¹ Harim dispela tok God Yawe i bin mekim long yupela, ol manmeri bilong Israel, tokim ol strong long olgeta femili mi bin kisim i kam aut long graun bilong Isip. ² ''Mi makim yupela long olgeta lain femili bilong dispela graun. Olsem na mi mas mekim save long yupela long olgeta sin bilong yupela.'' ³ Tupela i no inap wakabaut wantaim inap tupela i wanbel? ⁴ Inap wanpela laion i singaut strong insait long bikpela bus taim em i no gat abus bilong kilim? Inap yangpela laion i singaut long ples hait bilong en sapos em i no kisim wanpela samting? ⁵ Inap pisin i pundaun insait long trep antap long graun taim i nogat kaikai insait long trep long grisim em? Sapos trep i lus i go antap lusim graun, olsem wanem em bai holim pas wanpela samting? ⁶ Sapos biugel i krai long biktaun, bai ol manmeri i no guria? Sapos bagarap i kam antap na abrusim biktaun, God Yawe i no inap salim? ⁷ Mi save tru bikpela, God Yawe bai i no mekim wanpela samting inap em i kamapim ples klia plen bilong em long wokman bilong em ol profet. ⁸ Laion i bin singaut strong, husait bai i no pret long en? Bikpela, God Yawe i bin tok, husait bai i no mekim tok profet? ⁹ Tokaut long dispela samtin insait long biktaun bilong Asdod na biktaun long graun bilong Isip, tokim ol , ''Bungim yupela yet long ol maunten bilong Samaria na lukim wanem bikpela tingting nogut i stap insait long dispela meri na wanem pilim i stap insait long em. ¹⁰ Long wanem ol i no save mekim wanem em i stret, God Yawe i tokaut olsem, ol i bungim hevi na bagarap insait long banis bilong ol.'' ¹¹ Olsem na God Yawe i tok moa olsem, ''Wanpela birua bai i raunim dispela graun na rausim ol strongpela ples hait bilong yupela na kisim ol biktaun bilong yupela.'' ¹² Dispela em God Yawe i tok, ''Olsem wasman i kisim bek ol sipsip long maus bilong laion olsem tupela lek, o wanpela hap bilong yau tasol, olsem na bai ol manmeri bilong Israel husait istap long Samaria bai i kisim helpim. Ol bai i stap yet long wanpela kona tasol long hap liklik bet'' ¹³ Harim na tokim ol strong long haus bilong Jekop, dispela em i tok bilong bikpela God Yawe, em God bilong olgeta samting. ¹⁴ ''Long wanem long dispela dei mi mekim save long ol sin bilong Israel, mi bai mekim save moa yet long alta bilong Betel. Ol kom bilong alta bai stop na pundaun i go daun long graun. ¹⁵ Mi bai bagarapim haus win wantaim haus san. Na ol haus bilong liklik ol bung bai i pinis olgeta na ol bikpela haus bai i pinis olgeta, dispela em ol tok bilong God Yawe.''