¹ Orait na God Yawe i tokim mi, "Sapos Moses o Samuel i sanap i stap long ai bilong mi, bel bilong mi bai i no inap i stap wantaim ol dispela manmeri. Rausim ol long pes bilong mi na salim ol i go nambaut. ² Em bai kamap olsem ol bai tokim yu, 'Bai yumi i go long wanem hap?' Olsem na yu mas tokim ol, 'God Yawe i tok olsem. Ol lain husat i mas dai em i mas i go long dai na husat i dai long bainat em i mas i go long dai long bainat. Husat i dai long hangre em i mas i dai long angre na husat ol i stap long kalabus ol i mas i stap long kalabus.' ³ Nau mi bai skelim ol long 4-pela grup ,na bainat bilong kilim sampela, ol dok i pulim sampela i go na ol pisin bilong skai na ol wel animol bilong graun bai i kaikai na bagarapim sampela. Dispela em i tok bilong God Yawe. ⁴ Mi bai mekim olgeta samting nogut long olgeta ples i stap long graun. Long wanem Manase pikinini man bilong Hesekia, king bilong ol Juda, i mekim insait long Jerusalem. ⁵ Husat bai i marimari long yu, Jerusalem? Na husat bai i sori tru long yu? ⁶ Yu bin lus tingting long mi na yu bin lusim mi na i go. Olsem na God Yawe i tok mi bai kilim yu wantaim han bilong mi na bagarapim yu. Mi i no inap long marimari long yu. Dispela em i tok bilong God Yawe. ⁷ Mi bai skelim ol wantaim longpela fok bilong mi long geit bilong graun. Bai mi rausim ol olgeta. Bai mi bagarapim ol manmeri bilong mi long wanem ol i no inap tanim long ol pasin nogut bilong ol. ⁸ Mi bai mekim namba bilong ol meri, man bilong ol i dai pinis i kamap planti olsem wesan bilong nambis. Long ol mama bilong ol yangpela man, mi bai salim man bilong givim bagarap i kam long namel dei taim. Bai mi mekim ol i kirap nogut na guria wantaim pret. ⁹ Mama husat i bin karim 7-pela pikinini bai i lus nating. Em bai pulim strongpela win. Dei bilong em bai i go daun taim tulait i stap yet. Dispela meri bai pilim sem tru na bai mi givim ol lain i stap yet i go long han bilong ol birua. Dispela em tok bilong God Yawe." ¹⁰ Sori tru long mi, mama bilong mi, Long yu bin karim mi, em dispela man bilong toktok strong tru na kros long olgeta hap graun. Mi no bin givim long ol narapela o ol i no givim mi, tasol ol i tok nogut long mi. ¹¹ God Yawe i tok, "Ating mi bai i no inap kisim bek yu olgeta? Bai mi mekim ol birua bilong yu i askim long helpim insait long taim bilong bikpela bagarap na hevi. ¹² Inap wanpela i brukim ain? Gutpela ain tru bilong hap not i bungim wantaim bras? ¹³ Bai mi givim ol birua bilong yupela moni na kago na planti gutpela samting olsem samting nating. Bai mi mekim dispela long wanem olgeta pasin nogut yupela i mekim namel long mak bilong graun bilong yupela. ¹⁴ Orait bai mi mekim yu i kamap wokman bilong ol birua bilong yu insait long graun we yu i no save. Na belhat bilong mi bai kamap olsem paia i lait na kukim yu na bai bagarapim yu." ¹⁵ God Yawe, yu save pinis! Tingim mi na helpim mi. Kisim mi kam aut long ol man i laik mekim nogut long mi. Yu stap isi, tasol yu noken larim ol i kisim mi i go, yu save olsem mi kisim bagarap long yu tasol. ¹⁶ Mi painim tok bilong yu na mi daunim.Tok bilong yu i kamap long mi olsem amamas na bel isi long bel bilong mi na mi karim nem bilong yu,God Yawe, God Bikpela Antap Tru. ¹⁷ Mi i no bin sindaun namel long ol man husat i save pulap wantaim bikpela amamas. Mi les long sindaun insait wantaim ol long wanem yu gat stronpela han, yu pulapim mi wantaim belhat bilong yu. ¹⁸ Bilong wanem mi wok long pilim pen oltaim long olgeta bagarap bilong mi na em i no inap pinis ariap? Bai yu stap olsem giaman wara long mi, wara i save drai? ¹⁹ Olsem na God Yawe i tok, " Sapos yu tanim bel, Jeremaia, orait bai mi pulapim yu na bai yu sanap long pes bilong mi na lotuim mi. Sapos yu skelim ol nogut samting long ol gutpela samting, yu bai olsem maus bilong mi. Olgeta manmeri bai kam bek long yu, tasol yu yet i no inap go bek long ol. ²⁰ Bai mi mekim yu olsem strongpela wol ol i mekim long bras long dispela ol manmeri na ol bai kam pait wantaim yu. Tasol ol bai i no inap winim yu, long wanem mi stap wantaim yu long kisim bek yu na helpim yu. Dispela em i tok bilong God Yawe ²¹ olsem na mi bai kisim bek yu long han bilong ol man nogut na lukautim yu long han bilong dispela man nogut."