¹ Nau yupela i kam insait long hap bilong pait na bagarap, olgeta pikinini meri bilong ol ami, ol i ken redim ol yet wantaim ol samting bilong pait na raunim biktaun wantaim ol ain bilong pait long ol Jas man bilong ol Israel long wisket bilong ol. ² Tasol yu Betlehem Efrata, em maski yu stap liklik namel long haus lain bilong ol Juda, long yu tasol wanpela bilong yupela bai i kamap long lain bilong mi long bosim ol Israel, husait dispela man em i stap long bipo taim na long oltaim oltaim. ³ Long dispela as God Yawe bai i daunim olgeta, inap long taim dispela meri i pilim pen long karim pikinini na ol arapela brata bilong ol bai i kam bek long manmeri bilong Israel. ⁴ Em bai sanap na stap wasman i bin bosim ol sipsip bilong en, insait long strong long nem bilong God Yawe bilong em. Ol bai i stap yet na em bai i kamap bikpela long arere bilong dispela graun. ⁵ Long dispela bai em i kisim bel isi taim ol Asiria i kam insait long graun bilong mipela, taim ol i wokabaut i go long pait long mipela, long bikpela banis, mipela bai i kirap na pait wantaim ol 7 -pela wasman na 8 -pela lida antap long ol man. ⁶ Ol bai i kamap wasman long graun bilong ol Asiria wantaim ol bainat ol i holim long han na long graun bilong Nimrot insait long dua bilong en. Em bai i rausim mipela long han bilong ol Asiria na taim ol i kam insait long graun bilong mipela bai ol i wokabaut insait long mak bilong mipela. ⁷ Tasol ol liklik lain bilong Jekop bai i stap namel long ol planti lain manmeri, wankain olsem wara bilong nait i kam long God Yawe, olsem liklik ren antap long ol gras. Na nau yupela i noken weit long ol man na ol liklik pikinini bilong ol man. ⁸ Na ol liklik lain bilong Jekop bai i stap namel long ol kantri na namel long planti lain manmeri wankain olsem Laion i stap namel long ol animol bilong bikpela bus. Olsem yangpela Laion i stap namel long ol sipsip. Taim em i go long ol, em bai i krungutim antap long ol na brukim ol i go liklik liklik na bai i nogat wanpela bilong helpim ol. ⁹ Yupela bai apim han bilong yupela i go antap long ol birua bilong yupela na em bai i bagarapim ol. ¹⁰ "Em bai i kamap long dispela dei," God yawe i tok olsem, "Bai mi bagarapim olgeta hos bilong yupela namel long yupela na ol karis bilong yupela. ¹¹ Bai mi bagarapim olgeta biktaun bilong yupela na bai mi tromoi yupela i go daun olgeta long strongpela ples hait. ¹² Bai mi bagarapim olgeta poisin man i stap long han bilong yupela long graun bilong yupela na bai yupela i nogat moa ol glasman. ¹³ Bai mi bagarapim ol piksa man i wokim na namba bilong ol ston pos i stap namel long ol. Yupela bai i no moa lotu long save bilong man i mekim na ol samting i kamap long han bilong ol man. ¹⁴ Bai mi bagarapim tru ol piksa pos bilong Asera namel long yupela na bai mi bagarapim ol biktaun bilong yupela. ¹⁵ Antap long bikpela belhat bilong mi, bai mi kilim olgeta manmeri i no save harim tok bilong mi."