¹ Olsem na Devit i bin lusim dispela hap na i go hait long hul bilong ston long Adulam. Taim ol brata bilong em na olgeta lain bilong papa bilong em i bin harim, ol i bin go daun long hap em i stap long en. ² Olgeta lain husait i bin stap insait long pen, olgeta lain husait i bin gat dinau long moni na i no bin stap wantaim na stap orait, olgeta i go bung wantaim em. Devit i bin kamap kepten na was long ol. Ol 400 man i bin stap wantaim em. ³ Orait na Devit i bin lusim dispela hap na i go long Mispa long Moab. Em i tokim king bilong Moab, "Inap yu larim papa na mama bilong mi i go wantain yu inap mi harim wanem God bai mekim long mi." ⁴ Em i bin lusim papa na mama bilong em i go wantaim king bilong Moab na stap wantaim em long dispela taim na Devit i go hait long hul bilong ston. ⁵ Orait na profet Gad i bin tokim Devit olsem, "Yu noken stap insait long hul bilong ston. Lusim na yu go long graun bilong ol Juda." Olsem na Devit i bin lusim dispela hap na i go long bus bilong Heret. ⁶ Sol i bin harim olsem Devit i stap wantaim ol sampela lain man. Nau Sol i bin sindaun long Gibia aninit long diwai tamarisk long Rama, wantaim spia long han bilong em na olgeta wokman bilong em i sanap na raunim em. ⁷ Sol i bin tokim ol wokman bilong em ol i bin sanap na raunim em, "Harim nau, manmeri bilong Benjamin, Pikinini man bilong Jesi bai givim ol hap graun na gaden wain long yupela?" Inap em bai mekim yupela olgeta long kamap kepten bilong ol 1000 man na kepten bilong ol 100 man, ⁸ long bekim bek yupela olgeta i laik bagarapim mi? Nogat wanpela bilong yupela i bin tokim mi taim pikinini man bilong mi i bin mekim tok promis wantaim pikinini man bilong Jesi. Nogat wanpela bilong yupela i sori long mi. Nogat wanpela bilong yupela i bin tokim mi olsem pikinini man bilong mi i mekim wokman bilong mi Devit i kamapim birua bilong mi. Nau em i hait na weit long kilim mi." ⁹ Na Doeg man Edom husait i bin sanap wantaim ol wokman bilong Sol i bekim na i tok, "Mi bin lukim pikinini man bilong Jesi i bin kam long Nob, long Aimelek pikinini man bilong Aitub. ¹⁰ Em i bin beten long God Yawe long em i ken helpim em na em i bin givim sampela kaikai na bainat bilong Goliet man long Filistia." ¹¹ Orait na king i salim sampela man i go long tokim pris Aimelek pikinini man bilong Aitub wantaim ol lain bilong papa bilong em na ol pris i stap long Nob. Olgeta i bin kam long king. ¹² Sol i tok, harim nau, pikinini man bilong Aitub. "Em i bekim na i tok, Mi stap hia, bikpela bilong mi." ¹³ Sol i bin tokim em, "Bilong wanem na yupela i pasim tok long kilim mi, yupela wantaim pikinini man bilong Jesi, long dispela yupela i bin givim em bret wantaim bainat na yupela i bin beten long God long em i ken helpim em, long dispela em i ken kirap na pait wantaim mi, long ples hait, olsem nau em i mekim?" ¹⁴ Na Aimelek i bekim tok bilong king na i tok, "Husait wanpela namel long ol wokman bilong yu i bin stap olsem Devit, husait em i tambu bilong king na em i was long yu, na em i bin gat biknem long haus bilong yu? ¹⁵ Ating dispela em i namba wan taim bilong mi long beten long God i ken helpim em? Stap longwe liklik long mi, "Yu noken larim king i givim ol samting long ol wokman bilong em na olgeta lain bilong papa bilong mi. Wokman bilong yu i no save long olgeta dispela hevi." ¹⁶ King i bekim tok, "Yu mas i dai, Aimelek, yu wantaim olgeta lain bilong papa bilong yu." ¹⁷ Ol wasman bilong king i bin sanap na raunim king i stap na king i tok, "Tanim na kilim pris bilong God Yawe. Bilong wanem han bilong ol i bin stap wantaim Devit, bilong wanem ol save olsem em i ranawe, tasol ol i no putim ples klia long mi." Tasol ol wokman bilong king i no bin putim han long kilim pris bilong God Yawe. ¹⁸ Orait na king i bin tokim Doeg, "Tanim na kilim ol pris." Na Doeg man Idom i bin tanim na kilim ol pris, em i kilim 85-pela man husait i bin werim waitpela klos bilong pris long bros bilong ol long dispela dei. ¹⁹ Na tu em i bin kilim olgeta man bilong Nob, biktaun bilong ol pris, wantaim ol man na meri, pikinini na ol bebi, na bulmakau na ol donki na sipsip em i kilim olgeta. ²⁰ Tasol wanpela bilong ol pikinini man bilong Aimelek pikinini man bilong Aitub, nem bilong em Abiata, i bin ranawe i go bihainim Devit. ²¹ Abiata i bin tokim Devit olsem Sol i bin kilim ol pris bilong God Yawe. ²² Na Devit i tokim Abiata olsem, "Mi bin save pinis long dispela dai, taim Doeg man Idom i bin stap long hap, em i mas tokim Sol. Mi yet bai bekim ol lain i kilim ol femili lain bilong papa bilong yu! ²³ Stap wantaim mi na yu noken pret. Dispela man i wok long painim yu long kilim yu em i wok long painim mi tu. Yu bai stap gut wantaim mi."