¹ Harim dispela tok, yupela ol kau bilong Basan, yupela husait i stap long maunten bilong Samaria, yupela husait i daunim ol rabis lain, yupela husat i krungutim ol lain i sot long samting, yupela husait i save tok long ol man bilong yupela, "Kisim ol kol wara i kam.'' ² Orait Bikpela God Yawe i save mekim gutpela na stretpela pasin, "Lukim, wanpela dei bai i kamap, ol bai i hukim yupela wantaim ol huk na karim yupela i go, yupela bai hangamap long huk olsem ol pis. ³ Orait bai yupela i go long ol ston banis insait long biktaun, wanwan bilong yupela bai go stret long en na bai ol i tromoi yupela i go long hap Hamon i stap long en, God Yawe i tokaut. ⁴ Go long Betel na mekim sin na long Gilgal na mekim planti moa sin, kisim ol ofa i kam long olgeta monin na namba ten hap long olgeta tripela dei. ⁵ Yupela i mas givim tenkyu ofa wantaim bret, tok klia olsem yu fri long mekim ofa, tokim olgeta, dispela i gutpela long yupela, ol manmeri bilong Israel, Bikpela God Yawe i tokaut. ⁶ Mi bin givim yu klinpela tit insait long olgeta biktaun bilong yu na i sot long bret insait long olgeta ples. Tasol yupela i no kam bek long mi, em God Yawe i tokaut. ⁷ Mi holim bek ren tu long yupela, i gat tripela mun i stap yet long kisim kaikai. Bai mi mekim em i ren long wanpela biktaun na bai mi mekim em i no ren long narapela biktaun. Ren i pundaun long wanpela liklik hap graun, tasol narapela liklik graun i nogat ren em i drai. ⁸ Tupela o tripela biktaun i hatwok i go long dring wara long narapela biktaun, tasol i no inapim ol. Tasol yupela i no kam bek long mi, em God Yawe i tokaut. ⁹ Mi givim yu wantaim liklik binatang na ol liklik lif i save kamap long ston. Planti gaden bilong yupela, gaden wain bilong yupela, ol diwai fik na ol diwai oliv, ol grasoper i pinisim olgeta. Tasol yupela i no kam bek long me, God Yawe i tokaut . ¹⁰ Mi salim hevi i kam long yu olsem long ol Isip. Mi kilim ol yangpela man bilong yu wantaim bainat na kisim ol hos bilong yupela i go na mekim ol samting i sting long kem i kam antap long nus bilong yupela. Tasol yupela i no kam bek long mi - God Yawe i tok aut. ¹¹ Orait mi bai bagarapim olgeta biktaun i stap namel long yu, olsem God i bagarapim Sodom na Gomora. Yu olsem wanpela stik i paia na ol i rausim long paia. Tasol yu no kam bek long mi, God Yawe i tok aut. ¹² Olsem na mi bai mekim samting nogut tru long yu, Israel, long wanem mi bai mekim samting nogut tru long yu, redi long lukim mi God Yawe bilong yu, Israel! ¹³ Orait, lukim, em i bin kamapim maunten na tu em i wokim win na kamapim ples klia tingting bilong en long ol man na mekim monin i kamap tudak na wokabaut long antap ples graun. Bikpela God Yawe, em nem bilong em.''