¹ Tenabu bira batake ruba'uro, tenabu niara Kotira a'urihitara kia uminahika bo'ara barate turo. ² Bira nanare Kotiba tiharo, "Te bo entau makimi'ama tauro, bi entara te ni kaha'unabe. Bainti bita entara bata, te ni baka bitaunabe, Tabate, bate bi entara makimi'a tauro. Tabate, bate bainti bita entarabe. Kia tenabu bohika bate bainti bara hi'irua kaina, kia tenabu kai bainti nahenti kai'a barainarara karana'a tiaterabe. ⁴ Mintima, tenabu ekahika mintiairaba, tinabu umi'ero Kotira kai'a baintibe ti. Tenabu Kotira kai'a bainti bauro bira nanare, tanabu airu mara atarake, aiha birahika batake, ni bauraba bata kia ko'e ibo. ⁵ bika tianabu ru'utuke bate, tinabu lumpa kabo, airu ubautaha, eka enta'ira kia ko'e baitara hika baibo, antu ari baimanta, ⁶ taku'ira okara'ira, ko'e irirahika bata, iha'abi baria okarara bata, bokara antu aruaina bata Aiho Bainti'i bo'ake antu aruaina okarara'ira bata. ⁷ U'a uba'ira tenabu Kotira kai'a baintibe, Kotira aikaro'ira. Abu abu okara'ira tenabu Kau'u tanarai bata katai bata i'oka utaba'a batauro, ⁸ Tenabu nora autu batake kai'a bareha, bira'ira tinabuara ora uba tiha, kia bika tinbuara ko'e uaba tiha. Bika tinabuara tiha ne una'arama tibaribo ti, iboma tenabu u'a okara batake kai'a barebauro. ⁹ Tenabu ebarae kai'a barauro tura ekama bika tinabu ko'ekema tabatabo. Tenabu utuata kai'a barebauro, iboma kiabe, tabate, tenabu a'ima mara'ura bauro. Nana hikae tenabu orai'a kaura kantaru kamanta kai'a barauna mintia kema tenabu barebauro. Iboma kiama bika tinabu bara muntubi kai'e utuainabe. ¹⁰ Tenabu nora a'urihitara batake kai'a barebauro, iboma tenabu eka enta uahema bauro. Tinabu umpo'a timintekema kai'a bare bauro, kai'a bira'a, tenabu mintia kaura airu baintima airu haika batetabo. Tenabu kai'a barare kia ekahika bataka nanrake kai'a barebauroma eka bi haikara tinabu unarabe. ¹¹ Tenabu eka u'a uba ni Korini batana tibama nimuro, tinabu auha bano a'ira'ama baibo. ¹² Kiama tenabu mintiairo ni auha bano tinta narobe, kiabe ne nentama nenta irirahika auha tintete bariabo. ¹³ Iboma abu abu'i arara'a ko'e bireka ibera, te baainti haikara tiantekema niara tibauro, ne nenta auha antura tera. ¹⁴ Ne kia mara'ura utuaka hampata kia tatauruate. Hanto ubabanoe tiharo abu abu okarano bata Lo rauha okaraba bata boha kai'a baranobe tiro? Nana mono okara banoe tiharo konkira bano bata ataira bano bata boha barianobe tiro. ¹⁵ Nana auhae Karaitiba Beria batanakara bataibo? O nana ko'e haikae mara'ura utua bainti nahentika bataba kia mara'ura utuaka batekero boha'aribo? ¹⁶ Nana boha auha banoe Kotira nabu'i bata una'ara kotira abutana bata barianaro? Tenabu tenta nabuma Kotiba a'i baira nabu bauro, Kotira nai bo'ara: "Te bika abutana baihama bikara bateke ni bairabe. Te bika kotika bariaima bika ti bainti nahenti baibarabe." ¹⁷ Mintira, ne bika a'irake a'ini tubitare, " ne bika niarai'abi bariate, "Nora bano tibo. Nanahikae kia taku'ina hikara ne kia uata barate, minti'e te tenta ni narare. ¹⁸ Te ni Oka bariai, ne ti bainti nahenti baibarabe" Nora bano tabae eka aikaro bataba mintiake tibo.