¹ God Yawe i toktok long Moses na Aron. Em i tok, ² ''Dispela em i strongpela tok, wanpela lo we mi i givim long yu. Tokim ol pipol bilong Israel olsem ol i mas karim i kam long yu wanpela retpela youngpela kau i nogat sik o bagarap long en na em ino bin kalabus long wok. ³ Givim dispela youngpela kau long pris Eleasar. Em imas kisim igo autsait long kemp, na wanpela man mas kilim long pes bilong em. ⁴ Pris Eleasar i mas kisim sampela blut bilong dispela youngpela kau long pinga bilong em na tromoi liklik liklik 7 pela taim long wetim ai bilong haus sel bilong bung. ⁵ Narapela pris mas kukim dispela youngpela kau long ai bilong em. Em imas kukim ol samting i haitim en, mit na ol blut bilong en, wantaim pekpek bilong en. ⁶ Pris i mas kisim diwai cedar, hisop, na retpela wol rop, na tromai olgeta yet igo insait long namel long youngpela kau taim paia i kukim yet. ⁷ Orait em i wasim klos bilong em na em mas waswas long wara na em iken kam insait long haus sel, tasol em bai stap doti igo inap long abinun i kam. ⁸ Dispela man husait i kukim youngpela kau i mas wasim klos bilong em na waswas long wara. Em bai i stap doti inap long abinun ikam. ⁹ Wanpela man husait i klin i mas bungim ol das bilong dispela youngpela kau na putim long klin pela hap autsait long kemp. Lukautim ol dispela das istap, long wanem em bilong ol lain manmeri bilong Israel. Ol bai bungim na tanim wantaim wara bilong klinim ol yet long sin, long wanem dispela das ol i kisim long sin ofa. ¹⁰ Husait man i bungim das bilong youngpela kau mas wasim klos bilong em. Em bai i stap doti igo inap long abinun ikam. Dispela em bai kamap strongpela lo bilong ol manmeri bilong Israel na ol narapela lain Husait i stap wantaim ol. ¹¹ Husait i holim skin bilong olgeta dai man em bai stap doti inap long 7 pela deis. ¹² Dispela kain man i klinim em yet long dei namba 3 na long dei namba 7. Long dispela em bai i kamap klin. Tasol sapos em i no mekim em yet i kamap klin long dei namba 3, orait em bai no inap kamap klin long dei namba 7. ¹³ Husait man i holim bodi bilong dai man, bodi bilong man we em i dai pinis long en na ino klinim em yet- dispela man i bagaraim haus lotu bilong God Yawe. Dispela man i mas stap longwe long Israel, long wanem wara bilong rausim pasin doti ino bin wetim em liklik liklik. Em bai stap doti na doti bilong em bai i stap antap long em. ¹⁴ Dispela em i lo, long wonem sapos wanpela man i dai insait long haus sel. Olgeta lain manmeri husait igo insait long haus sel na olgeta husait i stap insait bipo long haus sel bai i kamap doti inap long 7-pela deis. ¹⁵ Olgeta kontena we i op na i nogat lid i karamapim ol i kamap doti tu. ¹⁶ Wankain tasol, ol husait i stap autsait long haus sel na husait i holim skin bilong man husait ol i bin kilim wantaim bainat na ol arapela dai man, bun bilong man o matmat-dispela man bai i kamap doti inap long 7-pela deis. ¹⁷ Mekim dispela long man i doti. Kisim sampela das bilong sin ofa we ol i bin kukim long en na tanim wantaim klinpela wara insait long pot. ¹⁸ Ol lain husait i klin i mas kisim hisop, putim igo insait long wara, na wetim liklik liklik antap long haus sel, antap long olgeta kontena insait long haus sel, antap long ol lain husait i bin stap long hap, na antap long ol husait i holim bun, husait ol i kilim, husait i dai, o matmat. ¹⁹ Long dei namba 3 na long dei namba 7, klinpela man imas wetim liklik liklik dispela doti man. Long dei namba 7 dispela doti man imas klinim em yet. Em i mas wasim klos bilong em na waswas long wara. Long abinun em bai kamap klin. ²⁰ Tasol husait man i stap doti na husait i les long klinim em yet - dispela man bai stap long we long olgeta manmeri, long wonem em i nau bagarapim ples holi bilong God Yawe. Dispela wara bilong klinim doti man ol i no wetim liklik liklik antap long em yet na em bai stap doti yet. ²¹ DIspela bai i lo bilong nau na bihain long ol dispela kain hevi. Husait man i wetim liklik liklik wara bilong klinim ol doti man imas wasim klos bilong em. Na man husait i holim wara bilong klinim doti man bai i doti inap long abinun i kam. ²² Wanem samting dispela man i holim bai i kamap doti. Na man husait i holim dispela samting bai i kamap doti igo inap long abinun.''