¹ सोब दिही वी गिया ताहा ईशुई पेत्र, याकोब आन याकोबा पावहु योहान ईयाहान आरी हादी लेदो आन तो तियाहान उचा डोगावे हुना जागाम लीगियो. ² तिहीतियाहां हुबूर तिया रूप बाेदलाय गियो, तिया मुंय दिहा हाेस चमका लाग्यो आने तिया पोतडे उजवाडाहोच उजले वी गियें. ³ ताहा तो मोशे आने एलीया इयाहा आरी गोठ्या केअता तियाहान देखायाे. ⁴ ताहा पेत्रांय ईशुल आख्याे, "आने प्रभु, आपू इहिज रेवनु कोतो हारो हाय, मोरजी हायता आय इही तीन मांडवा बनावेहे, एक तोअ खातोरे, एक मोशे खातोर, एक एलिया खातोर." ⁵ पेत्र तिया आरी गोठया केअतुलो, ओतामुज खुबूज उजाला वादलाय तियाहावे सांय की देदी आने तिया वादलामेने आवाज आलो " ओ मा मोयालो पाेयरो हाय इवाकी आय खुबूज खुश हाय, इया तुमा उनाया" ⁶ ईशु आरी आथा ते चेला इ गोठ उनाया, ताहा ते खुब बी गेहेला तियाखाताेर ताेरतीवे उवडू पोडी गेहला. ⁷ ताहा ईशु तियाहाही आवीन तियाहान आथाहांन आथलीन आख्ये, "उठा! विवाहा मां. ⁸ तियाहाय उसावीन वेअयो, ताहा तियाहान एखलो ईशुज देखया, बीहरो केडोज देखायाे नाहीं. ⁹ जाहा ईशु आन तिया चेला डोगावेने निचे उतीन आवताेला, ताहा ईशुई तियाहान हुकुम दिइन आख्यो जांवलूगु माअहां पाेयरे मोअलामेन फाचे जीवतो विइन नाय उठी तांवजुगु तुमाहाय डोगावे जो काम देख्यो, तोंअ केंडालुज आखहा मा. ¹⁰ फाचे तिया चेलाहांय तियाल फुच्यो, " एलियावे अलो आवां जोजे एहेंकी शास्त्री काहाल आखताहा? ¹¹ ताहा तियाय तियाहान आख्यो, एलियो आवी आन बादोंज हुदरावी इ खेरो हाय. ¹² आय तुमाहान आखुका एलियो आललो हाय, पेन तियाहांय ओअख्या नाहा, तियाहान जेहेकी लाग्यो तेहेकी तिवाहांय तियाल तारास देदो, एहेंकीज माअहा पोयराल वी ते तारास दी, तोंअ तो वेही. ¹³ ताहां तीयाहाय होमजी लेदो का तियांय आमाहान बाप्तिस्मा देनारा योहान वोद्दल इ आखलो हाय. पुथडाय तेअलो पोयरो. ... ¹⁴ जाहां ईशु आने तिया चेला, खुबूज लोक आशा तिही आला, ताहां एक माहु ईशुही आवीन, पागे पोडीन आखा लाग्यो. ¹⁵ "ओ गुरू, माअ पोयरावे दया केअ, तियाल मिरग्यो वी आवहे, ताहा तोअ खुबूज तकलीत केअहे एक सारखो आगीम आने पांअयाम टूटी पोडे. ¹⁶ आय तियाल तोअ चेलाहाही ली आलालो, पेन झ्याल तेअ हारो नाहां की सेक्या. ¹⁷ ईशुई आख्यो, अविश्वासी नांय केअनारा आने उलटी पिढी लोकाहाय, आय तुमा आरी कोतेलुग रींव ? कोतेलुग आय इ बहू? तियाल मांअ इहीली आवा. ¹⁸ ईशुई तिया पोयराम आथो तिया पुताल कडक रितीकी धमकाव्याे, ताहां तोअ पुत तियाहामेने निगी गियो आने तुरूतुज तोंअ पोयरों हारो वी गियाे. ¹⁹ ताहा ईशु चेला ठाकाज तियाही आवीन फुचताहा, आमा तियामेने पुत काहाल काडी नाय सेक्या. ²⁰ ताहा तियाय तियाहान आख्यो, तुमा विश्वासाम नाेवला हाय तियाल, आंय तुमाहान खेरोज आखुहू, तुमाहाम राई दाना एहेंडो विश्वास रेतो, ता, तुमा इया डोगाल आखीसेकता. इहीने होरकीन तिही जो, एहेकी आखतांज डोगो होरकी जातो, तुमा खाताेर काय वी नांय वे एहेकी वेअनारोंज नाय. ²¹ तेबीबी प्रार्थना आने उपास केअया वाची इया जाती निंगतो नाहा. आपो मोतीबोद्दोल येशु बिहरीवाऱ्या केले भविष्य. ... ²² जाहां ईशु आने तिया चेला गालील प्रांताम आला नाहा तो तियाहान आखा लाग्यो माअहां पोयराल लोकाहा आथाम तिइ दी. ²³ तेअ लोक तियाल मांय टाकी आने तिसरे दिही तोअ जीवतो विइन उठी तांहा चेला उनायने खुबूज निरास वी गिया. ²⁴ जाहां ईशु आने तिया चेला कफर्णहूम सेहेराम आवी ताहां मंदीरा कर पट्टी वसुल केअनारा लोक आला. ते पेत्राहीं आवीन फुचताहां तुमा गुरू कर-पट्टी नाहा देतो का? ²⁵ तियांय तियाहान आख्याे, "हा देहे," फांचे पेत्र कोअमे आवीन ती गोठ आखनारो आथो तिया आगलाज ईशुई आख्यो, शिमोन तुल केहेकी लागहे ? तोरतीपेने राजा लोक कर पट्टी केडापेने लेताहां तियांय पोयराहा वेने लेताहा का बीहिराहा वेने ? ²⁶ जाहा तियांय आख्यो पाेरकाहा वेने " ताहा ईशुई तियांल आख्याे, "पोयरे तां सुटेजं री गिये. ²⁷ तेबीबी आपु तियाहांन ठोकरावजी नाव इयाखाताेर तु फुगारा तेडीपे जायन पांअयाम गोलाय टाकजे आने पेहलो मासो लागी, तोअ तिन तिया मुंब उगडीन वेअजे, तिया मुंयाम तुल चांदी रूपयाे मिली. तोअ लिइन मांअ आज तोअ खाताेर तियाहान दि देजे.