¹ Harim dispela tok mi mekim wantaim bel sori i kam long yu, haus bilong Israel. ² Israel, dispela meri i no slip wantaim wanpela man yet i pundaun, em bai i no inap kirap gen, graun bilong em i lusim tingting long em na nogat wanpela man i stap long kirapim em. ³ Dispela em wanem Bikpela God Yawe i tok, "Ol biktaun i bin go wantaim 1000 na bai i gat 100 i stap yet na husait i go wantain 100 bai i gat 10-pela i stap yet long haus bilong ol lain Israel. ⁴ Dispela em tok bilong God Yawe i go long haus bilong ol Israel, "Painim mi na bai yu stap laip! ⁵ Noken painim Betel, o go insait long Gilgal na noken wokabaut i go long Beseba. Long wanem, Gilgal bai i go long kalabus na Betel bai i nogat wanpela samting. ⁶ Painim God Yawe na bai yu stap laip, o em bai bruk i go nambaut olsem paia long haus bilong Josep. Em bai go bagarap olgeta na bai i nogat wanpela i stap long stopim em long Betel. ⁷ Ol dispela manmeri i senisim stretpela pasin i go olsem samting nating na ol i tromoi stretpela pasin i go daun long graun. ⁸ God i wokim Pledes na ol sta bilong skai, em i senisim tudak i go long tulait, em i mekim dei i kamap tudak na singaut long ol wara long solwara na kapsaitim ol i go antap long graun. God Yawe em nem bilong em! ⁹ Wantu tasol em i givim bagarap long ol strongpela lain long wanem bagarap i save go long ol lain i gat strongpela banis. ¹⁰ Ol i save les long ol man husat i save stiaim ol long bikpela dua bilong biktaun na ol i save tingting nogut long ol man husait i save mekim tok tru. ¹¹ Long wanem yu bin krungutim trangu man i go daun na kisim ol sampela wit long em. Yu bin wokim ol haus long strongpela ston tasol bai yu i no inap stap insait long en. Yu gat ol gutpela wain gaden tru tasol bai yu i no inap dring wain bilong ol. ¹² Long wanem, mi save long olgeta pasin nogut bilong yu na bikpela sin bilong yu. Husait man i givim bel hevi long ol stretpela man na kisim mani nating long hait wok bilong ol na givim baksait long ol trangu man long bikpela dua bilong biktaun. ¹³ Olsem na ol gutpela man i save stap isi long kain taim, long wanem em i taim bilong pasin tudak. ¹⁴ Painim gutpela pasin na noken painim pasin nogut, long wanem bai yu stap laip. Olsem na God Yawe, God bilong olgeta samting bai stap wantaim yu olsem yu bin tok long en. ¹⁵ Yu mas les long pasin tudak na yu mas laikim gutpela pasin long kamapim stretpela pasin long bikpela dua bilong biktaun. Olsem tasol, God Yawe, God bilong olgeta samting bai i wokim gut long ol lain bilong Josep . ¹⁶ Olsem na dispela em tok bilong God Yawe, God Bikpela bilong olgeta samting, "Bikpela singaut na krai bai i kamap long ples bung na ol man bai i tok long olgeta liklik ples na tok, 'Sori tru! Sori tru!' Ol bai i tokim ol lain bilong planim gaden long bel sori na ol lain bilong krai bai bikmaus na krai. ¹⁷ Long olgeta wain gaden ol lain bai bikmaus na krai, long wanem bai mi wokabaut namel long yupela," God Yawe i tok. ¹⁸ Sori long yu husat man i laikim dei bilong God Yawe! Bilong wanem na yu laikim dei bilong God Yawe? Em bai taim bilong tudak na bai i nogat lait. ¹⁹ Em bai wankain olsem wanpela man i pret na i ranawe long laion na wanpela bea i bungim em, o em i go insait long haus na putim han bilong em long sait bilong haus na wanpela snek i kaikai em. ²⁰ Tru olsem dei bilong God Yawe bai i kamap long tudak na bai i nogat tulait? Em bai bikpela tudak olgeta na nogat lait? ²¹ Mi les na mi no laikim ol bikpela bung bilong yupela, mi nogat bel amamas taim yupela i kam bung. ²² Maski yu givim ofa bilong paia i kukim olgeta na ofa bilong wit, tasol bai mi i no inap kisim na tu bai mi i no inap lukluk long ol pasin lotu na ofa bilong ol gutpela abus yupela i givim. ²³ Rausim ol nois long ol singsing bilong yu, bai mi i no inap harim ol musik yu pilai wantaim gita. ²⁴ Tasol larim gutpela pasin i ron olsem wara na stretpela pasin olsem wara i save ron olsem tasol. ²⁵ Tru olsem yu bin givim yu yet olsem ofa na givim ol arapela ofa i kam long mi long 40 yia long ples nating na long haus bilong ol Israel? ²⁶ Yu bin apim ol piksa bilong Sikut, king bilong yu na Kaiwan, sta god bilong yu, em ol god yu bin wokim bilong yu yet. ²⁷ Olsem na bai mi rausim yu abrusim Damaskus," God Yawe i tok, husait nem bilong em i God Yawe,God bilong olgeta samting.