¹ Israel em i stap gut olsem diwai wain na i karim planti kaikai bilong en. Taim kaikai i wok long kamap planti, planti alta ol i wokim tu. Taim graun i kamapim planti kaikai, pos i kamap gut moa. ² Bel bilong ol i giaman, nau ol i mas karim asua bilong ol. God Yawe bai i daunim na bagarapim alta na pos bilong ol god giaman tu. ³ Na nau, bai ol i tok," Mipela i no gat king, mipela i no pret long God Yawe na wanpela king, bai em i mekim wanem long mipela?" ⁴ Ol i mekim ol tok i no gat kaikai na mekim kontrak long tok nogut na giaman. Olsem na stretpela pasin i kamap olsem gras nogut long hap graun. ⁵ Ol lain asples bilong Sameria bai pret long ol pikinini kau bilong Bet Aven. Ol manmeri i krai long ol, olsem ol pris bilong giaman god i save amamas long ol strong bilong ol, tasol ol i no inap stap moa. ⁶ Ol bai i karim ol i go long Asiria olsem presen bilong bikpela king. Efraim bai sem na Israel tu bai sem long god giaman bilong ol. ⁷ Ol bai bagarapim king bilong Sameria, olsem hap pipia bilong diwai i stap antap long wara. ⁸ Ol pasin nogut i save go antap na bai i bagarap. Dispela em sin bilong ol Israel! Ol nilnil gras na ol pipia gras bai i gro antap long ol alta bilong ol. Ol manmeri bai i toktok long ol maunten, "Karamapim mipela!" Na long ol liklik maunten, "Pundaun long mipela!" ⁹ "Israel, yu mekim sin inap long taim bilong Gibea na yu stap yet long dispela pasin. Bai bikpela pait i no inap winim ol pikinini man i mekim sin long Gibea? ¹⁰ Taim mi gat laik long en, bai mi stretim pasin bilong ol. Ol kantri bai i bung wantaim na bel nogut long ol na kalabusim ol long ol pasin nogut ol i bin mekim. ¹¹ Ol i lainim Efraim pinis na em i gat amamas long brukim wit. Olsem na bai mi putim hap plang long nek bilong en. Bai mi putim hap plang long nek bilong Efraim, Juda bai dikim graun, Jekop bai i pulim stik em yet. ¹² Planim stretpela pasin bilong yu yet na kamautim kaikai bilong i stap tru long kontrak. Brukim graun yu no brukim yet, em taim bilong painim God Yawe, inap em i kam na mekim stretpela pasin olsem ren, antap long yu. ¹³ Yu bin dikim na planim pasin nogut na yu kamautim pasin bilong sakim tok. Yu bin kaikai frut bilong giaman long wanem yu putim bilip na tingting bilong yu long ol tingting bilong yu yet na planti ami. ¹⁴ Olsem na bikpela pait bai kirap namel long ol manmeri bilong yu. Na bai ol strongpela biktaun bilong yupela bai bagarap. Em bai bagarap olsem Salman i bin bagarapim Bet Abel long taim bilong pait, long taim ol i krungutim ol mama na ol pikinini. ¹⁵ Em bai kamap long yu, Betel, long ol bikpela pasin nogut bilong yu. Taim tulait i kamap king bilong Israel bai pinis olgeta.