास नाश वेल सुरवात हाय.
9
तुमा सावध वेरा ते न्यायसभाले होपी केरा आने सभास्थान तुमाल ठोकी-तिहान खेरो आखतो तुमा राज्यकर्ते आने राजे तिया हमोर अभि रा पोडी.
10
इ वेरा पेहला आखा राष्ट्रान देवा वचन पोचा जोजे.
11
आने ते तुमान अडकाविन होद पुछ केरा लिी आवि ताहा पेहलाज काय गोगा तो मा इतवा पेन ताहा जो मनाम आवी तो गोगा, काहाका गोगनारे तुमा नहा पवित्र आत्म तुमा खातोर गोगी.
12
पावु पावाल आने बाहाको तिया पोयराल मोरा खातोर दोगोलबाजी की तहा वि दी, आने पोयरे आपु याहाकी-बाहकाव उठी आने ते त्याहाले मारी.
13
आने मा नावा खातोर बादे माहे दुरकेरी चुका काडी, पेन जो शेवट हुग टिकी तोच निवडाम आवी,
14
जाहा तुमा नाशाले जोड देणारी ऐहंडी बिख लागे ऐहंडी गोठ दानियेल संदेष्ट्याय आखली ‘हेना खराब जागा खराब वस्तु जो-जिही नाय रा जोजे तिया जागाप वेरा, ताहा जे यहुदी प्रांतामे हाय ते डोंगुप जाता रेजा.
15
आने जो केडो कोवा उच्चे बोठो वेरी तो कायबी ला निचे ना उता.
16
आने एगो खेताम वेरी ता तो तिया जागो केरा खातोर फासाडी नाहा जाहा
17
तिया दिहाम जि हाणे दुध पिते पोयराली बाई आने जि दुध पाजनारी बाई रि ती दिहाम तीइयी खुब खारबा रि.
18
आने प्रार्थना केते रेजा का ई हियालाम नाय वे.
19
काहा की त्या दिहाम जो बोखो वेरी तो देवाय जग उबजावलो त्यापेलेनी ते आज ने ते किधी नाहा वेया आने किधी नाय वेराी तिया होस.
20
परमेश्वराय जो ते दिही कोमी केला नाय रेता ते केडोज जिवतो नाय रतो पेन जियान तियाय निवडुले हाय तिया.
21
काहाका थोडाक लोक आपु खोटा ख्रिस्त आने खोटा संदेष्टा हाय ऐहेकी आखिली तेहकी वेरी ता ते निवडुला लोकाहाल ठोगावा केअेता.
22
कहा का आरदे माही खोटे ख्रिस्त नेता खोटे संदेष्टे तिगी टाकाय आने वेरे ते निवडुला लोकन बी डोगा खातोर चमत्कार देखावी.
23
वेरा ताहा तुमा धान दिन रेजा माय तुमाल पेहलावुज आखो आखि भोवलो हाय,
24
पेन तिया दिहाम बी ई संकटे आविन जाय ताहा.
25
आकाशामेने तारे पोडी आने आकाशामेने ताकोत डोगमोगोय जाय.
26
ताहा माही माहा पोयराल खुब सामर्थ आने महिमा की वादाम आवतो वेरी.
27
फासे तो तिया देवदुतान मोकली आने चारी होवेनी मोकलिन पृथ्वी ई कोपराम ने ता तीया कोपराम हुग वादला इ वेला ने ता ती वेला हुग तिया निवडुले माहान माहान डोलवी दिही काला पोडी जाय, चांद उजवाडो नाय दे.
28
अंजीरा चाडवापनो हीका जाहा तिया पाने हुकाते आने पोडते ताहा तुमा उनालो आवि गियो होमजुते.
29
तेहकीज इ आखो वेरी ताहा तुमा होमजी जाहा का, ते दिही खुबूज बानाय आविन उबला हाय.
30
माय तुमाल खेरे आखु, का जाऊक हुग ऐ गोठ्या नाय वेरे ताऊक हुग इ पिडी जाती नाय रे !
31
बादलो आने पृथ्वी पारवाय जाय पेन मा वचने नाश नाय वेणारो.
32
तीया दिही आने ति वेल केडाल नाहा मालुम, नाहा स्वर्ग दुताले नाहा पोयरो नाहा पेन फक्त बाहकाल मालुम हाय.
33
वेरा, जागते ऱ्या ! आने प्रार्थना केते रा, काहा का तुमाल नाहा मालुम तो वेल किधी आवी.
34
तो वेल ऐहकी हाय का, एक माहु आपु कोओ सोडीन प्रवासामे जायुलो वेले कोवो सोडे हे नोकराल काम होपी देवनु आने राखवालयाल जागतो रा आखे तेहकीज हाय
35
तिहाल जागतेऱ्या, काहा का तुमाल नहा मालुम तोनारो केहनडी वेला आवी,तो पारगा वेला आरदी राती वेगीवेला कुकडो वाहाय ताहा नेता वेगी वेला केहनडी वेला आवे तुमाल नाहा मालुम.
36
आने तो एकदामसे आलो आने तुमाल निदारीम वेयो ते.
37
माय तुमाल आखु इ आखान आखु जागते ऱ्या.