¹ God Yawe i tokim mi olsem, "Yu go na baim wanpela gutpela laplap bilong putim long aninit. Tasol yu no ken putim dispela laplap long wara pastaim." ² Orait mi go baim dispela laplap, olsem God Yawe i bin tokim mi long en na mi pasim long namel bilong mi. ³ Bihain tok bilong God Yawe i kam long namba tu taim gen na i tok olsem. ⁴ "Kisim dispela laplap yu bin baim na pasim i stap long en, na i go long Perat nau. Haitim long dispela hap long wanpela spes i stap namel long ston." ⁵ Olsem na mi go haitim dispela laplap insait long Perat olsem God Yawe i bin tokim mi. ⁵ Olsem na mi go haitim dispela laplap insait long Perat olsem God Yawe i bin tokim mi. ⁶ Bihain planti dei i go pinis, God Yawe i tokim mi gen olsem, "Yu kirap go bek long Perat na kisim dispela laplap mi bin tokim yu long go haitim. ⁷ Olsem na mi go bek long Perat na kamautim dispela laplap mi bin haitim. Na mi lukim dispela laplap i bagarap pinis na i no inap long mi mekim wanpela samting long em. ⁶ Bihain planti dei i go pinis, God Yawe i tokim mi gen olsem, "Yu kirap na go bek long Perat na kisim dispela laplap mi bin tokim yu long go haitim. ⁷ Olsem na mi go bek long Perat na kamautim dispela laplap mi bin haitim. Na mi lukim dispela laplap i bagarap pinis na i no inap long mi mekim wanpela samting long em. ⁸ Na tok bilong God Yawe i kam long mi, olsem, ⁹ God Yawe i tok olsem, long wankain rot bai mi bagarapim bikpela biket pasin bilong ol Juda na Jerusalem. ¹⁰ Ol dispela manmeri bilong mekim pasin nogut i no save harim tok bilong mi, ol i save wokabaut insait long pasin tudak na bihinim laik bilong ol yet na lotu long giaman god bilong ol, Ol bai i bagarap olsem dispela laplap i no inap long mekim wanpela gutpela samting. ¹¹ Mi bin mekim olgeta haus bilong Israel na olgeta haus bilong Juda i pas strong long mi, olsem laplap i save pas strong long namel bilong man, Dispela em tok bilong God Yawe olsem bilong ol i ken i stap ol lain manmeri bilong mi na ol i ken litimapim nem bilong mi na givim biknem long mi. Tasol ol i no laik harim tok bilong mi. ¹² Bikpela i tokim Jeremaia olsem, yu mas autim dispela tok long ol. 'God Yawe em God bilong Israel na i tok olsem: Bai olgeta graun sospen i pulap long wain.' Bai ol i tok long yu olsem. 'Yu ting mipela i no save olsem olgeta graun sospen bai i pulap long wain a? ¹³ Olsem na yu mas autim dispela tok long ol, 'God Yawe i tok olsem: Mi Bikpela mi tok olsem bai mi pulapim wain long yupela olgeta manmeri bilong dispela graun na bai yupela i spak nogut tru. Ol king bilong lain bilong Devit na ol Pris na ol Profet na olgeta manmeri bilong Jerusalem. ¹⁴ Na bai mi bagarapim ol dispela manmeri olsem man i kisim ol sospen graun na paitim long ol narapela sospen graun na olgeta i bruk. Olgeta manmeri bai i bagarap, ol papa na ol pikinini tu wantaim. Mi no ken marimari na sori long ol na larim ol i stap.Nogat tru. Bai mi bagarapim ol. Mi God Yawe mi tok pinis. ¹⁵ Putim yau na harim gut. Yupela i noken bikhet, long wanem God Yawe i tok pinis. ¹⁶ Givim biknem long God Yawe, God bilong yupela nogut em i mekim ples bilong yupela i tudak na lek bilong yupela bai i wel na mekim yupela i pundaun antap long maunten taim tudak i laik kam klostu. Yupela i laikim lait tasol em bai tanim ples i kamap tudak tru, i olsem klaut i kamap tudak. ¹⁷ Na sapos yupela i no harim tok, mi yet bai krai long yupela long biket bilong yupela. Tru tru bai mi krai na aiwara bai pulap long ai bilong mi na ron i go daun, long wanem ol kisim ol sipsip bilong God Yawe long banis bilong em i go long kalabus. ¹⁸ Bikpela i tokim mi olsem, yu go givim dispela tok long King wantaim mama bilong em. Yutupela i mas lusim sia king bilong yutupela, long wanem hat king bilong yutupela i kamap samting nating na yutupela i no ken bosim kantri moa. ¹⁹ Ol biktaun insait long Nekev bai i pas olgeta, na i nogat man bai opim ol. Bai ol i kisim olgeta lain long Juda long kalabusim ol, olgeta bilong ol bai i go long kalabus. ²⁰ Apim ai na lukluk i go long man bai i kam long not. We stap dispela ol sipsip em i givim long yu, dispela ol sipsip i gutpela tru long yu? ²¹ Bai yu tok wanem sapos God i putim ol man yu bin lainim ol long bosim yu na stap klostu long givim helpim? Ol dispela pen i no olsem pen bilong mama i laik karim pikinini we bai holim na inapim yu olsem meri i stap long pen long karim pikinini? ²² Na bai yu inap tok olsem long bel bilong yu, long wanem na ol dispela samting i kamap long mi? Em bai long asua bilong sin bilong yu i planti olsem na ol dispela samting i kamap long yu. ²³ Inap ol blak skin manmeri bilong Kus i senisim skin kala bilong ol o liopat wanpela bikpela wel pusi i gat makmak i senisim makmak bilong em i go long narapela samting? Sapos olsem, wanem long yu yet, ol man husat i save long pasin nogut i redi long mekim ol gutpela pasin. ²⁴ Olsem na bai mi mekim ol i drai olsem gras long ples nating win i karim i go. ²⁵ Dispela em i wanem mi givim long yu, dispela hap mi bin promis long givim long yu--dispela em i tok bilong God Yawe long wanem yu bin lus tingting long mi bikpela na bilip long ol giaman samting. ²⁶ Olsem na tu bai mi rausim laplap long skin bilong yu na bai ol i lukim sem bilong yu. ²⁷ Mi bin lukim pinis stingpela pasin bilong yu. Yu bin wok strong long bihainim ol giaman god na lotu long ol long ol maunten na long ol ples kunai.Yu olsem wanpela meri i lusim man bilong em na i mekim pasin pamuk moa yet. Na yu olsem wanpela meri hos i singaut strong long ol hos man. Sori tru long yu Jerusalem, Hamas taim moa bai yu i stap na kamap orait gen?"