¹ ईशुई आंख्या गोठया आखिन तो गालील मे जो जाताे रीयाे आने यार्देन खाडी पार कीन बीहिरीवेला यहूदीया देशाम गीयो. ² ताहां खुब मोडो टोलो तिया फासाडी गियो आने तिहिने खुब आजारी माहान तियांय हारे केये. ³ आरदे परूशी ईशु पाही आलें ईशुय काही गलत गोगा जोजे आखीन ते चाल केरा लाग्या. तियांय ईशुल फुच्यो, केल्लाबी कारणा की ऐगा माहाय तिया थेइल सोडाय का? ⁴ ईशुई उत्तर देदो," पवित्रशास्त्राम एहकी लिखलो हाय तुमाय खेरेज वाच्योवेरिता जाहा देवाय जग वोनबुलाे, ⁵ आने देवाने आख्याे, तीहाल माहू तिया याहकी - बाहकाल सोडीन आने थेई आरी ते बेनी एक शरीरा रि." ⁶ तिहाल वेन माही बेन नाहा पेन एक हाय. देवाय तिया बेन्याल आरीज जोडले हाय. तियाल केल्ला बी माहाय तियान दुर केएनु नाहा.' ⁷ परुश्यांय फुस्यो,' एहकीज हाय, ता, माहीम फारगुती लिखिन दिन आनेतिया थेईल सोडी देवनु दुर केलु आज्ञा मोशेय काहा देदी. ? ⁸ ईशुई उत्तर देदो,"तुमा अंतकरणा कठोरपणा विइन मोशेय तुमा थेया साेडी देवनु खातोरा सोडी देदला हाय. पेन पेहला फारगुती देवनु साेय नाय आथी. ⁹ माय तुमाल आखु, जो माहु तिया स्वाेता थेई सोडी दे आने बीहरी थेई आरी वोराड केहे तो व्यभिचार केहे. तियाल थेईल सोडनु एकच कारण हाय तो म्हणजे पेअल्या थेयीय बिहीरा मांहा आरी व्यभिचार केनु. ¹⁰ फासे तिये शिष्य तिया आख्या लाग्या, " जर कोअवाला आने थेई परिस्थिती एहडी रे ता वोराड नाय केनु हारो रे." ¹¹ ईशुई उत्तर देदो, "एहेंडी अक्कल आखांज नाहा हाय. जियाल हारी शिकवण हाय एहेकी नाव के. ¹² कारण याहकी गर्भामेनुज जन्म नपुंसक एहेंकी हाय आने माहा केले एहेकी नपुसंक हाय आने स्वर्गा राज्या खातोर तियाय आपुहुल नपुसंक की लेटलो हाय. जियाल ई स्वीकारता आवे तो स्वीकारे." येशु हाना पोयराहान आशीवार्द देहे. ... ¹³ फासे ईशु आपु पोयराप आथ थोविन प्रार्थना केरी तिया खाताेर माकी तिया पोयरे तिया पाही ली आले. पेन ईशु शिष्याय पाेयरान पाही लावां नाय देतला. ¹⁴ पेन ईशुई आख्यो, '" हाना पोयरान मा पाही आवा दया, तिहान ओटकावाहा मा, काहाका स्वर्गाराज्य तिया सारखाेज हाय." ¹⁵ पोयराहाप आथ थोवीन ईशुई तिहने जातोरियाे. ¹⁶ फासे वेरा, केडातेबी एक माहु ईशु पाही आलो आने फुसा लाग्यो, "गुरूजी सार्वकालीक जीवन मिला जोजे तिया खातोर माय काय केहु ? ¹⁷ ईशुई आख्यो," काय हारो हाय एहेकी मान काहा फुसताेह.? फक्त देव एखलोज हारो हाय पेन जर तुल सार्वकालीक जीवन जोजे ता आख्या आदज्ञा पाल." ¹⁸ तियाय फुस्यो, "केल्या आज्ञा ?" ईशय उत्तर देदो, "खून नाहा केरो, व्यभीचार केरो नाहा, चोरी नाहा, खेटी साक्षी देव नाहा. ¹⁹ आपु याहाकी बाहकाल मान थोव आने जेहकी सोताल प्रेम केतो तेहकीज बीहरान बी प्रेम के. " ²⁰ तो पायरो आखा लाग्यो." ऐ आख्या आज्ञा माय पालतो आल्लो हाय. माय आजी काय करू ?" ²¹ ईशुय उत्तर देदो." तुल जर पिरीपूर्ण वेरा हाय ता जो तोव कांवी वेरी तो वेची दे आने पाेयसा गरीबान वाटी दे. म्हणजे तुल स्वर्गाम मोडी संपत्ती मीली आने मा फासाडी चाल. " ²² पेन जहा तिया. जुवान पोयराय ई उनाया, ताहा तीयाल खुब दुःख वाटयो काहाका तो खुब मालदार आथो, आने तो ईशुल सोडीन जातो रियो. ²³ ताहा ईशु तिया शिष्यांन आख्यो," माय तुम्हाल खेरे आखु, धनवान महाल स्वर्गा राज्याम प्रवेश केरा खुब कठीन रेहे. ²⁴ माय तुमाल आखु का, मालदाराल स्वर्गा राज्याम प्रवेश वेरा म्हणजे उंटाल हुई मेने नीगुल होस." ²⁵ जाहा शिष्याय जे गोठया उनाया ताहा खुब आश्चर्यचकीत वेया. तियाय ईशुल फुस्यो," हाती केडा तारण वेरी?" ²⁶ ईशुय शिष्या वेला वेयो आणि आख्यो," माहांन इ अशक्य हाय, पेन देवाखाताेर आखा गोठया शक्य हाय." ²⁷ पेत्र ईशुल आखे," वेरा, आमाय आख्खो काय सोडी देदाे आणे तुमा फासाडी आला. हाती आम्हाल काय मिली." ²⁸ ईशु आखे," माय तुम्हान खेरे आखु, नव्या युगाम जहा मांहा पुत्र गौरवी राजासनावर बाेही ताहा तुमा जे बाद्दे मा फासाडी आला ते आखाज बारा राजासनावर बाेहा आने इस्त्राएला बारा वंशा न्याय केहा. ²⁹ जियाय जियाय मां फासाडी आवा आपु कोवो, पावु, बाेही, याहकी बाहको, पोयरो, खेतीवाडी सोडी बेरी तर तिया तिया पेक्षा जास्ती मिली आने तियाल सर्वकालीक जीवन मिली. ³⁰ पेन खुब जे आमी पेहला आलेहे ते शेवटी वेरी आने जे शेवटी आलेहे ते पेहले वेरी.