¹ Taim yu sindaun na kaikai wantaim ol man i go pas long yu oltaim lukaut na tingim gut wanem ol i putim, ² na yu putim naip long nek bilong yu yet sapos yu man husat i laikim tumas long kaikai planti. ³ Noken mangal long gutpela smel bilong kaikai, em kaikai bilong giaman. ⁴ Noken hatwok long kamap moni man, yu mas i gat gutpela tingting long wanem taim bai yu stop. ⁵ Inap yu larim ai bilong yu i givim lait? Em bai i go pinis na bai kamapim win olsem tarangau na plai antap long skai. ⁶ Yu no ken kaikai wantaim wanpela man i lukluk nogut na yu noken mangal long smel bilong kaikai, ⁷ em kain man olsem i save kauntim ol prais bilong kaikai. ''Kaikai na drink!" em tok olsem long yu tasol bel bilong en i no i stap wantaim yu, ⁸ Yu bai trautim liklik yu bin kaikai long en na bai yu lusim gutpela pasin bilong yu. ⁹ No ken toktok na harim tok bilong man nogut em bai i bel hat long gutpela skul tok. ¹⁰ No ken rausim olpela ston mak o graun bilong ol pikinini we papamama bilong oi i dai pinis, ¹¹ man bilong helpim ol em i strong tumas na em bai kisim ples bilong ol na toktok long yu. ¹² Putim bel bilong yu long soim na yau bilong yu long gutpela save. ¹³ Yu no ken pasim rot bilong skulim ol pikinini na sapos yu stretim em, em bai i no inap i dai ¹⁴ Em yu tasol bai paitim em long stik na kisim bek sol bilong em long ples bilong dai. ¹⁵ Pikinini bilong mi, sapos bel bilong yu i gat gutpela save, bai bel bilong mi tu bai i amamas. ¹⁶ Olgeta insait long mi i amamas taim yu tokaut long wanem em i stret long maus bilong yu. ¹⁷ No ken lusim bel bilong yu long pilim hevi long sin man, tasol pret bilong God Yawe bai i stap long olgeta dei. ¹⁸ Tru tumas taim bai i kam na yu tingim long em bai i no inap lus. ¹⁹ Harim, yu!-pikinini man bilong mi, yu mas kamap olsem saveman na lukautim bel bilong yu long gutpela rot. ²⁰ Yu noken pas wantaim ol spakman, o ol man bilong mangal long kaikai planti mit, ²¹ ol man bilong spak na kaikai planti mit ol i nogat samting na i nogat strong long ol bai pasim klos i bruk. ²² Harim tok bilong papa bilong yu husat i kamapim yu na yu noken luk daun long mama taim em i kamap lapun. ²³ Baim tok tru na yu no ken salim, baim gutpela tingting na gutpela stia tok na long kisim save. ²⁴ Papa bilong stretpela man i gat bikpela amamas na husat i karim pikinini i gat gutpela tingting em bai amamas long em. ²⁵ Larim papa na mama bilong yu bai amamas na mama karim yu bai amamas. ²⁶ Pikinini bilong mi givim bel bilong yu long mi na larim ai bilong yu mas bihanim mi long rot bilong mi. ²⁷ Pasin pamuk i olsem hul i go daun tru na pamuk meri em i olsem liklik hul wara. ²⁸ Meri i slip na weit olsem stilman na pulim planti man long giaman pasin bilong em. ²⁹ Husat i wari? Husat i bel sori? Husat i pait? Husat i toktok planti? Husat i gat bagarap na i no gat as? Husat i gat blut long ai? ³⁰ Ol lain husat i pas long strongpela smel bilong wain na ol lain husat i tanim wain. ³¹ Yu no ken lukluk long wain taim em kamap ret na taim em i sain insait long kap, em i go daun gut tru, ³² long bihain em i kaikai olsem snek na i kam wantaim pen bilong poisin snek. ³³ Ai bilong yu bai lukim ol kainkain samting na bel bilong yu bai kirap long ol pasin nogut. ³⁴ Yu bai i olsem wanpela man husat i slip antap long solwara o antap long hap diwai bilong sip. ³⁵ Yu bai tok'' Ol paitim mi, tasol mi no pilim pen. Ol i wipim mi, tasol mi no pilim pen, wanem taim bai mi kirap? Bai mi painim narapela dring."