¹ परूशी आणे सदूकी लोकाहाले ईशुई परीक्षा वेरूलो आथो म्हणुन ते ईशुई आले आणे आमहाले वादलामेने चिन्हा देखाव एहेकी मागनी त्याये केअई. ² पेन ईशुई तियाहाले उत्तर देदो तुमा वातीवेल वेड़ ताहा आखता हवामान हारो वेरी काहाका वदलो तांवडो हाये. ³ आणे तुमा हाकालीवेल आखता आन वादलो वेरी काहाका वादलो तांवडो आने जाहको जाडो हाये. तुमाहाले वादला रूप वोहकुता आवेहे पेन कालवेल लक्षणे ओहकुता आवतो नाहा का ? ⁴ दुष्ट व दुवाआरी इमानदारीनेय रेनारी पीढी चिन्हे (साबुत) होदेहे पेन त्याहाले यांना संदेष्टया शिवाय बीहरो चिन्ह (सोबुत) देवाम आवणारो नाहा हाती तो त्याहाले सोडीन गीयो. ⁵ ईशु आणे तिया शिष्य फुगाराती तोडी गीया ताहा मांडा लीला विहाराया. ⁶ ताहा ईशु त्याहाले आख्यो परूशी आणे सदूकी इयाहां खमीरा विषयी सावध रेजा (हुशारीम रेजा) ⁷ ताहा ते तिहामे विचार कीने आखा लाग्या आपु मांडा नाहा लेता तिया ते एहेकी आखताहा. ⁸ पेन ईशुई ओहकीन आख्यो ओ वाय कोमी विश्वाश्या आपु मांडो लेदो नाहा एहेकी तुमा आपसाम काहा केएहताहा. ⁹ आमीलाग तुमाहान इत नाहा का पांच मांडा पांच हजार लोकाहाले खावाडीन ते आले त्या फासे तुमा कोताहा सिंवले उचलीलेटे इ तुमाहान इतव्यो नाहाका. ¹⁰ तेहकीज चार हाजाराहाले खावाडा सात मांडा आणे तुमा कोतेहे सिंवले उखली लेदे इ तुमाले इत नाहा का? ¹¹ आय मांडा विषयी तुम्हाले आख्यो नाहा तर परूशी व सदूकी यांहा खमीरा विषयी सावध राआ एहेकी आख्या ई तुम्हाले केहकी होमजुतो नाहा. ¹² ताहा त्याहाले होमज्योका त्याहाले मांडा खमीरा विषयी सावधराआ आख्यो नाहा ते परूशी आणे सदुकी त्याहा हिकवुनु विषयी सावध राहा आखला आथो. येशु ख्रिस्त हाय ऐहकी पेत्राय देदली कबुली. .. ¹³ ईशु फिलिप्पाया कैसरीया या भागा होवे गियो. तो तिया शिष्याहाले आख्यों, "मा पोयराल लोक काय म्हणुन आखताहा." ¹⁴ आण त्याई आख्या, "काईके बाप्तिस्मा केअनारो योहान ता काेताक एलीया आणे बीहरा कायक यिर्मया किवा संदेष्टयापैकी एक एहेकी आखतेहे." ¹⁵ हाती ईशुई तिहाल आख्यो, "पेन तुमा माल केडो म्हणुन आखताहा." ¹⁶ शिमोनपेत्राये आख्यो, "तु ख्रिस्त जिवता देवा पायरो हाये." ¹⁷ ईशुई आख्याे, शिमोन, बार्योना, "तु धन्य हाये काहाका रोगोत आपे माहाया आकी तुले उलगडो केयो नाहा, ते मा वाहको हारेगामे हाय त्याये तुले इ उलगडो केयो. ¹⁸ आजी आय तुले एहेकी आखुका, तु पेत्र हाय आणे इया खोडकापे आमा मोंडली उबजावेहे आणी तिया आगला मोला माहा वाअनांहा कायज चालनारो नाहा. ¹⁹ माय तुले होरगा राजा कुच्या देहेओ आणे तोरतीपे जो काम तु सुटो केहेव तो होरगामे सुटोकेराम आवी. ²⁰ ताहा तीयाये शिष्याहाले होमजावीन आख्याेका, "आय ख्रिस्त हाय ई तुमा केडालुज आखाहा नाहा." सोताहा मरणा आने पुनरुत्थान इया बोद्दोल येशु भविष्य. ... ²¹ तोहीनेज ईशु ख्रिस्त आपु शिष्याहाले आखा लाग्यो का आपु यरूशलेम शहेराम जाआहु, वडील, यहुदी नेता आणे मुख्य याजक लोक आणे नियमशास्त्रा शिक्षक याहाकी खुबुज तारास भोगावी आणे मायेटाकावी आणे तीसरे दिही फासो जिवता उठावलो जाय इया जरूरी हाय. ²² ताहा पेत्राये त्याले एकीवेले निईन मनाकिईने आख्याे, "प्रभु तोओवेन ई दूर रे, एहेकी तुले किधीज वेणारो नाहा." ²³ पेन तो वोलीवीन पेत्राले आख्यो "अरे सैताना" माआफाचला वे तू माले अडथडो हाये काहाका तू देवा गोठीहोवे ध्यान लागवुतो नाहा ते माहा गाेठी होवे ध्यान देतेहो." सोताहा त्यागाखातोर आमंत्रण. ... ²⁴ जाहा ईशुई आपूव शिष्याले आख्याे, जो केडो मा फासलाआवा इच्छावेरी ताहा त्याये सोताहाले ऐकीवेले थोवीन आणे आप मोतीखांवे (स) उखलीने माफासला आवा जोजे. ²⁵ काहाका जो केडो आपु जीव वाचावा इच्छाकेहे तो त्याले गोमावी पेन जो मा केता आपु जीव गोमावी तो त्याले मिलावहलिई. ²⁶ जे माहाये बाठी दुनिया मिलवीलेदाे आणे आपु जीव गोमाव्याे ता त्याले काय फायदो. ?. ²⁷ काहाका माहापोयरो आपू बाहाका कैमवाकी स्वर्गदूताआरी आवी. त्या वेले आणे ताहा तो प्रत्येकाचे ज्या कामाप्रमाणे मोजरी देणाराे. ²⁸ माय तुयाहाल खेरो आखु का इही उवी रेनारा राहाम जो काही लोक एहंडा हाय का ते मनुष्या पोयराल तिया राज्याम आवी ताहा वी तावुक हुद तियाहाल मोरनु अनुभव आवनरो नाही.