¹ Long dispela taim, dispela em God Yawe i tok olsem, ol bai kisim ol bun bilong ol king na ofisa bilong ol Juda i kam long matmat na tu ol bai kisim bun bilong ol pris na profet wantaim ol bun bilong ol man i dai pinis long Jerusalem. ² Bihain ol bai putim i go long lait bilong sun na mun na olgeta sta bilong skai; ol dispela samting i stap long skai ol i bihainim na lukim ol i save bihainim na painim em long lotu long em, Ol bai i no inap bungim bun na planim gen. Em bai kamap olsem kaikai bilong graun. ³ Long olgeta ples i stap nating long em we mi kisim ol i kam, ol i ting olsem ol bai i makim laip tasol ol i makim dai. Em ol husat i stap yet long bihainim pasin nogut bilong dispela kantri, dispela em tok God Yawe i tok strong wantaim pawa. ⁴ Tokim ol olsem, "God Yawe i tok; I gat sampela bilong yupela i pundaun na i no kirap? I gat sampela bilong yupela i lus pinis na i no laik long kam bek? ⁵ Bilong wanem ol dispela manmeri, bilong Jerusalem, i go longwe tru na i givim baksait long mi olgeta? Ol i holim strong bikhet pasin na ol i les long tanim bel. ⁶ Mi stap redi long harim, tasol ol i no tok stret na tok sori long sin bilong ol, I nogat wanpela bilong ol i tokaut wanem samting mi mekim em i rong", Olgeta i laik go long wanem hap ol i laik i go long en, wankain olsem man hos i laik i go long pait. ⁷ Na tu ol ensel bilong heven i save long raitpela taim; wankain olsem ol dov pisin na ol swif pisin na ol kran pisin. Ol i go long wanpela ples i go long narapela hap long raitpela taim, tasol ol lain bilong mi ol i no save long lo bilong God Yawe. ⁸ Bai yu tok wanem, "yumi save long lo bilong God Yawe olsem em stap wantaim yumi?" Orait, lukim! ol tisa bilong yupela i save long raitim giaman tok bilong ol. ⁹ Ol saveman ol bai i sem. Bilong wanem ol bai i pret na hangamap long trep. Harim! ol i givim baksait long tok bilong God Yawe na ol i tok, wanem wok ol bai mekim long save bilong ol?. ¹⁰ Orait mi bai givim ol meri bilong ol long narapela man na olgeta hap graun bilong long ol lain husat i lukautim ol, bilong wanem olgeta man long ol liklik i go long bikpela ol i giaman long kisim samting bilong narapela na dispela giaman pasin i kamap long ol profet na ol pris, olgeta i laik giaman tasol. ¹¹ Ol i oraitim ol manmeri bilong mi kisim bagarap tasol, i no bikpela tumas na ol i tok, givim bel isi long mipela taim mipela i nogat bel isi" ¹² ol Israel i sem tu long mekim dispela kain pasin nogut? Ol i no save sem liklik; ol i no save long stap gut! Olsem na ol bai i pundaun namel na bagarap olgeta; Ol bai i daunim ol na mekim save long ol, dispela tok God Yawe i mekim. ¹³ Bai mi rausim yupela olgeta, God Yawe i tok strong long olgeta manmeri bilong em. Bai yupela i nogat ol pikinin diwai antap long diwai wain, o ol pikinini diwai fik bilong ol diwai fik tu. Na long lip bilong ol, win bai i rausim na wanem ol samting mi i givim yupela long en bai i pinis. ¹⁴ Bilong wanem na yumi i sindaun i stap nating long hia? Kam na yumi olgeta i go wantaim na i go hait long ol narapela kantri na mipela bai i stap isi long hap na dai. Orait God Yawe God bilong yumi bai stap isi na helpim yumi, Em bai mekim mipela i drin posin, olsem yumi mekim sin pinis long ai bilong em. ¹⁵ Yumi bin ting long stap bel isi, tasol long hap i nogat gutpela samting stap, Mipela wok long lukluk long gutpela taim bai kamap, tasol lukim, em bai i gat pret i stap yet. ¹⁶ Ol lain birua i kam long ol lain bilong Dan. Olgeta hap long graun ol i guria olsem nois bilong em i strongpela ol hos. Long ol bai i kam na kukim ol graun na ol gutpela samting bilong ol na biktaun na ol lain manmeri i stap long en. ¹⁷ Orait lukim, Mi salim ol snek nogut i kam long yupela, ol bai kaikaim yupela na yupela i no inap stap gut. Dispela tok em God Yawe i tokaut strong." ¹⁸ Sori bilong mi em i nogat pinis bilong em na bel bilong mi i no amamas tru. ¹⁹ Ating!, Bikpela i no helpim ol lain manmeri bilong em ol i ranawe i go long graun longwe hap! Na God Yawe i no i stap long maunten Saion? Na bilong wanem na yupela ol manmeri bilong mi i mekim mi belhat na i go lotu long ol giaman god ol yet wokim long en? ²⁰ Taim bilong kisim kaikai i go pinis, na gutpela taim i go pinis. Tasol yumi i no bin redi. ²¹ Mi bagarap long wanem ol manmeri bilong mi i kisim bagarap. Mi krai long wanem ol samting i bin kamap long em, bel bilong mi em i hevi na mi krai i stap. ²² Ating long distrik Gilat i nogat marasin a? I nogat dokta bilong givim marasin a? Olsem wanem na ol tarangu manmeri bilong mi i no kamap orait yet?