¹ Te, Poluka, tentama niara kempu kai'ake turo, tenta bara muntubike Karaitira'i iha'ara okara batake bauro. Te ni batake bauna kia ti aikaro bairabe, iboma te tabauro te ni niarai'abi bauroma ti aikaro baibo. ² Te mantia kema ni irauro, te ni batake baiha, kia te tentara norai'ake mara'ura utunabe. Iboma te mintiakema iruro te kempu kai'abi bairabe taukae tinabuara iri baata antu'ama abate bariabo ti ubara anirante tiba nimiaina. ³ Bira nanare, tenabu baata'a bata nuarera, tenabu bi i'okara ra'i bauno kia baata'a hina i'oka bo'aribo baibo. ⁴ I'oka hika tenabu uate ra'i bauna kia baata'a hinaraube. mintibo, i'oka hikano nora aikaro batake baiharo eka ma batarai haina hika orai'ima kanarobe. Bika eka aikaro batabo una'ara uba bara umina hikai'akera. ⁵ Boha bata tenabu ekahika ora'ima kauro Koti binai orubibai haikara. Tenabu ekahika rumpebi bai irira hikara barema uba irire Karaitirai anuro. ⁶ Tenabu heno'abi baiha eka uba kia iri baria okarara rumpa kare, ne u'a u'a uba iritabo. ⁷ Nana hikano ni abu'a a'ira'a baina hikara tabate. Mintiro bo bainti bano mara'ura utiro biba Karaitibiba irera, kairo biba anirante iriro Karaitibika bauro tiaire. Tenabu bata Karaiti bikabe. ⁸ Kia te ni aikaro uri atarake tenta autu bini'iare, Nora bano tinabu timiro ni kaha'iate tira kiama tenabu ni orai'a nimitarabe. Mintima kiama te kaurirabe. ⁹ Te pahi ni arau nimi tairaba kia ni etara hika nimiaire. ¹⁰ Bira nanare, hinikia bainti nahentika tiha, "Polura pahi bano nora kempuka baibo, iboma u'a u'ai'akero Polura nai baata bano kiama aikaro baibo. Bira uba tenabu iriaina kia okara baibo. ¹¹ A'ira kai mintia bainti nahentika tabate, nana hikae tanabu pahi'i tuna kia tenabu ni batake baiha, bi haikarama mintirabe tenabu ni niaraini baiha. ¹² Tenabu kiama antu'aruro tinabu raireha taukae nai bara'i uribibariaka batake. Iboma bika nai maki bateha hinikiaka iara bata batate, bika nai rairake tabate kiama bika ko'e irirahika batabo. ¹³ Mintima tenabu kiama maki'ahi uri atarake tentanabu bini'uro. Boha ariroma baibo, tinabu maki Kotiba timina bi makira'a baihama nanahika mintira, bi makiba ni'ama bu tai'anarobe. v 14 Kiama tenabu bo'abata tentanabu bara'i uriburo, tenabu ni inaini obarai'una. Kia tenabu tentanabu anuro, tenabu Karaitira ko'e uba barema ni abuni obarai'uro. ¹⁵ Kiam bobano to'abu unka taina'a tenabu tentanabu bara'i uribirabe. Mintima, tenabu mantia kema mara'ura uturo, ne mara'ura utiba norai'ake uribiro, tinabu kai'a bano bo'a batama norai inarobe, abu abu ina makira'ima barianarobe. ¹⁶ Tenabu bira'a mara'ura uturo, tenabu ko'e uba tiare, kia batuka ne atarake niaraini biha. Kiama tenabu airi uba tira bira nanare kai'a bano boka batukaima obarai'ibo. ¹⁷ "Mintire kaibo bainti nora autu bairaba, Nora autu nora'akero amiaire." ¹⁸ Bira nanare, bainti tabae nai autu bini ibaiba kia Kotiba bira makimi'a taibaube. Boha ariroma baibo, Nora bano nai makimi'a taiba bata.