¹ I gat wanpela man stap long maunten ples bilong Efraim, nem bilong em i Maika. ² Em i tokim mama bilong em," dispela moni 1,100 silva mi bin kisim long yu, yu bin bagarapim mi na mi harim, lukim, mi gat silva mi bin stilim i stap." Na mama bilong em i tok," Bai God Yawe i ken blesim yu, pikinini bilong mi" ³ Em i givim dispela 1,100 silva moni long mama bilong em na mama bilong em i tok, "Mi bin putim dispela silva long God Yawe, long katim ain na wokim piksa, nau mi tok orait long yu." ⁴ Taim em givim dispela moni bek long mama bilong en, mama bilong em i kisim 200 silva moni na givim long wanpela man i save wokim ain piksa na ol i bin putim long haus bilong Maika. ⁵ Dispela man Maika i gat haus bilong ol piksa bilong giaman god na em i putim ol hap klos long haus bilong em na em i kisim pikinini man bilong em long kamap pris. ⁶ Long dispela taim i nogat wanpela king i stap long Israel na olgeta manmeri i mekim wanem pasin em i stret long ai bilong ol yet ⁷ Nau i gat wanpela yangpela man bilong Betlehem long Juda, em i wanlain bilong ol Juda ,em wanpela bilong ol Livai. Em i bin stap long dispela hap long inapim ol wok bilong en. ⁸ Na yangpela man i lusim Betlehem long Juda long painim ples long stap.Taim em i wokabaut, em i kamap long haus bilong Maika long ples maunten bilong Efraim. ⁹ Maika i askim yangpela man, "Yu kam long wanem hap?" Dispela man i bekim tok olsem, "Mi man Livai bilong Betlehem long Juda na mi wokabaut i kam long painim ples bilong mi ken i stap." ¹⁰ Maika i tokim em, "Yu stap wantaim mi na bai mi lukautim yu na bai yu stap pris na bai mi givim yu 10 pela silva moni long wanpela yia na klos wantaim ol kaikai." Yangpela Livai i go insait long haus bilong en. ¹¹ Olsem na dispela Livai i bel isi long stap wantaim dispela man na yangpela man stap wantaim Maika olsem pikinini bilong em stret. ¹² Maika i redim wok holi bilong God long yangpela Livai na em i kamap pris bilong em na em i stap long haus bilong Maika. ¹³ Na Maika i tok, "Nau mi save God Yawe bai mekim gut long mi, long wanem dispela Livai stap pris bilong mi."