¹ Tasol long ol las dei, dispela samting bai i kamap long maunten bilong God Yawe na haus bilong em bai i sindaun antap long ol arapela maunten. Ol bai apim nem bilong en antap long ol arapela maunten na ol manmeri bai ron i kam long en olsem wara. ² Planti ol kantri bai go na tok, "Kam, yumi go antap long maunten bilong God Yawe na haus bilong God bilong Jekop. Em bai skulim yumi ol pasin bilong em na mipela bai wokabaut long rot bilong em. "Long wanem, long Saion ol gutpela lo bai i go aut na ol tok bilong God Yawe tu bai i go aut long Jerusalem. ³ Em bai wok olsem jasman bilong planti manmeri na em bai kamap long tingting bilong em long sampela kantri i stap longwe. Ol bai paitim bainat na wokim ain bilong brukim graun na i go kamap bilong spia long kamap olsem huk long sekim wain diwai. Ol kantri bai i no inap apim bainat na pait wantaim arapela kantri, o bai ol i no inap lainim ol yet long pait ken moa. ⁴ Nogat, olgeta bai sindaun wanwan aninit long diwai wain na aninit long dawai fik. Nogat wanpela bai pretim narapela, olsem maus bilong God Yawe i bin tok. ⁵ Olgeta manmeri bai i wokabaut, wanwan, insait long nem bilong god bilong ol yet. Tasol mipela bai i wokabaut insait long nem bilong God Yawe bilong mipela oltaim oltaim. ⁶ "Long dispela dei," God Yawe i mekim dispela tok, "Bai mi bungim olgeta lain i gat lek nogut na karim ol manmeri i kam, husait i lusim ples na raun i stap em mi mekim na sik nogut i kam long ol. ⁷ Bai mi bagarapim lek na han bilong ol na bai ol i kamap liklik lain tasol na ol lain husait bin lusim ples bai i kamap strongpela kantri na mi, God Yawe, bai i stap King antap long Maunten Saion, nau na oltaim oltaim. ⁸ Tasol long yu, washause bilong ol sipsip, pikinini meri bilong maunten Saion, long yu em bai i kam, King bilong yu bin i stap pastem bai stretim gut ken, em bai lukautim olsem king pikinini meri bilong Jerusalem. ⁹ Nau, yupela singaut bikpela tru long wanem? Yu nogat king namel long yu? Kaunsel bilong yu em dai pinis,? Long em tasol yu pilim bikpela pen tru olsem meri i laik karim pikinini? ¹⁰ Stap long pen na wok long karim pikinini, pikinini meri bilong Saion, olsem meri i pilim pen long karim pikinini. Yu nau bai go autsait long biktaun, stap insait long ol hap graun na bai yu go long Babilon. Dispela hap ples bai ol i kam kisim yu bek. God Yawe bai kisim yu bek long han bilong ol birua. ¹¹ Planti kantri nau i stap bung long kam birua long yu, ol i tok,' Larim em i stap long tudak pasin, larim ai bilong mipela bai i stap amamas antap long Saion'. ¹² Ol ino klia long tingting bilong God Yawe na ol tu i no save ol samting em i laik mekim, long wanem em bai kisim ol kam na bungim ol wankain tasol long taim bilong katim na pasim ol wit i redi long brukim long ston. ¹³ Kirap na brukim wit, pikinini meri bilong Saion, bai mi kisim belo na kamapim ain na bai mi kisim lek bilong abus na bai kamap olsem bras. Bai yu krungutim planti manmeri, bai yu putim long gutpela wok na kago na mani i bin kam long stil rot bai i go long wok bilong God Yawe na bilong olgeta manmeri long graun."