3 पेन तियाहावे नोकराल खुब ठोक्यो आने रिकामोज मोकल्यो. 4 फाचे तिये बिहरो नोकराल मोकल्यो, तियाहाय तिया मुनको फोड्यो आने तिया आरी मस्करी केयी. 5 फाचे तियाय वार सेवकान मोकल्या पेन बाक्यान तियान मार देदो तर बाक्याहान खेताऱ्याही माई टाक्या. 6 मालका मोकला खातर आमी फक्त तिया प्रिय पोयरो बाकी आथो तीयाय आख्यो, ‘आमी ते मा पोयरा मान थोवी’ तो त्या एखाले पोयरो आथो, तियाल तियाय खेताऱ्याही मोकल्यो. 7 पेन ते एकबिजाल आखा लाग्या ‘ओ तर खेता वारीस हाय, चाला इयाल आपु जिवे माई टाकुहू म्हणजे ओ जागो आपु वि जाय. 8 फाचे तियाय तियाल तेयो आने माईन द्राक्षावाडी बारे फेकी देदो. 9 ताहा द्राक्षावाडी तोनारो काय केरी ? तो आवी आने खेताऱ्याहा जीव ली आने द्राक्षावाडी बीहीराल दी. 10 तुमाहय ओ शास्त्रलेख वाच्यो नाहा का ? जो डोगडो बांदणारायु नाकाऱ्यो तो कोनशिला वेये. 11 इ परेमेश्वराकी वेयो, आने ते आमहा खातोर नोवायी गोठ वेयी. 12 फाचे ते येशुल तेरा खातुर वेअतुला, पेन तीयाहाल बिख लागतुली. तीयाल तेणु तीयाहा इच्छा आथी काहालका तीयाहाल मालुम आथो का, ओ दाखलो तीयाय तियाहा खातोरुज आख्योहो. फाचे ते तिहीने निगी गिया. 13 फाचे तीयाही तीयाल काही खोठो गोगता तेरा खातोरमहाही परुशी आन काही हेरोदी लोकांहान तीयाही मोकल्या. 14 ते तीयाही आला आन आखालाग्या, गुरुजी, तु प्रामाणीक हाय आन भेदभाव नाय केता आपु देवा मार्गो बाराबर हीकवुताहा इम आमान मालुम हाय, ते पासी कैसराल कर देवनु बोराबर हाय का नाहा? आमाहाय तो देवुला की नेय ? 15 पेन येशुय तिहाय ठोग पारखे आन तिहाल आख्यो, तमा मा परीक्षा काहा लेता ? माही एक सीक्को लावा आथी माय बी. 16 फासे तियाय तिहा हुमार ऐ सिक्को ली आलो तियाय तिहाय फुच्यो या सिक्कावे इ केडा चित्रो, आन ई नाव केदा हाय, तियाय तियाल आख्यो कैसरा हाय, 17 पासे येशु तिहाल आख्या जे कैसरा हाय ते कैसाराल द्या आने जो देवा हाय ते देवाल द्या. ताहा तिहाल तिहा गोठीय पाक्की नोवाय लागी, 18 फासी जे पुनरुस्था हायज नाहा ऐहकी माननारा थेडाक सदुकी तियाय तियाल पुच्यो, 19 गुरुजी, मोशे आमा खातर रे अेकी लीखलो हाय का, जर एगोहा पावु मोयो तर त्या थेय रियी पेन तियाल पोयरे नेय आथे आपु पावु पीडी आगला चाले इया खातुर तिया माहाये तिही आरी वोराड की लेवो आने मोला पावु पिडी वादावो, 20 हाथी केडा सात पावुहू आथा पेलया थेय केयाी आने तो विबर पोयराहा मोय गीयो, 21 दुसाराय तिया आरी वोराड केयो तेा बी बिकर पायराहा मोय गिया 22 तिसराय तेहेकीज केयो ते साप पावुमने ऐकालबी ती थेयीपणे पोयरे नाहा वेये, सेवाट ती थेय बी मोय गियी,
