¹ "Taim Israel i stap yaungpela man mi laikim em na mi singautim pikinini man bilong mi i kam autsait long Isip. ² Planti taim gen ol i singaut na planti taim gen ol i go longwe long mi. Ol i mekim ofa long Bal na smuk bilong paia i go long god giaman. ³ Olsem na mi husait i lainim Efraim long wokabaut. Olsem na mi husait i bin hapim han bilong em, tasol ol i no save olsem mi save lukautim ol. ⁴ Mi soim ol long werim klos bilong man, wantaim rop bilong laikim. Mi bin olsem wanpela husait i bin putim hap plang long nek na pilim pen na mi go daun na givim kaikai long ol. ⁵ Bai ol i no inap i go bek long graun bilong ol Isip? Ol Asiria inap i go antap na lukautim ol long wanem ol i no laik long kambek long mi? ⁶ Bikpela bainat bai pundaun long biktaun na bagarapim ol bikpela ain i pasim bikpela dua bilong ol, em bai bagarapim ol long wanem ol i pasim tok. ⁷ Ol manmeri bilong mi ol i save tasol ol i givim baksait long mi. Maski taim ol i singaut long Bikpela i Antap tru, i nogat wanpela man bai inap long helpim ol. ⁸ Olsem wanem bai mi givim baksait long yu, Efrem? Olsem wanem bai mi lusim yu i go, Israel? Olsem wanem bai mi mekim yu i olsem Siboim? Bel bilong mi i pulap long sori. ⁹ Mi no inap long karim belhat bilong mi i go, na mi no inap gen long bagarapim Efrem. Long wanem mi yet mi God Yawe na mi no man nating, mi stretpela God Yawe namel long yupela, na bai mi no inap kam insait wantaim belhat. ¹⁰ Ol bai bihainim God Yawe na ol bai singaut olsem ol laion. Taim em i singaut, ol pikinini bilong em bai kam wantaim pret long hap san i go daun. ¹¹ Ol bai i kam wantaim bikpela pret olsem ol pisin long Isip na olsem pisin balus long olgeta hap bilong Asiria. Mi bai mekim ol i stap long haus bilong ol, dispela em God Yawe i tok. ¹² Efrem i raunim mi na haus bilong Israel wantaim giaman pasin. Tasol ol Juda bai bihainim mi God Yawe, na em bai i bilip long mi, God Holi."