¹ Ti'iraukabe, Kotira poromisi uba tenabu mara'ura'a batebe mintima nanahika banoe tinabu baata'a bata aiho'a bata kia taku'ina hikara a'irake taku'ubi bariare. Tenabu taku'ira okara mintiha Kotirara eteha bariare. ² Nenta auha'i tinabu rumu bata heno'atate! Nanare tenabu kiama bo bainti bata orai'a mitauro. Kia tenabu bo bainti aihahika ami haube o tenabu nana hikarae antu aruina bo bainti tiairo mintia narobe. ³ Te bi ubara tiha kia ni bara muntubi kareraube. Te baka mantiake turo, ne tinabu auha'ima bariabo, tenabu eka boha utima boha a'i bairabe. ⁴ Te norai akema ni'ira mara'ura uturo, te niara bo'akema uhauro. Te iha'ara auha batake mpi'a buro. Te mara'i bata baiha nora uahara hika batakema bauro. ⁵ Tenabu Mesidoniani ainuro, tinabu baata bano kia aana bata baraibo. Boha'aribo, tenabu eka ara'ama mara barebauro bira nanare mara bano baha'ai haina baata'a hiroma ani baibo tinabu auha'iara etakero. ⁶ Iboma Kotiba, tabae tau bainti nahentikae nai bara'i tubi buaka kempu kai'a nimi tarebabe, biba tinabu aikaro timiro biba Taitusira bara kaibo tenabu unanaini anira. ⁷ Kia Taitusiba'i aniboauma Kotiba tinabu aikaro timibo. Taitusiba tinabu tiba timiro ko'e okara ne bira amiarara. Ni okara biba tinabu tibama timibo, biba nora umpo'ira auhama bataibo, tiriara iri okarara bata. Bi haikaba mintia kaima te bo'ake uahauro. ⁸ Pahi te ararua nimi tairaba kia ni umpo ira'i bita bataire, kia te umpo'i hauma ni bi pahi arua nimi tauro. Mintima te umpo'i hama bi pahira ni ararua nimitauro te tabebe bi pahiba ni umpo ira'ima bita bataibo. Iboma ne kia bukai'ake umpo ira'i bariabo. ⁹ Bate te uahauro, kia bo hikarauma ne kia uahabo, nanare bi umpo iraba ni bitabare bira ne nenta kumi tiba o'ai'ake umpo'ia terabe. Ne ko'e a'urihi tara'i bata umpo ira'i bata bariabo, mintima ne bohika kia a'ira kabo. ¹⁰ Kotiba ko'e okara bira'ira umpo'ira bata a'urihi tara'i bata kai'a barakero bainti bite biro nai kumiara tiba o'ai'akero umpo ianarobe, bainti bitaina okara'ira bita barero bura. Iboma ma batarai haina umpo'irano bata a'urihikano bata bainti bita barero utira'ima buanarobe. ¹¹ Ne tabate nana ko'e hikae bira umpo'irano bata a'urihaka bano bata ni'ira obarai'ibo. Bi kempuka irira hika ni'ira baiba tiharo ni a'u haikano kia anoma norai ianarobe. Ne bo'ake umpo iabo una'ara kumi ubara tiarara, ni etarano bata ni antu arirano bata abu abu okara obarai'a kairama ne tabe barabe! Eka hika abuta'ira, ni'i kia a'u haika baibo ne mintiake umi'abo. ¹² Te pahi ni araua nimitauna, kia te bainti a'u haika minti bariaka autu'a ararua nimitauro, o tau baintikae nai a'u haika'a mara baraka kia bikaube. Te bi pahira araruna bira nanare ne ko'e okarano tinabuni mitiaba Kotira abu'a a'ira'a obarai iairerabe. ¹³ Bihanarama tenabu aikaro barauro. Tinabu aikaro batake boha, tenabu bo'ake Taitusira uahara hikara uahauro, bira nanare ne eka bira aiho e'a arakai'a kabo. ¹⁴ Minti'e te ni ko'e uba Taitusirara tiainabe, kiama te kaurira biba ni inaini ani'e. Boha ariro baibo, eka hika tenebu ni tiba nimuna eka u'abe, ko'e uba nini turaba Taitusiraima bibo, bira bata u'abe. ¹⁵ Taitusira antu'a bano nini bo'a batama norai'ibo, nanare ne eka uba iria okarara biba irirobe, ne bira barareka eteha tirin tiriha eteha barabarobe. ¹⁶ Te uahauro bira nanare te nini mara'ura uturaba bo'a batama uri taraibo.