¹ Ahas i bin i gat 20 yia na i kamap king, em i lukautim ol manmeri insait long 16 yia long Jerusalem. Em i no mekim gutpela pasin long ai bilong God Yawe, olsem Devit tumbuna bilong em i bin mekim. ² Tasol em i bihainim lekmak bilong king bilong ol Israel. Na tu em i mekim ol giaman god wantaim ol hap ain. ³ Antap long dispela, em i kukim gutpela smel long ples daun long Ben Hinom na em i mekim ol pikinini bilong em long i go insait na kam aut long paia, antap long pasin bilong ol manmeri long lotuim kainkain samting bilong dispela graun i mekim na God Yawe i rausim ol aut long ples pastaim long ol lain Israel ⁴ Em i mekim ofa na kukim gutpela smel i go long ol ples antap na long ol liklik maunten na aninit long ol gutpela diwai. ⁵ Olsem na God Yawe em God bilong Ahas i givim em i go long han bilong king bilong ol Aram. Ol lain Aram i winim em na kisim ol planti manmeri i go kalabus long Damaskas. Ol i kisim Ahas na givim long han bilong king bilong Israel husat i winim pait. ⁶ Peka pikinini man bilong Remalia i bin kilim 120,000 ol strongpela soldia insait long Juda long wanpela dei bilong wanem ol i bin givim baksait long God Yawe bilong ol tumbuna bilong ol. ⁷ Sikri, wanpela strongpela man bilong Efraim i kilim Maseia pikinini man bilong king, Asrikam, hetman i lukautim ples bilong king na Elkana, husait i save stap klostu long king. ⁸ Ol lain ami bilong Israel i kisim ol 200,000 meri bilong ol man, ol pikinini man na ol pikinini meri bilong wan lain bilong ol. Ol i kisim planti ol gutpela samting na karim i go bek long Samaria. ⁹ Tasol wanpela profet bilong God i stap wantaim ol, nem bilong em Odet. Em i go aut long bungim ol ami i kam long Samaria na i tokim ol olsem,"God Yawe, God bilong tumbuna bilong yu i belhat long Juda, olsem na em i givim ol long han bilong yu. Tasol yu i kilim ol wantaim belhat i winim mak na i go antap long heven. ¹⁰ Nau yu i tingting long kisim ol man na meri bilong Juda na Jerusalem olsem ol wokman nating bilong yu. Tasol yu yet yu no pilim sem long ol pasin nogut bilong yu yet wantaim God Yawe, God bilong yu? ¹¹ Harim mi nau, Salim ol kalabus lain i go bek, dispela ol lain yupela i kisim i kam long en, em ol lain brata bilong yupela, bilong wanem bikpela belhat bilong God Yawe i stap antap long yu." ¹² Nau ol sampela ol lida bilong ol lain Efraim, Asaria pikinini man bilong Jehoanan, Beresia pikinini man bilong Mesilemot, Jeiskia pikinini man bilong Salum na Amasa pikinini man bilong Hatlai i no wanbel wantaim ol lain husait i kam bek long pait. ¹³ Ol i tokim ol olsem,"Yu i no ken kisim ol kalabus lain i kam long hia, long wanem yu bai i mekim pasin we bai i mekim mipela i mekim sin wantaim God Yawe, bai kamap antap long ol sin na pasin nogut we mipela i mekim pinis na bikpela belhat i stap wantaim Israel." ¹⁴ Olsem na ol man i karim ol samting bilong pait i lusim ol kalabus lain ol i karim i kam long ai bilong ol hetman na long ples bung bilong ol man. ¹⁵ Ol man husait makim nem i sanap na kisim ol kalabus man na werim ol klos long husait ol i stap skin natin namel long ol wantaim ol gutpela samtin. Ol werim ol klos bilong ol na sendol. Ol i givim ol kaikai na wara long dring. Ol helpim husait i kisim bagarap na putim ol lain i nogat strong antap long donki. Ol kisim ol i go bek long famili bilong ol long Jeriko, [ol i kolim taun bilong ol Palms]. Na ol i go bek long Samaria. ¹⁶ Long dispela taim, king Ahas i salim tok i go long king Asiria long askim ol long helpim em. ¹⁷ Wanpela taim gen ol lain Idom i bin i kam na pait wantaim Juda na kisim ol kalabus man i go. ¹⁸ Ol lain Filistia tu bin kisim ol biktaun bilong ples daun na long ples nating bilong Juda. Ol i kisim Bet Semes, Aisalon, Kederot, Soko wantaim ol auslain bilong ol, Timna wantaim ol hauslain bilong em na tu Kimso wantaim hauslain bilong em. Ol i go na stap long dispela ples. ¹⁹ God Yawe i kisim ol Juda i go daun tru long asua bilong Ahas, king bilong ol Israel, bilong wanem em i bin mekim ol samting i no gutpela long Juda na em i mekim bikpela sin tru long God Yawe. ²⁰ Tiglat-Pilesa, king bilong ol Asiria kam na mekim em i pilim nogut, inap long em i ken strongim em. ²¹ Bilong wanem Ahas i bin rausim olgeta samting long haus bilong God Yawe na long ol haus bilong king na ol lidas, ol i laik givim ol dispela gutpela samting long ol king bilong Asiria. Tasol ol dispela pasin i no helpim em. ²² Dispela King Ahas yet i mekim planti sin wantaim God Yawe long taim nogut bilong em. ²³ Em i givim ofa i go long ol god bilong ol lain Damaskas, ol god husait i bin bagarapim em. Em i tok, ''Ol god bilong king bilong ol Aram i helpim ol, mi bai i mekim ofa long ol na ol bai helpim mi.'' Tasol em i bin bagarapim em wantaim olgeta lain Israel. ²⁴ Ahas i bungim olgeta ol bilas samting bilong haus bilong God Yawe na katim ol i go liklik. Em i pasim dua bilong haus bilong God Yawe na em i mekim hap bilong lotu insait long olgeta kona bilong Jerusalem. ²⁵ Insait long olgeta biktaun bilong ol Juda em mekim ol bikpela ples long kukim ofa i go long ol arapela god. Em i bagarapim God Yawe dispela God Yawe bilong ol tumbuna bilong em na em i belhat. ²⁶ Nau ol sampela pasin bilong em na tingting bilong em i go pas na i go bihain, lukim ol i raitim na i stap pinis insait long buk bilong ol king bilong Juda na Israel. ²⁷ Ahas i dai na ol i planim em wantaim ol tumbuna bilong em insait long biktaun, long Jerusalem, tasol ol i no kisim em i go planim long matmat bilong ol king bilong Israel. Esekia, pikinini man bilong em, i kamap king na kisim ples bilong em.