¹ Ol man nogut bai ranawe taim i no gat man i ronim ol, tasol stretpela man i sanap strong olsem yangpela lion. ² Long wanem pasin bilong sakim tok bilong dispela graun bai kamapim planti lida tasol strepela man husat i gat gutpela tingting na save bai i stap longpela taim. ³ Rabis man husat i kros pait wantaim narapela rabis man em i olsem bikpela ren i kam pundaun na bagarapim ol kaikai long gaden. ⁴ Husat i sakim lo em i save mekim ol man nogut i amamas tasol husat i lukautim lo em bai pait na kamap birua bilong ol. ⁵ Ol man nogut ol i no luksave long gutpela na stretpela pasin, tasol husat i painim God Yawe bai i save long planti samting. ⁶ I gutpela moa long rabis man i wokobaut long stretpela pasin bilong em, tasol mani man i mekim planti giaman na stil pasin. ⁷ Man husat i lukautim lo em stretpela pikinini man husat i gat save, tasol husat i raun nating wantaim ol man nogut i kisim bikpela sem pipia i kam long papa bilong em. ⁸ Man husat i mekim bikpela profit mani long giaman pasin, em i bungim bilong man husat i save sori na helpim ol rabis man. ⁹ Sapos wanpela i no putim yau na harim lo, beten bilong dispela man em i kamap samting nating. ¹⁰ Husat i giamanim stretpela man na kisim em i go long rot nogut, dispela man bai pundaun long hul bilong em yet, tasol man i nogat asua bai kisim gutpela samting. ¹¹ Mani man bai i ting em stretpela man long ai bilong em yet, tasol rabisman husat i gat save bai i painim aut hait pasin bilong em yet. ¹² Taim ol stretpela man i kamap lida na bosim ol manmeri, i gat bikpela amamas, tasol ol man nogut i kisim ples, ol manmeri i save go hait olgeta. ¹³ Man husat i haitim sin bilong em i no inap kamap gut, tasol husat i tok aut na tok nogat long pasin nogut bilong em bai i kisim bel isi bilong bikpela. ¹⁴ Man husat i stap gut wantaim bikpela i kisim blesing, tasol man husat i strongim bel bai i pundaun long hevi na trabol. ¹⁵ Lida man husat i no save lukautim ol manmeri bilong em gut i olsem wel laion na bea. ¹⁶ Lida husat i nogat gutpela tingting em i man nogut tru, tasol man husat i save les long giaman pasin em bai i stap longpela taim. ¹⁷ Sapos wanpela man i mekim pasin i no stret na mekim nogut long narapela man na kapsaitim blut, em dispela man nogut bai i stap long dispela hevi longpela taim na dai, nogat man bai helpim em. ¹⁸ Husat man i wokabaut wantaim gutpela pasin em bai i stap gut, tasol husat i wokabaut krangi bai pundaun hariap. ¹⁹ Man husat i holim graun bai i gat planti kaikai i pulap, tasol man husat i bihainim man raun nating ino gat as em bai pulap long hangre na i stap rabis man. ²⁰ Man husat i stap stret bai i gat planti blesing, tasol man husat i kamap moni man hariap bai i no inap abrusim pei nogut. ²¹ I no gutpela long kamap wan sait pasin man tasol man i ken mekim asua long liklik hap bret. ²² Man husat pasin bilong em i no stret bai hatwok long painim moni na kago, tasol olgeta samting em i kisim bai i lus nating. ²³ Husat man i stretim pasin nogut bilong narapela man bai painim olsem dispela man bai mekim wanbel pasin stret, kain olsem man yumi amamas long em long maus tasol. ²⁴ Man husat i stil long papa mama bilong em na i tok, "Dispela em i no sin," em ol dispela lain man husat i save bagarapim ol samting. ²⁵ Man husat i save tingim em yet na i no save skelim ol samting gut bai kisim hevi na trabol i kam, tasol husait i bilip long God Yawe bai i kamap gutpela man. ²⁶ Man husat i tingim bel bilong em yet, dispela man em i no gutpela man, tasol man husat i gat gutpela tingting em bai i stap longwe long ol bagarap. ²⁷ Man husat i sori long ol rabis man bai i no inap long sot long ol samting, tasol husat i pasim ai na givim baksait long ol bai bungim planti hevi. ²⁸ Taim ol man nogut i kamap lida ol manmeri i go hait, tasol taim ol dispela lida i dai ol gutpela man bai i kam ples klia na pulap.