¹ तियाल स्वर्गा राज्य ई खेतमालकाहोस हाय. जाे खुब वेग्यो तीया द्राक्षवाडी मोलम मजुर ला खातोर गियो. ² तिया ताहाय एक पिडा खाताेर हरेकाल एक चांदी पोयसा दा कबुल केयो आणे तियाय द्राक्षा मळया कामा खाताेर पाडव्या. ³ वेगवेले नऊ वाजे माहा बाजाराम गीये ताहा तिही काहीक माहे ऊबले वेये, त्या लोकांते कायजे काम नाय आथो. ⁴ आणे तीयाये तीयाने आख्यो, तुम्हा बी मा द्राक्षावाडीमे कामाप जा आने जी मजुरी हाय ती माय तुमाने देहे. ⁵ आणे ते काम केरा वाडीमे गीये आणे तो माहु (१२) बारा वाजे आणे (३) तीन वाजे बाजारामे गीयो आणे तीया काम केनारा. माहा खातोरे (२) बेन ढाये जायने मोजुरी देती (५) पांच वाजे तो माहु फासु एक ढाय बाजारामे गीवो आजी तीयावे माही उबले वेये. ⁶ आणे तीयाये तीयाने फुस्यो, "तुमा काम नाहा केता आखु दीही काहा इही उबी रीया ? ⁷ तीया माहाय उत्तर देदो, ' आम्हाल केडाय काम देदो नाहा, तो माहु तियाल आखा लागयो,' हाती तुमा जा आने मा द्राक्षावाडीम काम केरा.' ⁸ वातीवेला द्राक्षवाडी मालक मुकादमाल आखेहे, आने तीयाय तियान मोजरी दी द्या, आय जियाहान बाठासे सेवटी ली आलो तीयाहान पेहेला मोजरी द्या, आने फासे बाकीच्या माहान द्या. माय कामाव रोजगार वेयो हादलान आखा सेवट पोयसा दया. ⁹ जे माही पांच वाजे कामाव आलले ते पोयसा ला गीये ताहा तियान चांदी एक पैसा देतो. ¹⁰ आने जियान पेहला काम केरा लि आले ते मजुरी ला आले. ते हाेमजे का आखासे जास्ती पैसा मिली, पेन तियान बी चांदी एक पैसा मजुरी मिली. ¹¹ तीयाय ते पैसे लेदा आने मालकाल लगेज तक्रार केरा लाग्या. आमाय आखु तोपाम काम केयो. ' ¹² ते आखा लाग्या, जीयाही आखा सेवटी कामाव लेदे तियाही ता एकुज तास काम केयो, पेन तुमाही तियाहान आमा बोराबारी मोजरी देदी. आमा दिही पोय तोपाक काम केयोहो. ¹³ पेन मोला मालीक तियामने एकाल आखे दोस्ता माय तुमाम काय अन्याय नाहा केतो. माय तुमाल एक चांदी पैसा देवनु गोठ वेली ने? ¹⁴ ता जाे हाय ताे ले आने आगला चाल, तुल देदी तोतीज इया शेवटया महान देवनु हाय. ¹⁵ आय मा पैसा वापर मान पोटीतेहकी वापर की नाहा सेकतो का? माय माहा आरी हारो तीहाल, तुल हेवा वाटे का ? ¹⁶ तीहाल जे शेवटी हाय ते पेहला वेरी आने पहले शेवटी वेरी." ¹⁷ ईशु यरूशलेम शहर मे जातुलो ताहा तिया शिष्यान एक सायटीम लेदो आनेतियान आख्यो, ¹⁸ वेरा, आपु यरूशलेम शेहरा बेल जाय रिया मीहा पोयरोल तीन मुख्य सेवक लोक आने नियमशास्त्रा शिक्षक तिया आथाम तिन दा आवी ते तियाल माय टाकी एहेंडो दंड दी. ¹⁹ आने थट्टा केराखातोर, फटके ठोकी आने वधस्तंभाप खिलाकी तियाल बीहरा देशा आथाम दी आने तीन दिहाम जिवताे वेही. " ऐहिक सन्मानाप्रीत्यर्थ विनंती. ... ²⁰ ताहा फासु जव्दी पोयरा वाहाकी, तीयु पोयरा आरी तीया तीही आली. ती तीया पागे पोडी आणे तियु तियाले एक विंनती केयी. ²¹ तियाये तीयुले फुस्यो," तुल काये जोजे?" ती आखे" मा एक पोयरो तो राज्यामें तो हुदी वेला बाेही आणे बीहरो पोयराे उलटा हाथा वेला बाेही वचन दे." ²² तो तियुले आखा लाग्याे, " तु कार्य मांगती तो तुल होंमजुतो नाहा.! जो प्यालो माये पिनारो हाये तो तुमाने पिता आडवी का?" ते आख्ये.,हा,"बाहको आवी!" ²³ ती ईशु ती याने आख्यो, तु ती मा खेराेज मा प्यालांमे ते पीया खेरे, पेणे मा हुदा आणे उलटा हाथा बाेहोनु मान आथा मे नाहा, तो मान मा बाहकाले हाय केडाले बाेहवावनु., ²⁴ ताहा विहरा दहा शिष्याये इ उनाया ते बेनी पावु नाराज वेया. ²⁵ फासे ईशु तीयाने हादीती आख्यो," बीहरा राष्ट्रामे ने लोकां राजाहा लोकांपे आपु माही हाये. इ बेरा आणे तीया डावा पुढारी आपु अधीकार वाटी. ²⁶ पेन तुमा वागनुक केहकी नेये. रां जोजे जर तुमामने केडाले मोडो बेनु हाय तर तो सेवक वेरा जोजे. ²⁷ आणे जो पहेलो वेरा हाय तो दास बाेना जोजे. ²⁸ म्हणजे तुमा माहा पोयरा होस जोजे, जेहकी तो विहरापने सेवा केरा खातारे नाहा आलो ते इतर लोकां सेवा केरा खातोर आणे अणेक माहे तारण वेय इया खाताेर तीया जिव दा आलो.,, ²⁹ तें यरीयो शहेरे सोडतला ताहा खुपे लोक तीया फासाडी आला. ³⁰ रस्त्याबेला बेन आंदले बाेठले आथे आणे उनाये का, ईशु इहती जाये रीयाेहो, ताहा ते खुब जोराम बाेबला लाग्यो, "प्रभु ईशु दावीदा पोयरा आमापे दया के," ³¹ इतर लोक तीयाने गायदा लाग्ये चुप रेहत्या आणे तीयाने ठाकाच्या आणे ते आजी खुप जोरामे बाेबला लाग्ये, प्रभु दावीदा पाेयरा आमापे दया के." ³² आणे ईशु उभी रियो आणे तीया, आरी गोठया केरा लाग्यो, माये तुमा खाताेर काय केरू एहेंकी इच्छा हाय'"? ³³ त्या आंदला माहाये उत्तर देदो, "प्रभुजी आमाने देखाये एहेंकी इच्छा हाय. ³⁴ ईशु तीया दया आली तीया डोवा आथल्यो, आणे ते तुरूते हारे वी गीये; आणे ते तीया फासडी गीये.