¹ Yia bilong Jotam i bin 25, taim em i stat long lukautim ol lain bilong em. Em i bin lukautim ol lain bilong em long Jerusalem inap long 16-pela yia. Nem bilong mama bilong en, em Jerusa na em pikinini meri bilong Sadok. ² Em i bin mekim ol stretpela pasin long ai bilong God Yawe wankain olsem papa bilong em, Usaia na em i no go nating long haus bilong God Yawe. Tasol ol manmeri i bin bihainim pasin nogut yet. ³ Na em i bin mekim antap bikpela dua long haus bilong God Yawe na long ples antap long Opel, em i bin mekim planti moa samting. ⁴ Orait, moa long en, em i bin mekim ol biktaun long liklik maunten i stap autsait long Juda na long big bus em i bin mekim ol bikpela haus na ol longpela haus bilong putim was. ⁵ Nau em i bin pait wantaim king bilong ol lain Amon na winim pait.Long sem yia ol lain Amon i givim em 3,400 kilo bilong silva, 10,000 kilo bilong wit na 10,000 kilo bilong bali long dispela yia. Na ol manmeri bilong Amon i bin givim wankain samting long namba tu na namba tri yia. ⁶ Olsem na Jotam i kamap stronpela long wanem em i bin stap wantaim God Yawe, God bilong em. ⁷ Na long ol narapela stori na pasin bilong Jotam, lukim, ol i bin raitim long buk bilong ol king bilong Israel na Juda. ⁸ Yia bilong em i bin 25 taim em i kamap king na em i bin stap king 16-pela yia long Jerusalem. ⁹ Jotam i bin silip namel long ol tumbuna bilong em na ol i bin planim em long biktaun bilong Devit. Ahas, pikinini man bilong em i kamap king na kisim ples bilong em.