¹ Noken pas wantaim ol man husat i save mekim pasin nogut, o i gat strongpela tingting long raun wantaim ol, ² bilong wanem, bel bilong ol i save kamapim bel kros long pait na maus bilong ol i save mekim toktok bilong kamapim hevi. ³ Tru long gutpela tingting em i wokim haus na long gutpela pasin em i putim aut. ⁴ Long gutpela save rum i save pulap wantaim naispela bilas na ol samting i dia tumas. ⁵ Man bilong pait wantaim gutpela tinging em i gat strong na man i gat save em i save kisim moa strong, ⁶ long gutpela rot yu bai winim pait na wantaim ol gutpela tingting bilong ol man bai yu winim pait. ⁷ Gutpela tingting em i antap tumas long man i nogat save, insait long bikpela dua bilong banis, em bai i no inap opim maus bilong em long toktok. ⁸ I gat wanpela man husat i save tingting long mekim pasin nogut, ol manmeri i save kolim em bos bilong kamapim tokhait bilong pasin nogut. ⁹ Hait tingting nogut em i sin na ol man i save les long man bilong tok pilai. ¹⁰ Taim hevi i kamap na sapos yu i no pilim strong na yu pret orait strong bilong yu i liklik. ¹¹ Helpim ol lain husat ol i kisim ol i go long kilim ol na holim bek ol lain husat i amamas long kilim man nating. ¹² Sapos yu tok, "Harim! mipela i no save long wanpela samting," i nogat wanpela man i lukim bel na save long wanem yumi i toktok? Dispela man husait i save was long laip bilong yumi, ating em i no save? God Yawe bai i no inap givim yu wanem samting yu laikim long en? ¹³ Pikinini man bilong mi, yu kaikai ani long wanem em i gutpela, long wanem gris bilong ani i swit long maus bilong yu. ¹⁴ Wankain olsem gutpela tingting bilong spirit bilong yu, yu mas panim, bai i gat gutpela sindaun bihain na wanem yu tingim em bai kamap long en bai i no inap bagarap. ¹⁵ Noken giaman long weit olsem ol man husat i save mekim pasin nogut long brukim haus bilong ol stretpela man. Noken bagarapim haus bilong dispela man! ¹⁶ Maski ol stretpela man i save pundaun 7-pela taim ol bai kirap gen, tasol ol sin manmeri bai pundaun na kisim bagarap. ¹⁷ Noken bung na amamas taim birua bilong yu i pundaun na noken larim bel bilong yu i amamas taim em i no wokabaut gut, ¹⁸ o God Yawe bai i lukim wanem yu mekim na em i no inap amamas na em i no inap lusim belhat bilong em long ol. ¹⁹ Noken wari long ol man bilong mekim pasin nogut i mekim na noken bel nogut long samting bilong ol manmeri nogut, ²⁰ long man i save mekim pasin nogut em i nogat gutpela sindaun bihain na lam bilong ol manmeri i save mekim pasin nogut bai i no inap long lait. ²¹ Pikinini man bilong mi, pret long God Yawe na king, noken raun wantaim ol lain husat i save mekim birua pasin long em, ²² bagarap bilong ol bai kam hariap na husat i save long wanem bagarap tru bai kamap long tupela wantaim, ²³ ol dispela toktok i bilong gutpela tingting. Hap tok bilong skelim kot long lo i no gutpela. ²⁴ Husat i tokim ol man nogut olsem, "Yu stretpela man, ol manmeri bai mekim tok i no gutpela long yu na ol kantri bilong yu bai les long yu. ²⁵ Tasol ol man husat i stretim pasin nogut bilong ol, ol bai i stap gut na amamas long gutpela presen ol bai i kisim. ²⁶ Man husat i save mekim tok i tru em i mekim gutpela long maus bilong em. ²⁷ Redim wok bilong yu autsait na mekim olgeta samting bilong yu i redi long hap graun, bihain long em yu wokim haus bilong yu. ²⁸ Noken mekim toktok long wantok bilong yu sapos i no gat as long en na noken tok giaman long maus bilong yu. ²⁹ Noken tok, "Mi bai mekim long em, long wanem samting em i bin mekim long mi; Mi bai givim em bek wanem em i givim long mi. ³⁰ Mi wokabaut i go long hap graun bilong wanpela lesman na abrusim wain gaden bilong longlong man. ³¹ Nilgras i kamap long olgeta hap na moson gras i karapim graun, ston banis i bruk na pundaun. ³² Bihain mi lukim na mi skelim tingting, mi lukim na lainim sampela samting. ³³ Liklik slip, liklik malolo na liklik taim yu mas pasim han long malolo, ³⁴ Na yu bai i stap turangu na ol samting bilong yu bai i bagarap olsem ol ami i save bagarapim olgeta.