¹ माेठी वेगीवेला पहाटे वेताज माठो याजक लाक वडील माहाये नियमशास्त हिकावनारो आने होगी यहुदी मोउली याही एक गोठ ठेरवीन येशुल बांदीने पिलाताआ ताबामे देदो.

² पिलाता ये त्याले फुच्यो तु यहुद्यांहा राजो हाय का ? येशुय जबाब देदो, “तु आखतोहा तेहेकीच!”

³ मोठो याजकाय खुबुज गोठीही की येशुपे माथे पाड्यो. ⁴ हाती पिलाताये त्याल फासो पुच्यो, ‘तु जवाब देणारो नाहा का ? ते तेअे कोत्याहा तेबी गोठ्याही तोपे माथेपाडी रेहेला हाय.’ ⁵ पेन तेबी येशुय जवाब नाहा देदो. तिया पिलाताल नोवाय लाग्यो. ⁶ वल्हांडण सणा वेल ते केंलाबी एक कैदीहा सोडुला मागणी केतुला, त्याहाल रिवाजापरमाने लोकाहा केहता सोडी देहलो. ⁷ बरब्बा नावा एक माहे लोबाड्या आरी कोचुरीम आथेा त्याये राडीम खून केअलो त्याले तेराम आलो आथो. लोक आला आने पिलाताले तो केअतलो तीहाआ केहता केतले तेहकी केरा लागव्यो. ⁸ पिलाताय फुच्यो तुमाआकेता यहुदा राजाल सोडुला अेहकी तुमाआ इच्छा काय हाय ? ⁹ पिलाताय फुच्यो तुमाआकेता यहुदा राजाल सोडुला अेहकी तुमाआ इच्छा काय हाय ? ¹⁰ पिलात अेहकी आख्यो कहाका त्याहाले माहिती आथी का द्वेषाकी मोठो याकजाकाये येशुल ती देदलो आथो. ¹¹ पेन पिलाताये तीयाबोद्दलाम बरब्बाल सोडुलो अेहेकी मोठो याजकाय लोकांल चोडव्यो. ¹² पेन पिलात तीहा फासे आखेह ताहा हाती तुमा जीयाले यहुदयाहा राजो आखता तीया आय काय कीव ? अेहीकी तुमा मोन होय ? ¹³ ते फासे मोठेने बोंबल्या ‘तियाल वधस्तंभाव खिलाटा. ¹⁴ पिलाताये फासो फुशो का, तीयाये काय गुनो केलो हाय ? ते बाठा खुबूज मोडाकी बोंबल्या ‘त्याले वधस्थांबावे खिलाटा.’ ¹⁵ पिलाताले लोकांहाले खुश केरवूलेा आथेा त्याखातोर त्याय तीया केहता बरब्बाल सोड्यो आने येशुले चापकावी ठोकीन वधस्तंभावे खिलाटा खातोर सिापाडाहा आथामे होपी देदो. ¹⁶ सिपाडाय येशुल राज्यपाल ओवालीम प्रयर्तामाने त्याले कचेरी मे लि गीये आणे त्याहाये सिापाडाहा एक टोलो एकूज जागे हादी लेदो. ¹⁷ तीहाय तीया लिापे जांबलो झगो (पोतडो) पोव्यो आने काटाहा टोपो (मुकूट) किन त्याल पोव्यो. ¹⁸ ते त्याल मुजरा (कोंबरामेने लोवीन) केरा लाग्या आने आखा लाग्या यहुद्यांहा राजाआ जयजयकार वेअे. ¹⁹ त्याहाये बेजु लाकडी की घेडी-घेडी त्याआ मोनकापे ठोका लाग्या त्याआपे थुप्या आने गुडगे टेकवीन त्याले पोगे पोड्या. ²⁰ त्याये त्याआ थिटुली केअयी, आने डिलापने जांबोलो झगो काडाी लेदो आने तीय खाजगी पोतडे त्याल पोव्ये. त्यापासे वधस्तंभावे (मोती खांबाव) खिलाटा हारो पोडे त्याकेहता त्याल बारे ली गीये. ²¹ वाटे त्यहाल कुरेनेकर शिमान नांवा एक माहु मिल्यो तो आलेक्सांद्र आने रुफ याहा बाहाको आथो आने तीय खेता मेने कोअ फिरी जाहालो आथो. हाती सिापायाहाये त्याले जोबराजोस्ती की येशु वधस्तंभ (मोती खांब) ली जाआ लागव्यो. ²² आने त्याही येशुल ‘गुलगूथा’ त्या अर्थ “कवटी जागो” आखते त्या जागे लाले. ²³ तीयाही त्याले कोडवो रोह बेडलो दाराखा रोह देदो पेन त्याये तो लिदो नाहा. ²⁴ त्यांही त्याले वधस्तंभावे (मोतीखाबावे) खिलाट्यों कडो कैले पोतडे लाजोजे या केहता त्याही चिठ्ठ्या टाक्या आने त्या पोतडे वाटी लेदे. ²⁵ त्यांही त्याले वधस्तंभावे (मौतीखांबाव) खिलाट्यो ताहा दिहा तिहोरो पोर (हाकाल्या नऊ) वेलो आथो. ²⁶ आने त्यावे दोषलागवुलो लेख “यहुद्यांहा राजो” अहेकी हिखलो आथो.

