¹ "Taim Efraim i toktok, ol manmeri i skin guria. Em i apim nem bilong em yet long ai bilong Israel, tasol em i gat asua long wanem em lotu long giaman god Bal,olsem na em i dai. ² Tasol nau ol i mekim planti sin moa. Ol i wokim piksa blong man long ol silva bilong ol, ol mekim gut tru piksa bilong ol god giaman, olgeta i wok long han bilong man tasol. Ol manmeri i tok, 'Dispela ol lain i save givim kis na lotu long piksa bilong man pikinini bulmakau. ³ Ol i kamap olsem klaut bilong moning i pinis taim san i kamap, ol i kamap olsem wara bilong moning i pinis taim san i kamap, ol i kamap olsem pipia bilong wit win i save winim i go aut long hap bilong brukim wit na ol i kamap olsem smuk long paia i kamap na i pinis i go. ⁴ Tasol, Mi God Yawe, God bilong yupela mi bin kisim yupela i kam aut long graun bilong Isip. Yupela i noken lotu long ol narapela god, mi tasol, yupela i mas luksave na tokaut olsem i nogat wanpela man inap long kisim bek yupela. ⁵ Mi bin save long yupela long ples nating, long dispela graun i gat bikpela drai tru long en. ⁶ Taim yupela i gat gutpela graun, yupela i pulap tru, na taim yupela i pulap, bel bilong yupela i amamas long yupela yet na long dispela as yupela lusim tingting long mi. ⁷ Bai mi kamap olsem wanpela laion na bikpela wel pusi leopat i was long rot long killim yupela, ⁸ Bai mi pait long yupela olsem mama bea taim ol i kisim pikinini bilong em. Bai mi brukim op bros bilong yupela na long dispela hap bai mi daunim ol olsem laion, brukim yupela i go liklik hap olsem wel abus i save mekim. ⁹ Husat inap long helpim yupela, ol lain Israel, taim mi bagarapim yupela? ¹⁰ King bilong yupela i stap we na inap long helpim yupela insait long ol biktaun bilong yupela? We stap ol king o lida man bilong yupela, yupela i bin tok long mi, 'Givim mipela wanpela king na ol pikinini bilong em'? ¹¹ Mi givim yupela wanpela king wantaim belhat bilong mi na mi rausim em wantaim paia bilong belhat bilong mi. ¹² Hait sin bilong Efraim i pulap i go antap tru, na sem bilong sin i go antap tru. ¹³ Bikpela pen olsem mama i laik karim pikinini bai kamap long em, tasol bai em i kamap olsem longlong pikinini man gen olsem mama i laik karim em, bai em i no laik kam aut long bel bilong mama. ¹⁴ Bai mi inap kisim em aut long han bilong ples bilong ol dai man? Bai mi rausim ol long dai? We stap dai, ol bagarap bilong yu? We Ples bilong dai ? Bel sori i hait long ai bilong mi." ¹⁵ Efraim i gat planti gutpela samting namel long ol brata bilong em tasol i gat wanpela win bai i kam olsem long ples san kamap, em win bilong God Yawe bai i kam olsem long ples drai na dring ol hul wara bilong Efraim. Ol birua bai kisim olgeta gutpela samting bilong em i go. ¹⁶ Sameria bai i sem long ol pasin nogut em i mekim long God bilong em. Ol birua bai kilim ol long bainat, ol bai tromai ol pikinini bilong ol i go daun long graun na killim ol i dai na brukim bel bilong ol meri i gat bel.