¹ Jeosafat i kamap king bihain long papa bilong em Asa, em i strongim sia king bilong em. Em i kisim strong long bungim ol Israel. ² Na em i putim ol ami long olgeta biktaun i gat strongpela banis na putim wasman long olgeta hap bilong Juda biktaun bilong Ifraem Asa em i winim pait na kisim bek ol long en. ³ God Yawe i stap wantaim Jeosafat bilong wanem em i wokabaut stret olsem tumbuna bilong em Devit na em i no painim god giaman. ⁴ Nogat, em i putim bel na tingting bilong em long God bilong papa bilong em na bihainim stret ol lo bilong Moses. Na i no bihainim ol pasin nogut bilong Israel. ⁵ Olsem na God Yawe i putim ol lo na wokmak long han bilong Jeosafat. Olgeta Juda i kisim planti presen i kam long Jeosafat na em i pulap wantaim planti kago na biknem. ⁶ Bel bilong em i pas wantaim pasin bilong God Yawe na em i rausim olgeta pos na ples bilong giaman god Asera insait long Juda. ⁷ Insait long namba tri yia em i salim ol wokman bilong em Ben-hael, Obadia, Sekaraia, Nataniel na Mikaia long kamap tisa na skulim ol manmeri insait long biktaun bilong Juda. ⁸ Wantaim ol Livai, Semaia, Netania, Sebadia, Asael, Simiramot, Jeonatan, Adonisa, Tobisa na Tob-Adonisa wantaim tupela pris Elisama na Jeoram. ⁹ Ol i skulim ol Juda long ol lo na pasin bilong God Yawe wantaim ol. Ol i go autsait long dispela bikpela biktaun na givim skul tok long ol manmeri bilong olgeta hap long Juda. ¹⁰ Bikpela pret bilong God Yawe i pundaun antap long olgeta kantri i stap raunim Juda olsem na ol i no mekim pait wantaim Jeosafat. ¹¹ Sampela bilong ol Filistia i kisim presen na silva moni i kam long givim i go long Jeosafat. Ol man bilong kantri Arab tu i kisim ol animol olsem 7,700-sipsip man na 7,700-memek na givim i go long Jeosafat. ¹² Jeosafat i kamap strongpela man tru. Em i wokim strongpela banis long ol biktaun bilong Juda na pulamapim ol samting bilong ol. ¹³ Em i gat planti samting insait long ol biktaun bilong Juda. Ol ami bilong em ol i strong moa na ol man tu i gat strongpela strong i stap long Jerusalem. ¹⁴ Dispela em ol buk husat ol i raitim long nem bilong ol wanwan tumbuna papa bilong ol. Long Juda olgeta bosman bilong ami i gat planti tausen Adna long kamap bosman bilong 300,000-man bilong pait. ¹⁵ Na narapela i stap klostu long en i Jeoanan em ol i makim em long kamap bosman bilong 280,000-man bilong pait. ¹⁶ Na narapela i stap klostu long Amasia, pikinini man bilong Sikri husaIt em i givim bel long kamap wokman bilong God Yawe na em i bosim 200,000-man bilong pait. ¹⁷ Long Benzamin ol i makim Eliada em wanpela strongpela man i no save pret long pait wantaim 200,000-man long bunara na hap plang. ¹⁸ Na narapela i stap klostu em Jeosabat em wantaim 180,000-man i redim ol yet long pait. ¹⁹ Em ol dispela lain ol i tok orait long sanap wantaim King na ol i bung wantaim em long pait na king i putim ol long biktaun i gat strongpela banis long en insait long Juda.