¹ Efreim i save bihainim win bilong hap san kamap. Olgeta de em i save giaman na mekim nogut long ol arapela man. Ol i mekim kontrak wantaim Asiria na karim oliv wel i go long Isip. ² God Yawe i gat wanpela kot tu bilong bagarapim ol Juda na em bai mekim nogut long Jekop long wanem samting em i bin mekim bipo, em bai i bekim pei long ol pasin nogut bilong em. ³ Insait long bel bilong mama, Jekop i holim strong lek bilong brata bilong em na long taim em i kamap bikpela man, em i pait wantaim God. ⁴ Em i pait wantaim ensol na winim em. Em i krai na askim long blesing bilong em. Em i bungim God long Betel na long dispela hap God i toktok wantaim em. ⁵ Dispela em i God Yawe, em God i gat olgeta strong, bai yumi i kolim em olsem. ⁶ Olsem na tanim i go bek long God bilong yupela. Holim strong bilip bilong yupela na bihainim ol lo na weitim God bilong yupela long olgeta dei. ⁷ Ol man bilong wok bisnis i save giaman na skelim ol samting long han bilong ol yet na ol i laikim tumas long giamanim ol man i kam salim samting long ol. ⁸ Efreim i tok,Bai mi i gat planti samting tru, mi bin painim ol moni samting bilong mi yet. Long olgeta wok mi mekim ol bai i no inap painim wanpela asua bilong mi na wanem samting em i olsem sin mi bin mekim. ⁹ Mi God Yawe, God bilong yupela long graun bilong ol Isip. Bai mi mekim yupela i stap insait long ol haus sel wankain olsem long taim bilong mekim pati na amamas ol i bin makim. ¹⁰ Mi bin toktok long ol profet na givim planti driman bilong yupela long ol. Long maus bilong ol profet bai mi mekim ol tok bokis. ¹¹ Sapos i gat ol man bilong mekim pasin nogut i stap long Gilet, tru tumas ol dispela man i nogat wok bilong ol. Long Gilgal ol i mekim ofa wantaim ol bulmakau na ol alta bilong ol bai luk olsem ol man i bungim ol ston insait long ol bikpela baret i stap long ol hap graun. ¹² Jekop i ranawe i go long graun bilong ol Aram, Israel i wok long wanem em i laik maritim wanpela meri olsem na em i lukautim planti sipsip bilong baim meri bilong em. ¹³ God Yawe i kisim ol Israel i go aut long Isip long han bilong wanpela profet na long han bilong dispela profet em i was long ol. ¹⁴ Efreim i bin mekim God Yawe i belhat nogut tru long em. Olsem na Bikpela bilong em bai lusim em wantaim blut bilong em yet na givim baksait long em bilong wanem em i bin sakim tok.