¹ Ol dispela lo bai yupela i holim stap long graun God Yawe bilong ol tumbuna, i givim yupela long kisim na bai yupela i stap olgeta taim long graun. ² Bai yupela i bagarapim ol dispela ples na krantri ol god giaman i stap antap long em. Bikpela maunten na ol liklik maunten na aninit long olgeta diwai. ³ Yupela i mas brukim daun ol alta na ol ston pos bilong dispela ples bilong ol god giaman na bagarapim ol god giaman long Asera na olgeta hap ples. ⁴ Yupela bai i no inap lotuim God Yawe bilong yupela wantaim ol god giaman. ⁵ Tasol long dispela ples God Yawe bai i makim bilong olgeta lain long putim nem bilong em; Dispela bai i kamap ples bilong em na long dispela ples bai yupela i go. ⁶ Long dispela ples bai yupela i bringim ofa bilong paia i kukim olgeta na ofa bilong yupela. Namba 10 hap na ol ofa yupela i mekim long han biong yupela yet, ofa bilong promis na ofa bilong givim long laik bilong yupela olsem namba wan pikinini sipsip. ⁷ Long dispela hap bai yu kaikai long ai bilong God Yawe na apim han bilong yupela wantaim ol lain bilong yupela i stap long haus na amamas olsem God Yawe i bin blesim yupela. ⁸ Bai yu no inap mekim olgeta samting mipela i mekim long nau, olgeta manmeri i mekim ol samting i gutpela long ai bilong ol . ⁹ Long wanem yupela i no kamap yet long dispela hap ples bilong malolo, we dispela ples God Yawe i laik givim yupela. ¹⁰ Tasol taim yupela i go hapsait long Joden na i stap long dispela graun God Yawe i givim yupela na em bai i givim yupela malolo long ol birua na yupela bai i stap orait. ¹¹ Dispela ples God Yawe i laik makim na putim nem bilong em - long dispela ples bai yupela i bringim olgeta samting mi tokim yupela: Ofa bilong paia i kukim na ol namba 10 hap ofa yupela i mekim long han na ofa bilong givim long laik em ol promis ofa bai yupela i mekim long God Yawe. ¹² Bai yupela i amamas na litimapim nem bilong God Yawe long ol pikinini man bilong yupela na ol pikinini meri na ol wokmeri bilong ol Livai husait i stap long banis. Long wanem ol i no gat graun bilong ol. ¹³ Yupela i mas harim gut, yupela i no mekim ofa bilong paia bai kukim olgeta hap ples yu lukim long en; ¹⁴ Tasol long dispela ples, God Yawe bai i makim wanwan bilong ol lain bilong yupela yet na ol bai i mekim ofa bilong paia i kukim olgeta na long dispela hap bai yupela i mekim olgeta samting mi tokim yupela long em. ¹⁵ Olsem na yupela i ken kilim na kaikai olgeta abus bilong yupela long banis bilong yupela yet; kisim ol blesing God Yawe i bin givim long yupela; em ol klinpela na i no klinpela man i ken kaikai ol dispela abus, olsem gasel na dia. ¹⁶ Tasol yupela i noken kaikai blut; yupela i mas kapsaitim nabaut long graun olsem wara. ¹⁷ Yupela bai i no inap kaikai insait long banis bilong yupela. Namba 10 hap wit i kamap long graun bilong yupela na nupela wain, wel, o namba wan pikinini sipsip; bai yu i no inap kaikai ol mit ol i kukim bilong mekim ofa long laik, maskim yupela i mekim long han bilong yupela yet. ¹⁸ Tasol bai yu kaikai long ai bilong God Yawe bilong yupela long wanem God Yawe i makim yupela, ol pikinini man na meri na wok meri na ol Livai husat i stap insait long banis bilong yupela; bai yupela amamas long God Yawe bilong yupela long olgeta samting yu putim han long em. ¹⁹ Harim gut dispela tok na noken rausim ol Livai long taim yupela i stap long graun bilon yupela. ²⁰ Taim God Yawe i srukim mak bilong yupela, olsem em i bin promis long yupela na yupela i bin tok, 'bai mipela kaikai bodi', long wanem yupela i gat bikpela laik long kaikai mit, olsem na bai yupela i kaikai long laik bilong yupela yet long pulapim bel bilong yupela. ²¹ Sapos dispela ples God Yawe bilong yupela i makim long putim nem bilong em i stap longwe long yupela, orait yupela i ken kilim sipsip we God Yawe i bin givim yupela, olsem mi bin tokim yupela; Bai yupela i kaikai insait long banis bilong yupela yet, long laik bilong bel bilong yupela. ²² Olsem ol gasel na dia yupela kaikai, bai yupela i kaikai long en, ol klinpela man na i no klinpela man i ken kaikai long en. ²³ Yupela i mas save olsem yupela i no inap kaikai blut, dispela blut em i gat laip. olsem na yupela i no inap kaikai laip wantaim mit. ²⁴ Yupela i no ken kaikai; yupela i mas kapsaitim blut nabaut long graun olsem wara. ²⁵ Yupela bai i no inap kaikai, olsem em bai i gutpela tumas long yupela na ol pikinini bai kam bihain long yupela, taim yupela i mekim pasin i stret long ai bilong God Yawe. ²⁶ Tasol ol samting bilong God Yawe yupela i gat na ol ofa bilong promis bilong yupela - bai yupela i mas kisim na go long ples God Yawe i makim. ²⁷ Long dispela hap bai yupela mekim ofa bilong paia i kukim olgeta, ol mit na blut, long alta bilong God Yawe; na blut bilong ol ofa bilong yupela i mas kapsait antap long alta bilong God Yawe na bai yupela kaikai mit bilong en. ²⁸ Harim na bihainim dispela tok mi tokim yupela, em bai i go gut wantaim yupela na ol pikinini bilong yupela bihain, sapos yupela i mekim gutpela na stretpela pasin long ai bilong God Yawe. ²⁹ Taim God Yawe bilong yupela i rausim ol kantri i stap klostu long yupela, taim yupela i go bilong kisim ples bilong ol na yupela bai stap insait long graun bilong ol, ³⁰ Lukaut gut long yupela yet, nogut yupela i pundaun long hevi bilong ol, bihain bai ol i kisim bikpela bagarap long yupela- painim aut wok kalabus bilong giaman god na askim, 'Olsem wanem dispela kauntri i lotu long god giaman bilong ol? Mi bai mekim wankain pasin.' ³¹ Yupela i noken lotu long God Yawe bilong yupela long dispela kain rot, long wanem olgeta samting i no stret long God Yawe, em ol samting em i no laikim - ol i bin mekim dispela samting wantaim god giaman bilong ol; ol i save kukim ol pikinini man na ol pikinini meri long paia long god giaman bilong ol. ³² Wanem ol samting mi tokim yupela long mekim em yupela i mas lukluk na mekim.Yupela i noken putim tingting bilong yupela yet antap o rausim wanpela long ol dispela tok.