¹ Nau tok bilong God Yawe i kam long mi na i tok, ² "Yu noken kisim meri long laik bilong yu yet na yu noken karim ol pikinini man o pikinini meri long laik bilong yu long dispela ples. ³ Olsem God Yawe i tok olsem long ol pikinini man na meri husat i kamap long dispela ples long ol mama husat i karim ol na husat ol papa i laik kamapim ol pikinini long dispela graun, ⁴ 'Ol bai i dai long strongpela sik nogut. Ol bai i no inap krai long ol o planim ol long matmat. Ol bai olsem pekpek bilong animol i stap long graun. Ol birua bilong ol bai kilim ol long bainat na bikpela hangre bai kamap na olgeta bai i dai na bodi bilong ol bai olsem kaikai bilong ol pisin long skai na wel abus long graun.' ⁵ Olsem na tok bilong God Yawe i kam long mi na em i tok olsem, 'Yu noken go insait long haus sori. 'Yu noken go long sori o long soim pasin sori long wanem mi rausim pinis marimari bilong mi long ol dispela manmeri," God Yawe i tok pinis," em i God bilong soim laikim na marimari. ⁶ Ol bikpela na ol liklik manmeri bai i dai long dispela graun. Ol bai i no inap planim ol long matmat, nogat, wanpela bai i sori long ol na bai katim skin bilong lo long rausim het gras bilong ol. ⁷ Nogat wanpela bai helpim ol long kaikai long dai bilong ol na nogat man bai i givim kap wara long mama na papa bilong ol taim ol i stap long wari na sori. ⁸ Yu mas noken go long bikpela kaikai bilong ol o drink wantaim ol long haus bilong kaikai.' ⁹ God Yawe bilong bikpela lain ami, God bilong Israel i tok olsem, lukim, long ai bilong yupela stret long dispela ples mi redim nau long pinisim ol nois bilong amamas na ol nois bilong pilai na ol amamas bilong ol nupela marit manmeri.' ¹⁰ Bihain ol bai kamap olsem yu bai givim dispela ol tok long ol manmeri na bai ol i tok olsem long yu, 'Bilong wanem na God Yawe i putim bikpela hevi tru long mipela long wanem rong bilong ol sin na bagarap mipela i mekim long God Yawe," God bilong mipela?' ¹¹ Olsem na tok olsem long ol, 'Ol tumbuna bilong yupela bipo tru ol i givim baksait long mi olsem na God Yawe i tokaut na yupela i bihainim ol arapela god na lotu na brukim skru long ol. Ol tumbuna bilong yupela i givim baksait long mi na i no bihainim lo bilong mi. ¹² Tasol yupela yet i bringim moa ol dispela pasin nogut i winim ol tumbuna bilong yupela na yupela wanwan man nau i wokabaut long ol strongpela bel nogut bilong yupela na nogat man i harim tok bilong mi. ¹³ Orait bai mi rausim yupela na ol tumbuna bilong yupela long dispela ples na i go long ples we yupela i no save long en na bai yupela bai lotu long ol narapela god long dei na nait. Mi i no inap givim bel amamas bilong mi long yupela. ¹⁴ Olsem na lukim wanpela taim bai i kamap, "God Yawe i tok," Dispela taim bai yupela i no inap tok olsem, ' em God Yawe i stap, husat i kisim yu long ol manmeri bilong Israel i kam aut long graun bilong Isip,' ¹⁵ tasol, 'God Yawe i stap laip oltaim husat i bin kisim yupela ol Israel long graun bilong hap Not na em i kisim olgeta manmeri bilong em long narapela ples i kam bek we em i bin bagarapim long en. 'Long wanem mi bai kisim ol i kam bek long dispela graun em i bin givim long ol tumbuna bilong ol. ¹⁶ Harim, mi bai salim planti man i save long kisim pis i kam, "God Yawe i tok," ol bai kisim ol manmeri i kam aut. Bihain long dispela bai mi salim ol lain bilong painim abus na ol bai painim ol namel long ol maunten na liklik maunten na ol liklik hul bilong ston. ¹⁷ Mi i lukim olgeta pasin nogut bilong ol na ol i no inap hait long ai bilong mi. Olgeta rong bilong ol bai i stap ples klia long ai bilong mi. ¹⁸ Bai mi bekim pei nogut long ol tupela taim moa long sin bilong ol na rong ol i mekim na ples i bagarap tru wantaim piksa nogut bilong god giaman bilong ol i pulapim olgeta gutpela graun bilong mi wantaim god giaman bilong ol." ¹⁹ God Yawe, yu strongpela banis bilong mi na ples hait bilong mi, ples mi stap gut long taim nogut i kam. Ol narapela lain kantri bai kam long yu long arere bilong graun bai ol i tok olsem, "Tru tumas ol tumbuna bilong mipela ol i stap long pasin giaman olsem na ol i no kamapim wanpela gutpela samting long sindaun bilong ol. ²⁰ Ol manmeri i mekim god giaman bilong ol yet? Tasol dispela em i no god." ²¹ Olsem na lukim, mi bai mekim ol manmeri kam long luksave long dispela taim na mi bai mekim ol luksave long bikpela han na strong bilong mi na ol bai save olsem God Yawe em nem bilong mi.