¹ Tok i go long ol manmeri bilong Amon, God Yawe i tok olsem, "Ating Israel mas i nogat pikinini a? Ating em nogat wanpela long kisim ples bilong en long Israel? Bilong wanem na Molek i kisim ples long Gat na ol manmeri bilong em i stap long dispela biktaun? ² Olsem na lukim, i gat ol dei bai i kam taim mi bai givim toksave bilong pait wantaim ol lain Raba na ol manmeri bilong Amon, olsem na em bai kamap ples nating i pulap wantaim pipia na ol bai kukim olgeta hauslain long hap wantaim paia. Na ol Israel bai i bosim ol lain husat i bin bosim em." Em tok bilong God Yawe. ³ "Hesbon, yu mas bikmaus na krai, long wanem ples Ai bai bagarap! Bikmaus na singaut, ol pikinini meri bilong Raba! Putim ol klos bilong sori na bikmaus na krai i go nambaut olsem man i nogat tingting, long wanem Molek bai i go long kalabus wantaim ol pris na ol hetman bilong em. ⁴ Dispela meri yu nogat bilip, bilong wanem na yu toktok planti long ol ples daun bilong yu, ples daun em i gat planti kaikai long en. Yu save putim bilip bilong yu long ol planti moni samting bilong yu yet na tok olsem, 'Husat inap winim mi?' ⁵ Lukim, klostu taim bai mi givim bikpela pret na hevi long yu. Ol lain i stap klostu long yu bai pretim yu. Yupela wanwan bai i pret na ranawe nambaut taim em i kam. Bai nogat wanpela inap long bungim ol lain i bin pret na ranawe. Dispela em i tok bilong Bikpela God Yawe i stap antap tru. ⁶ Tasol bihain long dispela, bai mi givim bek ol gutpela samting long ol manmeri bilong ples Amon. Dispela em i tok bilong God Yawe." ⁷ God Yawe i stap antap tru i tok long ples Idom olsem, "Ating gutpela tingting i no stap moa long Teman a? Ating ol gutpela tingting i ranawe long ol lain i gat save a? Ating gutpela tingting bilong ol i bagarap pinis? ⁸ Go longwe! Givim baksait na kam bek! Ol manmeri na ol samting long ples Dedan, yupela i mas stap insait long ol hul bilong graun. Long wanem, bai mi givim bikpela bagarap long yupela olsem mi bin bagarapim Iso long taim bilong em. ⁹ Sapos ol man bilong kisim wain i kam long yu, ating bai ol i larim sampela wain i stap bek? Na sapos ol stilman i kam long nait taim, ating ol bai i kisim planti moa inap ol i pulap? ¹⁰ Tasol mi bin kisim olgeta samting bilong Iso. Mi bin putim em kam ples klia long ol hait ples bilong em, olsem na em bai i no inap haitim em yet. Ol pikinini bilong em, ol brata na ol lain i stap klostu long em bai bagarap na em bai go pinis. ¹¹ Larim ol pikinini bilong yu i nogat papa bilong ol i stap bek. Bai mi lukautim ol gut na ol meri i nogat man i ken i gat bilip long mi long lukautim ol." ¹² Olsem na God Yawe i tok olsem, "lukim, ol man husat i nogat namba long dring long kap i bin sakim tok na dring. Yu ting olsem ol bai i no inap givim pen long yu na larim yu i go? Long wanem, bai yu i no inap go nating, bai yu dring yet. ¹³ Na mi yet i bin tokaut olsem, Bosra bai i pret na bikpela sem na bagarap bai karamapim ol na ol bai i kamap olsem wanpela ples ol man bai mekim tok nogut long ol. Olgeta biktaun bilong ol bai bagarap olgeta. Dispela em i tok bilong God Yawe. ¹⁴ Mi bin kisim toksave long God Yawe na salim wanpela man bilong kisim toksave i go long olgeta hap kantri na tok aut, 'Bungim olgeta lain long pait wantaim dispela meri. Yupela i mas redi long pait.' ¹⁵ Yu mas luksave olsem long olgeta manmeri, mi bin mekim yu i stap liklik long olgeta lain long narapela kantri. ¹⁶ Long pret bilong yu tasol na biknem long bel bilong yu i bin giamanim yu wantaim ol samting i bin stap long ol ples i stap antap long ston maunten. Yu husat i bin kisim olgeta hap graun antap long bikpela ston maunten i stap antap tru long wanem yu laik mekim haus bilong yu i stap antap olsem haus bilong wanpela tarangau. Mi bai kisim yu i kam daun long hap. Dispela em i tok bilong God Yawe. ¹⁷ Ples Idom bai pulap wantaim pret taim olgeta lain i kam abrusim na go. Olgeta manmeri bai pundaun na pilim narapela kain long olgeta dispela bagarap i bin kamap. ¹⁸ Wankain olsem Sodom na Gomora na ol lain i stap klostu i bin pundaun na bagarap long em." God Yawe i tok, "Nogat wanpela man bai stap long hap. ¹⁹ Lukim, em bai olsem wanpela laion i lusim bik bus bilong