^{27 28} त्याये तीहा आरी बेन बांडाले, एकाल तीय हुदा आथा वेल आने बिहीराल त्याआ उलटी होवे वधस्तंभाव खिलाट्यो. ²⁹ जागेनी जाणारा लोक तीया ढिटुली केअतला आथा ते आपु मुनको आलवीन आखताला की अरे “ओरा परमेश्वरा कोअ पाडीन तो तिन दिहामे बांधणारो तो तुच ने !” ³⁰ वधस्तंभावेने अेठा आव आने सोताहाल वाचाड. ³¹ तेहेकीज मोठा याजकाये तियमशास्त्रा मास्तराये येशुल ढिटुली केअई आने तिहाय तिहालुज आख्या “तियाय बिहीरा तारण केअयेा पेन त्याले सोताआ बचाव केहता आलो नाहा.” ³² या मसिहाले इस्त्रायला राजो ख्रिस्त याले वधस्तंभाबेने अेठा आवा द्या हाती आमा तो वेहू आने त्यावे विश्वास थोवू आने जे त्याआ आरी बधस्तंभावे खिलाटला आथा त्याही बी तोचा आपमान केअयो ³³ माजनापे वेल वेअयाी होगा देशाम आंधारो पोड्यो, तो आंधारो माजनापे तीन वाजे ताव रीयो, ³⁴ हाती तीन वाजेल येशु मोठेकी बोंबलीन आखा लाग्यो, “एलोई एलोई लमा सबकथनी !” इया ओर्थे “मा देवा मा देवा माले तुय काहा सोड्यो ?” ³⁵ तिया जागे जे उबला थोडाक जावाये इ उनाया ताहा तीयाही आख्यो, ‘उनाया का ओ एलीयाल हात की रियोहो.” ³⁶ एक जाआ दोवडुतो गीयो त्याये वेटलो आंबबूला मे बुडवीन पोअयो बेजु लाकडाी वे थोव्यो आने तो युशूल पिया देदो आने आख्यो, ‘एलियो आविन त्याले ऐठा उतावेहे का इ आपु वेअता’. ³⁷ हाती मोठेनी बोंबलीन येशुय जीव देदो. ³⁸ ताहा परमेश्वरा कोअमेनी पडदो उचेनी अेठा हुद फाटी गीयो आने बेन टेकडा (भाग) वेया. ³⁹ येशु आगाडी उबा आथा त्या सायबाये जाहा त्याआ बोंबलमो तो उनायो आने तो केहेकी मोअयो इ वेअयो ताहा तो गोग्यो ‘खेरोखेर आ माहु देवा पोयरो आथो.’ ⁴⁰ तिही आथे ते थेण्या दुरने वेएतुल्या तीहीम मग्दालीया गावा मरीया, याकोब आने मोसे इया याहाकी मरीया जे सलेमी ए आथ्या. ⁴¹ जाहा तो गालीलाम आथो ताहे ते तिया फाचला चालीन तिया सेवा केएतुल्या आथ्या, आने आजी मुक्त्या थेएयाबी जे जे तिया आरी यरुशलेमामने आल्या ते ऐकतुल्या आथ्या. ⁴² वाअती वोखोत वियी ने ओ तियारी दिही म्हणजे आरामा आगलाच्यो दिही आथो. ⁴³ जे येक नांवातो न्यायसभासद म्हणजे आरामथाई योसेफ आलो जो जाते पेन भोगवाना राजा वाट हेएतुलो आथा तियोय हिमंत तिईन पिलाता पाही जायन येशु शरीर मांग्यो. ⁴⁴ तो ओतो माहारी मोई गीया इ उनैण पिलाताल नवल लाग्यो, ने तियांय जोमादाराल हादीन तियाल फुच्यो का, काय तियाल मोरान काय वाआ वियीही ? ⁴⁵ आने जोमादारापने एंहकी खोबोर मिलवीन तियांय योसेफाल शरीर देदी. ⁴⁶ तियांय तागा पोतडो वेचातो लाविन तीयाल उताव्यो आने तियाय ती पोतडांम चोंडाल्यो आने खोदकाम खेदलो पुयांरो आथे तिहीम तियाल थोव्यो, ने पुयांरा मुयांप डोगडो उंढलावी देदो. ⁴⁷ आने तियाल कांही थोवाहो इ मरीया मग्दालिया ने योसेफाल याहकी मरीयाही देख्यो.