23 साती पावुये ती आरी वोराड केयो, हाथी पुनरुत्थाना बोखत जहा लोक मोलामने उठी ताहा ती केडा थेय आखाय, काहाका साती पावाहाय तीय आरी वोराड केलो आथो, 24 येशुय तियाहान आख्यो, ‘ खातरीने वचन आने देवा सामर्थ्य तुमाल मालुम नाह तियाल तुमाह ऐहकी चुक केताहा. 25 काहाका जाहा लोक मोलामने उठी ताहा ते वराड नेय के आने की बी नेय दे, पेन तीही ते स्वर्गमेने देवदुत होस री, 26 पेन मोअला फाची उठणु बाराम मोशे पुस्तकामणे बोलत्या चाडीविषयी वाच्योहो का ? तिही देव मोशेल आखेहे, माय अब्राहामा देव, इसहाका देव आने याकोबा देव हाय. 27 तो मौला मांहा देव नाहा तर जिवता मांहा देव हाय. तुमा चुकता हा. 28 फाचो एका शास्त्रीमेने ऐकाय आवीन तिहान विवाद केता उनायो, येशुय तिहाल कोत्या हारी रीते उत्तर देदो तो तिहाय वेयो. तिहाय फुच्यो, आखा तियमा पैकी महत्वा ऐहडी पेहली आज्ञा केल्ली हाय. 29 येशुय तियहान उत्तर देदो, ? पेहली महत्वा आगना ई हाय, हे इस्त्राएला एक प्रभु आपु देव देकूच प्रभु हाय, 30 तोह आपु बाठा मनाकी पुरा जिवा की पुरा मना की आने पुरा शक्ती की तोह देव प्रभु यवेह प्रेम केहे. 31 दुसरी आगना ई हाय का जेहकी सोहता वे तेंहकी आपु पडोसीव प्रेम केंह या विहरी केहलीज आगना मीठी नाहा. 32 ताह माह्य जवाब दे दो, देव ऐकूज हाय गुरुजी आने तिया शिष्या शिवाय केहणे नाहा ऐहकी आपु आखता तोह खेरो गोगता. 33 तिहावे पुरा अंन्तकरणाकी, पुरा बुध्दी की पुरी शक्ती की आने जेहकी आपुवे तेहकी आपु पडोसीवे माया केहनू ई आखो यज्ञ व अर्पण जोआपलो केरा आगन्या देधली हाय. 34 यीशुय वेचो का तिह माहाय माहाये हुसारी की उत्तर दे दो, ताहा तियाय तिहाल पुछ तु देवा राज्ययने दुर नाहा हाय. फासे तिहाल कायबी फुसा केहठाय हिम्मत नाहा. 35 यीशु परमेश्वरा भवनाम मे हिकवुतलो ताहा तियाय आख्यो, दावीदा पुत्र हाय ऐहकी नियमशास्त्र शिक्षक आखता तोह केंहकी शक्य हाय, 36 दावीद दे सोताह पावित्र आत्मा की भरपुर वी नेह गोग्यो. 37 दावीदेये सोताह ख्रिस्तालले प्रभु आखे तर फासी ख्रिस्त दावीदा पोयरो केंहकी ? आने मोठा लोकसमुदाय तियायले खुशी की उनातला ? प्रभु देव माहा प्रभु ले गोग्यो, माय तोह दुश्मनाले तोह पागातुले पाडु ताहावलुगे तु माह उजवी हाताय बोह. 38 हिखवुत तियाय आख्यो, नियमशास्त्रा शिक्षका बारामें वाची रेजा ! 39 आने देवळाम आने मुख्य मुख खुरशी आने मुख्य मुख्य जागा होता. 40 विधवा कोवे खय जाता, आने देखावा खातर रे लांबी लांबी प्रार्थना केंहता याह लोकाहले खुब कडक शिक्षा दी, 41 41. यीशु दानापेटी हुबूर बोयने लोकाहले पेटीमे पैसा टाकता बेहतुलो आने पाक्के धनवान लोकेह पाक्का पैसा टाकतुला. 42 फासी एक गरीब विधवा आली आने तिहीय बेहेन ताबा सिक्का म्हणजे एक दमडी टाकी, 43 यीशु ये तिया शिष्या एक जागे आध्या आने आख्यो, माय तुमाल खेरो आखु की आखाय ती पेटी मे जो दान टाक्योह, तीयाह आखाह ने ई विधवाये वादार टोक्योह. 44 माय तुमाल खाहु काहाका तिया वे जी काय हातो तिया धनामणू वादार दान दे दो. पेन ति गरीबाये तिईये जो आथो तो आखोज टाकी दे दी, तो आख्यो तियी आखा जिवना कामाय आथी.