¹ Te tentama bini'i bauro, kiama te bohika bihaikara'ahi bararabe. Mintima te uba tire Nora kuke'ara ubara bata tairara bata'ima tiainabe. ² 14 ihi aitarora'i te bo bainti tabaunabe Karaitira'i, Kotiba bira bitabarero tarau bohau naruba'i ori'etorabe. Kia biba baata'ie bairo o biba baatara baha'aie bairo, kia te bira tabauro, Kotiba'ima tabaibo. ³ Te tabauro bi baintira, kia baata'ie o baata baha'aie, kiama te tabauro, Kotiba'ima tabaibo, ⁴ biba ko'era'i biro irianarobe nanahikarae bainti kia uba tiara kuke'abi baihaikarara. ⁵ Bi baintira autu'ata, te bo'a batama uba tirabe, iboma te tenta autuara, kiama te bo'abata tirabe. Mintima te bo'a batama uba tirabe nanahikano kia ti aikaro timibai haikarara. ⁶ Mintima te tentara bo'ake tirebe, kiama te wera bainti bo'ara bairabe, bira nanare te u'a uba'ima tirabe. Mintima te kiama bainti nahenti kai airu abuato iribabe nanahikarae ti tabaira'a bata ti'irahi iribera bata. ⁷ Kia te tenta autu bo'abata bara'i uribirabe nanahika bano kuke'abi baina'ihai. Ti baata te'etairabe Satara kai'a bainti kau'u bano. Minti'e kia te tenta autu bo'abata bini'irabe. ⁸ Tara enta boha enta Nora iraunabe, bi marara ti'i hairo a'ini bara kairera. ⁹ Biba ti tiba timiro tiharo, "ti a'uri hakano ai ho'ama amitanarobe tiro, bira nanare ti aikaro bano ko'e keroma kai'a baranarobe are kia aikaro bataina entara." Mintima te bo'abatama tirabe aihahika barauna bantaraini, Karaitira aikaro bano ti'ira barianarobe. ¹⁰ Mintima te Karaitirara uahauro kia te aikaro batauna entara, karana'a uba tia entara, mara enta, kia ko'ei okarara mintia entara bata, ora enta bata. Bira nanare, te kia aikaro batauna bi entarama te aikaro bataunabe. ¹¹ Te nora autu bareha wera bainti bo'ara baunabe, ne kempu kai'ake ti timireka iara. Ne ti autu bini'iatarabe, bira nanare te umina hikabe. Kai'a bainti binto'a bariaka bariabo, a'ira kate te umina hikabe. ¹² U'ai'ake iha'ara auha batake turo kai'a banti maki bano ni abutana obarai ibo, maki'a hiro bata nana hikae kempuka kai'a ahiro bata. ¹³ Hiniki monora'i hairo nana hika banoe ni inararau bara muntubi kaibo, auri te ni mara bo'ara bariarorabe? Ne ti ba'u haika bi'u timitate. ¹⁴ Tabate, te heno'ama uro e'a orurante ni inaini aniainara taramo enta, kaima nini mara bo'ara bariaire, nana hikae ne ia hikara kia te antu'aruro, Te niarama antu aruro. Mintima bainti haika kia ne nenta noka oka ihairakra ruba'uate turo, noka oka bainti haika ihaikara ruba uate turo. ¹⁵ Te uahauro nimirera, bira ni nimirera. Ti nora antu'a niara antu aruairaba mpi'a birera, ne bata kiama ti boha'arake antu aribabe? ¹⁶ Mintibo boha arirobaibo, kiama te ni mara bo'ara bairabe. Mintima te ni u'ai'ake tabauro ni unna'ara, bate te ni rantama kauro ne una'ara tibariara. ¹⁷ Bira nantie ibo te nini bo'abata ko'e'a buaina okara barauraba. ¹⁸ Te Taitusira antu'arima bira barakauro bo ata bakara batakero ni inaini anibo. Taitusiba nini bo'abata ko'e'ae bibo? Kia tenabu boha'ari arara'a nuro? Boha ai'u rabatara'a nuro. ¹⁹ Ne iriamanta tenabu tentanabu nini kuke-ee bauro? Tenabu Hihu Karaitra'i Kotira abu'ama turo. Tenabu eka hika mintuna ni ko'ehara bata ni kempu kai'a nimitehabe. ²⁰ Te bo'ake etauro te ni inaini aniainarara, te ni ani tabai te iritaina makira'a kia baibera. Auri ne kia iritai makira'a te bata aniarorabe. Te etauro auri ne tiroriha baiha, orai'ake tabeha, nora arara itarahika bareha, tirori ra'iha, tauba'a uba tiha, inara inara ubaiha tiha, nenara'i irina okarara mintiha, bo binahikara orai'iha. ²¹ Te bo'ake etauro orurante aniainarara, ti Kotiba ti bara muntubima kanarobe ni abu'ata. Auriro ti aiho bano mara rantorabe tau bainti nahentikae baka kumi autuakara. Ora okarara kia umpo'iarai ti nata batiara ia okarara bata nai baata bara'i uribua okarara bika minti bariakabe.