¹ Rehoboam i go long Sekem, long wanem olgeta Israel bai i kam long Sekem long mekim em i kamap king. ² Taim Jeroboam pikinini man bilong Nebat i harim dispela (long wanem em i stap long Isip, em i ranawe long king Solomon) na em i kam bek long Isip. ³ Olsem na ol i salim tok long singautim Jeroboam na olgeta Israel i kam na ol i tokim Rehoboam olsem, ⁴ "Papa bilong yu i bin mekim hevi bilong mipela i go hat tru. Olsem na nau yu mas mekim hatpela wok bilong papa bilong yu i kamap isi na rausim hevipela wok em i bin putim antap long mipela na mipela bai harim tok na stap aninit long yu." ⁵ Rehoboam i tokim ol, "Yupela i mas i kam long mi gen bihain long tripela dei" Olsem na ol manmeri i go. ⁶ King Rehoboam i toktok wantaim lapun man husait i bin i stap longpela taim wantaim Solomon papa bilong em, taim em i bin stap laip, em i bin tok, "Olsem wanem, bai yu givim tingting long mi long kisim wanpela ansa i go long dispela ol manmeri ?" ⁷ Ol i tokim em na i tok, "Sapos yu mekim gutpela pasin long dispela ol manmeri na mekim ol i amamas na mekim gutpela toktok long ol, orait ol bai i stap wokboi bilong yu oltaim." ⁸ Tasol Rehoboam i no laik harim skul tok bilong lapun man ol i bin givim em na em i kisim tingting bilong ol yangpela man husait i bin kamap bikpela wantaim em, husait i sanap paslain long em. ⁹ Na em i tokim ol, "Wanem skul tok yupela i givim long mi, olsem na wanem ol tok bai mipela i bekim i go long ol manmeri husait i singaut long mi na tok, "Rausim ol hevi papa bilong yu i bin putim antap long mipela?" ¹⁰ Na ol yangpela man husait i bin kamap bikpela wantaim Rehoboam i toktok long em na i tok, "Dispela i olsem yu mas toktok i go long ol manmeri husait i tokim yu olsem papa bilong yu Solomon i bin mekim hevi bilong hevi tru, tasol yu mas mekim i kamap olsem i no gat hevi. Dispela em tok bai yu tokim ol. Liklik pinga bilong mi em i bikpela na i winim hap papa i save putim lek long en. ¹¹ Olsem nau na maski papa bilong mi i bin bagarapim bel bilong yupela wantaim bikpela hevi moa, mi putim gen moa hevi antap. Papa bilong mi i bin mekim save long yupela wantaim wip, tasol mi bai mekim save long yupela wantaim skopion." ¹² Olsem na Jeroboam na olgeta manmeri i kam long Rehoboam long namba tri dei, olsem king i bin tok, "yupela i mas kam bek long mi bihain long tripela dei." ¹³ Rehoboam i bin toktok long ol wantaim belhat na i no laik bihainim skul tok bilong ol lapun man. ¹⁴ Em i toktok long ol i bihainim skul tok bilong ol yangpela man na i tok, papa bilong mi i bin mekim hevi bilong yupela i go hevi moa tasol mi bai putim moa antap long en. Papa bilong mi i bin mekim save long yupela wantaim wip, tasol mi bai i mekim save long yupela wantaim skopion. ¹⁵ Olsem na king i no harim tok bilong ol manmeri, long wanem, God Yawe i bin tok pinis long ol dispela samting bai i kamap, em God Yawe, i inapim tok bilong em long maus bilong Ahiya bilong Silon i bin tokim Jeroboam pikinini man bilong Nebat. ¹⁶ Taim olgeta Israel i lukim olsem king i no harim tok bilong ol, ol manmeri i bekim tok bilong em na i tok, wanem gutpela samting mipela i gat long Devit? Mipela i no gat wanpela samting insait long pikinini man bilong Jesi! Wanwan bilong yupela i mas i go bek long haus sel bilong yupela yet long Israel na lukluk long haus bilong yupela, Devit. Olsem na olgeta Israel i tanim i go bek long haus sel bilong ol yet. ¹⁷ Tasol long ol manmeri bilong Israel husait i stap long biktaun bilong Juda, Rehoboam i kamap king na lukautim ol. ¹⁸ Na king Rehoboam i salim Adoniram, husait em i save lukautim ol man i save mekim wok, olsem wokboi long haus bilong king, tasol ol manmeri bilong Israel i tromoi ston long em na kilim em i dai long ol ston. King Rehoboam i ranawe hariap wantaim karis bilong em i go long Jerusalem. ¹⁹ Olsem na ol Israel i bin kros pait namel long ol lain bilong Devit i kam inap long dispela dei.