¹ Olsem na yu bai laikim God Yawe na bihainim tok bilong em olgeta taim na aninit long Lo bilong em. ² Toksave olsem mi no tok long ol pikinini bilong yupela, husait ol i no bin lukim kalabus bilong God Yawe bilong yupela, em bikpela i gat olgeta strong. ³ Na em i mekim ol narakain mirakol namel long Isip na Fero king bilong Isip, long olgeta hap graun bilong em. ⁴ Inap ol i lukim wanem em i bin mekim long ol ami bilong Isip wantaim hos na karis namel long Retsi. Em i karamapim ol taim ol i bihainim yupela, God Yawe i bagarapim ol i kam inap nau, ⁵ o wanem em i mekim long ples nating inap nau yu kam long dispela ples. ⁶ Ol ino bin lukim wanem samting God Yawe i mekim long Datan na Abiram, pikinini bilong Eliab pikinini bilong Ruben, graun i opim maus na daunim ol haus sel na olgeta samting i gat laip namel long ol Israel. ⁷ Tasol ai bilong yu i lukim olgeta bikpela samting God Yawe i bin mekim. ⁸ Olsem na lukautim olgeta lo mi tokim yu nau, bai yu stap strong na go insait long kisim graun nau yu go bilong kisim. ⁹ Long en, yu bai istap longpela taim long dispela graun God Yawe i soim ol papa na givim long ol na long ol tumbuna, graun i pulap long hani na milk. ^{12 10} Graun yu laik kisim em i no olsem graun bilong Isip, ples yu kam aut long en. Taim yu planim sid na givim wara long lek, em i olsem gaden i gat marasin. ¹¹ Tasol graun, yu go bilong kisim, em graun i gat maunten na ples daun na dring ren wara bilong heven na graun God Yawe, God bilong yupela i lukautim, God bilong yupela, God Yawe, ai bilong em i stap oltaim long dispela graun. Stat long yia i go inap long pinis bilong yia. ¹³ Em bai kamap, sapos yu harim gut lo bilong mi na bihainim tok mi givim long yu nau, olsem laikim God Yawe na mekim wok bilong em long bel bilong yu na tingting bilong yu. ¹⁴ Bai mi givim yu ren long taim bilong en, long nau na bihain tu, orait bai yu bungim nupela wain, wit na wel. ¹⁵ Mi bai givim gras long ol bulmakau i kaikai na bai yu kaikai na pulap. ¹⁶ Yu tingting long yu yet na bel i giamanim yu yet, yu givim baksait na lotu long narapela ol god na brukim skru long ol. ¹⁷ Olsem na belhat bilong God Yawe i kamap bikpela tru na em i pasim ren long heven na bai nogat ren na graun i no inap kamapim kaikai na bai yu dai hariap long gutpela graun God Yawe i givim long yu. ¹⁸ Olsem na putim tok insait long tingting, bel na sol bilong yu, pasim long han, het na namel long tupela ai bilong yu. ¹⁹ Yu mas lainim ol pikinini bilong yu na toktok long ol taim yu sindaun long haus, taim yu wokabaut long rot na taim yu slip na taim yu kirap. ²⁰ Yu mas raitim long dua na pos bilong haus na banis na bikpela dua bilong biktaun bilong yu. ²¹ .Taim bilong yu nau na bihain taim ol pikinini bai kamap planti insait long dispela graun, God Yawe i tok promis long ol tumbuna long givim long ol, long wanem heven i stap antap long graun. ²² Sapos yupela i holim pasim dispela lo mi tokim yupela long bihainim tok bilong mi na yupela mekim olsem, laikim God Yawe, bihainim pasin bilong em na holim pasim em, ²³ Orait God Yawe bai rausim ol manmeri long dispela kantri na yu bai kisim olgeta samting na kamap bikpela na strongpela kantri. ²⁴ Olgeta ples yu krungutim bai kamap graun bilong yu, long ples drai i go long Lebanon na wara Yufretis na solwara bilong ples san i go daun bai i kamap boda mak bilong yu. ²⁵ .Nogat man bai pasim yu. God Yawe bai mekim ol i pret long yu na em bai putim mak long graun olsem em i bin tokim yu. ²⁶ Lukim, mi putim blesing na bagarap nau long ai bilong yu. ²⁷ Yu bai kisim blesing sapos yu bihainim lo bilong God Yawe olsem mi tokim yu nau. ²⁸ Na yu bai kisim bagarap sapos yu no bihainim lo bilong God Yawe na givim baksait long rot mi tokim yu nau na yu bihainim narapela god yu no save long en. ²⁹ Em bai kamap, sapos God Yawe kisim yu i go long graun yu bai kisim, bai yu lukim blesing antap long Maunten Gerisim na bagarap long Maunten Ebal. ³⁰ Ol i no go moa long Jodan, long hap rot long san i go daun, insait long graun Kenan, husait i stap long Arebia, long Gilgal, baksait long Oak diwai long Morea. ³¹ Yu bai brukim Jodan na go long hapsait na kisim graun God Yawe givim na bai yu kisim na yu bai stap. ³² Yu bai lukautim olgeta lo mi putim long ai bilong yu nau.