¹ Bi kai'ara mara'uara utua bainti nahentika Jerusaremini bariaka kaha'iaina, mara'ura utua bainti nahentikama mintibabe, minima te kiama mara'ura utua bainti nahentika ararua nimitarabe. ² Te tabauro ni auha'ira antu'a, biba Mesedonia batana minti tibake tiba nimiro Akaia bainti nahenti heno iarabe ihi aitaraira'i. Ni auha antu'ano airu tahama uri himpi kaimanta bira mintiabo. ³ Bate te ata bakauka nititauro bira nanare auri bainti nahenti tinabuara tiha una'arama tiabo tibabe, ne bata heno'ama ibabe, te baka tuna teke. ⁴ Auri, Masedonia batabana ti batake ani ni tabaira kia heno'i'e, tenabu kaurirabe - te kiama nora mara'ura utunarara ni'ira tirabe. ⁵ Mintima te mintia kema iruro bira abu abu'ama inarobe te kempu kai'ake ata bakaukara tiairaba, ni inai ani paresenti totara heno iaina bira nenta titenke. Bira nanare bi paresentira heno ira ne nenta auha batakema amibabe. Nana hika ne kia nimireka iauma tenabu niara kempu kai'ake nimiate turo. ⁶ Bira okara mintiroma baibo: ta bainti bae kia airu kubu utiraba, kiama airu kara antua narobe,bainti tabae airu kubu utiraba, bibama airu kara antuanarobe. ⁷ Kairo bohau bohau bainti bano nai auha'i hairo iriharo amiaire. Kia biba amireba a'urihi teharoe o bainti kempu kai'ake amiane tibo amiaire. Kotiba bainti tabae uahe haro ami baira birarama antu'aribo. ⁸ Kotiba ne eka hika ira airu'a nimitaire, mintira eka anta, ne ekahika bate kia abo'iate. Bira mintira ne airu ko'e kai'a obarai iaterabe. ⁹ Poropeti baka uba ararua tabo baintekero: "Biba eka onana nai ihaikara abo'ia bainti nahentika nimiro. Bira abu abu okararano ekenta ekenta bairabe." ¹⁰ Ta baintibae naho'i kai'a baraka kubu nimibo, taba ututaiboe kara obarai'ibo, nimiro kubu airutaha nimira utibarabe. Biba ni abu abu okara bo'abata airu'a kanarobe. ¹¹ Ne eka hika'a mpi'abi bo'ake nimibai baintikama baibarabe. Biba tenabu Kotitira kai'a bainti kai'a baraunarara ko'erabe tianarobe. ¹² Ma bi kai'ara tenabu barauna kia Jerusaremini haina bainti nahenti mara'ura ututaka bika iauma kaha'a nimitanaro. Airu kai'ama obarai'ibo Kotirara ko'e rabema tirabe. ¹³ Bira nanare, bi kai'aba ni mara'ura aba'ake tabaimanta ne mara'ura utuaba kempu kai'ama ibo, ne bata Kotira nora autu amibarabe ne uba iria okaraba bata Karaitira ko'e uba tiba o'ai iaba bata ko'ema ibo. Ne nenta okara nohaima Kotira nora autu amibarabe ne mone mara'ura utua banti nahentika nimiha Jerusaremini baria bainti nahentika bata nimiabo. ¹⁴ Bika niara nunabu'ama ibariabo. Bika bira mintiara bira nanare Kotira nora a'urihakano ni batake baibo. ¹⁵ Kai'e Kotirara ko'erabe tiare bira nora a'urihaikara.