¹ Na long dispela taim God Yawe i tokim Moses olsem, "Sapim tupela hap ston wankain olsem bipo ston, na kisim i kam long mi antap long maunten, na mekim bokis long diwai. ² Mi bai i raitim tenpela lo bilong mi antap long dispela ston we em i bin stap long olpela ston yu bin brukim pinis, na bai yu putim ol insait long bokis." ³ Orait Moses i mekim bokis long plang, nem bilong dispela plang, em akasia, na em i sapim tupela hap ston wankain tru olsem pastaim ston. Taim em sapim pinis tupela hap ston, em i holim na i go antap long maunten. ⁴ Na God Yawe i raitim gen Tenpela Lo bilong em antap long dispela tupela hap ston we em bin raitim pinis na stap long olpela ston. Em dispela tenpela Lo we God Yawe i tokim yupela long maunten namel long paia i lait, taim yupela i bung na i stap aninit long maunten:bihain God Yawe i givim dispela long mi. ⁵ Na em i givim mi dispela hap ston na mi kisim i go down na putim long dispela bokis mi mekim long en, na em i stap insait olsem God Yawe i tokim mi." ⁶ Ol manmeri bilong Israel i lusim dispela hap Berot Bene Sakan na wokabaut i go long Mosera. Na Aron em i dai long dispela ples na ol i planim em. Eliasa pikinini bilong em kisim ples bilong Aron na i wok olsem pris. ⁷ Ol Israel i lusim dispela hap Gugoda na ol i go long Yotbada, ples we planti wara i pulap long en. ⁸ Long dispela hap, God Yawe i makim ol lain Livai long karim bokis kontrak bilong em na sanap strong long ai bilong God Yawe, long lotuim em na blesim ol manmeri long nem bilong em, olsem nau. ⁹ Olsem na Levi wantaim ol lain brata bilong em i no kisim hap graun. Long wanem God Yawe bai i givim ol, olsem God Yawe, God bilong yupela i tokim em. ¹⁰ Moses i tok olsem, "Mi stap long dispela maunten 40 dei na 40 nait wankain olsem mi bin stap namba wan taim. God Yawe i harim beten bilong mi dispela taim na God Yawe i no tingting long bagarapim yupela. ¹¹ Orait bihain God Yawe i tokim Moses olsem, 'Yu kirap na i go pas long kisim ol lain manmeri long wokabaut i go yet, ol bai kisim dispela graun Mi God Yawe bin promis pinis long ol lain tumbuna bilong ol long givim i go long ol.' ¹² Nau, Israel , " God Yawe i tok wanem long yupela bai i mekim? Yupela i mas pret long God Yawe em God bilong yupela na bihainim pasin bilong em na laikim em long pasin bilong lotuim God Yawe, wantaim olgeta bel na tingting bilong yupela, ¹³ Na long bihainim Lo bilong God Yawe, na long pasin bilong em, wanem nau mi tokim yupela em long gutpela bilong yupela. ¹⁴ Harim, God Yawe, God bilong yupela, God bilong heven antap tru, na long dispela graun wantaim olgeta samting i stap insait long en. ¹⁵ God Yawe tasol i amamas tru long tumbuna lain bilong yupela. Em i makim yupela ol pikinini lain i kamap bihain long ol, em i laikim yupela moa yet long ol arapela lain olsem em i mekim long nau. ¹⁶ Olsem na yupela i mas tanim bel na noken bikhet moa. ¹⁷ Long wanem, God Yawe em God bilong yupela, em God bilong olgeta giaman gods, God Yawe em God antap tumas, God i no save laikim tumas wanpela man tasol, na i no save harim gris tok bilong ol man. ¹⁸ Em i save mekim gutpela pasin long ol pikinini i no gat papa na ol meri man bilong ol i dai pinis. Em i save mekim gut long ol man bilong narapela ples na givim kaikai na klos long ol. ¹⁹ Olsem na yupela i mas laikim ol man long narapela hap ples, long wanem yupela i bin stap wankain olsem ol dispela man long Isip. ²⁰ Yupela i mas pret long God Yawe, God bilong yupela, na yupela i mas lotu long em, na yupela i mas pas long em, na long nem bilong em, yupela i mas mekim promis. ²¹ Em God bilong yupela long litimapim nem bilong em, na em God Yawe bilong yupela, husait i mekim kamap narakain samting tru, we ai bilong yupela i bin lukim. ²² Tumbuna bilong yupela i go daun long Isip, em olsem 70-pela man. Tasol nau Bikpela God Yawe bilong yupela i mekim namba bilong yupela i kamap planti tru olsem sta bilong heven.