¹ Noken belgut Israil, wankain olsem ol arapela manmeri i amamas. Yu no bihainim mi gut na lusim mi God. Yu laikim tumas long baim ol pamuk meri taim ol i tokim yu long baim ol long ples bilong krungutim ol wit ² Tasol ples bilong krungutim wit na wain i no inap pulimapim bel bilong ol, nupela wain bai i kamap samting nating long ol. ³ Ol i no inap stap longpela taim long graun bilong God Yawe, maski, Efraim bai i go bek long Isip na wanpela dei ol bai i go insait long Asiria na kaikai ol kaikai i no klin . ⁴ Ol bai i no inap kapsaitim wain bilong ofa long God Yawe, wanpela samting tu i no inap amamasim em. Ofa bilong ol bai i kam wantaim krai na sori olsem kaikai bilong ol, ol lain husait i kaikai bai i bagarap. Long wanem kaikai bilong ol bai i bilong ol yet tasol, em i no inap kam long haus bilong God Yawe. ⁵ Bai yu mekim wanem long dispela dei em taim ol i makim bilong tingim bikpela dei, long dispela dei bilong bikpela God Yawe? ⁶ Lukim, sapos ol i ranawe long bagarap, Isip bai i bungim ol manmeri wantaim na Mempis bai i planim ol long graun. Long gol na silva- bilong ol bai bus na gras tasol bai i karamapim ol na rop i gat nil tasol bai kamap long haus sel bilong ol. ⁷ Tasol ol dei bilong kalabusim yu i wok long kam. Larim ol Israil i mas save long ol dispela samting. Profet em longlong na man i save mekim ol gutpela pasin i go longlong tu, long wanem ol pasin nogut bilong yupela i kamapim bikpela birua. ⁸ Profet em i wasman bilong God bilong mi long Efraim. Tasol olgeta rot bilong em bai i kamap olsem pisin i hariap tru long holim samting na birua wantaim em insait long haus bilong God Yawe. ⁹ Ol i go insait tru long pasin nogut bilong ol yet wankain olsem long taim bilong Gibia. God Yawe bai i singaut long tingim ol nogut bilong ol na em bai i bekim pei long sin bilong ol. ¹⁰ God Yawe i tok, ''Taim mi painim Israil, em bai wankain olsem man i painim ol wain long ples nating. Olsem diwai fik i save karim namba- wan taim long nupela mun, Long wankain pasin tasol mi painim long ol papa bilong yupela. Tasol ol i go long Bal Bior na ol i givim ol yet long god giaman. Ol i kamap wankain olsem dispela god giaman. ¹¹ Olsem long Efraim, biknem na gutpela bilong ol bai flai i go olsem pisin. Bai nogat taim bilong karim pikinini, ol mama i no inap gat bel moa, tingting long kamapim pikinini bai nogut tu. ¹² Maski ol i kamapim ol pikinini, bai mi rausim ol i go inap olgeta i pinis. Sori long ol taim mi givim baksait long ol! ¹³ Mi bin lukim Efraim, wankain olsem Taira, kamap antap long gutpela gras, tasol Efraim bai i kisim ol pikinini bilong em i go long wanpela man husait bai i kilim ol olgeta.'' ¹⁴ Givim ol, God Yawe bai yu givim wanem long ol? Givim ol pen na hevi long bel bilong ol na givim susu i nogat milk ¹⁵ ''Long as bilong ol pasin nogut insait long Gilgal, dispela taim mi bin stat long givim baksait long ol. Bilong wanem long kainkain sin bilong ol, bai mi rausim ol long haus bilong mi. Bai mi no inap laikim ol moa, olgeta ol opisa bilong ol i save sakim tok tasol. ¹⁶ Efraim i gat sik na as bilong rop em i drai pinis, ol i no karim kaikai moa. Maski sapos ol i gat ol pikinini, Bai mi kilim olgeta pikinini ol i laikim tumas.'' ¹⁷ God bilong mi bai i rausim ol long wanem ol i no bihainim na harim tok bilong em. Ol bai i kamap ol manmeri bilong raunraun namel long ol kantri.