ples Jodan na go long ples ol gutpela gras i stap long en. Bai mi mekim ples Idom long ranawe long dispela hap na bai mi putim wanpela long stap wasman bilong dispela hap. Husat i olsem mi na bai inap kotim mi? Wanem kain wasman bilong sipsip bai inap long pasim mi?" ²⁰ "Olsem na harim gut ol hait tingting bilong God, em i redim bilong ol lain Idom. Ol hait tingting em i bin kamapim bilong bagarapim ol lain bilong Teman. Ol bai rausim olgeta i go na ol hap gutpela gras i bin kamap long en bai kamap olsem ples i bagarap olgeta. ²¹ Long pundaun bilong ol tasol na graun i guria bikpela tru. Long krai bilong sori na hevi bilong ol i kamap bikpela tru na ol lain i stap long solwara Ret Si inap harim. ²² Lukim, bai i gat wanpela em bai pait olsem wanpela tarangau na bai kam daun na opim wing bilong em antap long Bosra. Na long dispela dei, bel bilong ol soldia bilong Idom bai wankain olsem bel bilong wanpela mama i pilim pen long karim pikinini." ²³ Long Damaskas, "Hamat na Apad bai sem nogut tru, long wanem ol i harim ol toksave bilong bikpela bagarap i bin kamap. Ol i go nambaut! Na bel bilong ol bai i no inap stap isi, wankain olsem solwara i no save stap isi. ²⁴ Damaskas i nogat strong moa, em i laik lusim na ranawe i go long wanem pret i karamapim em. Bikpela sori na pen i karamapim em, wankain olsem pen mama i pilim taim em i laik karim pikinini. ²⁵ Olsem wanem na yupela i lus tingting pinis long biktaun bilong mekim lotu wantaim amamas, bel amamas bilong mi i save stap wantaim dispela taun? ²⁶ Olsem na olgeta yangpela man bai i pundaun long ples bilong baim ol samting na ol narapela soldia tu bai i dai long dispela dei. Dispela em i tok bilong God Yawe i stap antap tru." ²⁷ "Bai mi laitim paia long banis bilong ples Damaskas na paia bai i bagarapim olgeta ol strongpela banis bilong Ben Hadad." ²⁸ Long Keda na ol kingdom long Hasa, God Yawe i tokim Nebukadnesa king bilong Babilon husat bai bagarapim ol dispela ples, "Kirap na pait wantaim ol lain bilong Keda na bagarapim ol manmeri i stap long hap sankamap. ²⁹ Ol bai kisim ol haus sel na olgeta lain wantaim ol laplap bilong ol haus sel na ol narapela samting i stap insait. Ol kamel tu bai i go na ol man bai singaut long ol olsem, "Bikpela pret na bagarap bai i kam long yupela long olgeta hap!" ³⁰ Go longwe! Go na stap longwe tru! Go stap insait long ol hul i stap long graun, ol lain bilong Hasa .Long wanem, Nebukadnesa, king bilong Babilon i kamapim wanpela hait tok long pait wantaim yu. Go longwe! Givim baksait na kam bek! Dispela em i tok bilong God Yawe. ³¹ Kirap! Pait wantaim ol dispela kantri i save stap isi na stap gut." God Yawe i tok, "Ol i nogat banis na geit long hap na ol manmeri i save stap ol yet. ³² Na ol kamel na ol planti samting bilong ol bai i bagarap long taim bilong pait. Orait, bai mi skelim i go long olgeta win long man husat i save katim olgeta sait bilong gras bilong ol na bai mi givim bikpela bagarap i kam long olgeta hap bilong ol. Dispela em i tok bilong God yawe. ³³ Hasa bai i kamap olsem wanpela ples bilong weldok, ples i stap nogut olgeta. Na nogat wanpela man bai i stap long hap." ³⁴ Dispela em i tok bilong God Yawe i kam long Jeremaia, profet bilong Elam. Dispela i kamap long taim Sedekia, king bilong Juda i bin lusim sia king bilong en na tok, ³⁵ "God Yawe i stap antap tru i tok olsem, lukim, klostu taim bai mi brukim ol man bilong sutim bunara i stap long Elam, em hap strong bilong ol i stap long en. ³⁶ Na bai mi kisim 4-pela win long 4-pela hap bilong heven na mi bai rausim olgeta lain long Elam i go long ol dispela win. Ol manmeri bilong Elam bai i go long olgeta hap kantri. ³⁷ Olsem na bai mi bagarapim ol lain Elam long pes bilong ol birua bilong ol na ol lain i laik kilim ol. Long wanem, bai mi givim bikpela bagarap long ol na salim bainat i kam long bagarapim ol olgeta. Dispela em i tok bilong God Yawe. ³⁸ Bihain bai mi putim sia king bilong mi long ples Elam na mi bai bagarapim ol king na ol lida. Dispela em i tok bilong God Yawe. ³⁹ Em bai kamap long bihain taim, olsem mi bai kisim ol gutpela samting bilong ples Elam i kam bek long ol. Dispela em i tok bilong God Yawe."