¹ God Yawe i tokim Moses olsem. Na i tok, ² "Tokim ol manmeri bilong Israel na kisim ol stik bilong wokabaut bilong long ol, wanwan wokabaut stik long wanwan tumbuna lain na bungim 12-pela stik olgeta. Raitim nem bilong wanwan manmeri long stik bilong ol yet. ³ Yu mas raitim nem bilong Aron long wokabaut stik bilong ol lain Livai. I mas igat nem bilong wanpela bikman long tumbuna lain bilong ol yet wanwan. ⁴ Na yu mas putim ol dispela wokabaut stik insait long haus sel bilong bung long pes bilong bokis kontrak, long ples mi save kam na bungim yu. ⁵ Husait man mi makim bai sampela samting i kamap long wokabaut stik bilong em. Na bai mi rausim tok kros bilong ol manmeri bilong Israel, long ol i mas stop long ol samting ol i wok long tok bek long yu." ⁶ Olsem na Moses i toktok long ol Israel. Na olgeta bikman bilong wanwan tumbuna lain i givim wokabaut stik bilong ol long em, na namba bilong ol wokabaut stik i 12-pela olgeta. Wokabaut stik bilong Aron tu i stap wantaim ol dispela wokabaut stik. ⁷ Na Moses i putim ol dispela wokabaut stik insait long haus sel bilong bung long pes bilong God Yawe klostu long bokis kontrak. ⁸ Long dei bihain, Moses i go insait long haus sel bilong bokis kontrak na em i kirap nogut olsem wokabaut stik bilong Aron long lain tumbuna bilong Livai i putim lif na flaua. Em kamapim ol nupela han bilong diwai na em kamapim flaua na karim almon i mau pinis. ⁹ Moses i kisim ol dispela wokabaut stik long pes bilong God Yawe na kam autsait long ol lain manmeri bilong Israel na wanwan man i kisim wokabaut stik bilong ol yet. ¹⁰ God Yawe i tokim Moses olsem, "Putim wokabaut stik bilong Aron long pes bilong bokis kontrak. Lukautim olsem mak bilong asua bilong ol manmeri husait i tok kros, olsem na bai yupela i lusim pasin bilong tok kros long mi. Sapos nogat, bai ol i dai. ¹¹ Na Moses i mekim olsem, God Yawe i bin tokim em long mekim. ¹² olgeta lain manmeri bilong Israel i tokim Moses olsem, "Bai yumi olgeta i dai long hia. Bai yumi olgeta i bagarap. ¹³ Olgeta lain husait i kam antap na husait i kam klostu long haus sel bilong God Yawe bai i dai. Ating bai yumi olgeta i bagarap na lus a?"