¹ 7 ni'a ankero 7 ni'a kora yau fakarukapike mana wayi mare ma'ni sire sisime, yina semi emi agateno i'te ayipakena mi'a famuku inim amuna noka kumaka sayeke ametegafu. ² Mana magagake rafisiru be nampa famuku anta emo mana magaga masidem awafakem wata nasi eram no nare famuku anta e. ³ I'naemi mini ankero ano kotini ayo agapim sivigemi mana magufa mana anene i wapa lem lem mini inim amona ege daunami ena ena savi avi itukam nare afa safura amuga kumakem wa mini afa safura mano 7 ni'a a'nom nampa 10 kamu ruka. ⁴ Mini inim manomi Pepoli nampa nare wa'do uruka averave uga om nampa bu nopake e'fa-anene nampa koli nakoagegage uga bemi savi sava apinagam anene nampa beni famuku anta manoni faintano itukam Goliga kapi fakaruka. ⁵ Mini inim mano anokai mana avi wa mini avikai mana aupa waya mi wa mini avi ano anta manuga Babilonomi bemi erare mana magaga savisava anta nampa famukuyu yino eve. ⁶ Semi amone'u mini inim spaki emi yima kuku ewam inim waita yuyi nare nampa ite inim waita Jisasi asevemose savi marari oyiyi narega semo bemo amone'i semi ano sintude. ⁷ Ankero ano semi ma'nisirem sisime, nayeyara emi savi antudeve? semi emi sasametege ma-mini inim mano nampa ma-mini afa Safura mano mose bem dauruka-yini anta waya ma'mini afa Safura manomi bemi 7 ni'a a'nonampa 10 ni'a komu ruka. ⁸ Ma'mini afa safura amonaunami feyapa; wage em mage iwa minugamifo bemi a'denaka fawarinanim are iwa masipike bemi, bemi anaka inani mana magaga wata nasi nampa wata nasi yen yivi'o yaum maram yaufimo iyawananiyi mana maga ago yarakake yemi anom yintu dinayo yemo feyapa wage enim afa Safuramo amonemotemi, bemi mage iwa a'denaka bemi yinani.; ⁹ Wata yu'i awogu intin nampa imaya marago ma'mini aneneyuyanti 7 ni'a a'no manoni 7 ni'a anu yanti siga uyaduka ma mini ini mano mente miniga kumakananti. ¹⁰ Bemi 7 ni'a rafisirantawa sima uyaduka 5 pi'a rafisinti a'i fubuga, mana rafisim mage fawa wa ena rafisim iyiga. Mini nuram be yem, bem aki kanaga wanani. ¹¹ Mini afa Safura feyapa wage em, mage iwa mini afa Safurami 8 ti'a rafisirupike bemi manumi bemi manami 7 ni'a rafisirupike Koti bemi anakainani ¹² 10 ni'a komu amonanami mini sima ugagem 10 ni'a rafisiru'o yemo mana mayuwa bu rafidukam adenurami yemi rafisim yivi mantemi masidem waita anasiga rafisitemo mini afa Safura nampa. ¹³ Yemi mana inim dukemi yeyi simamu nampa yeyi eranti mini afa Safura aminago. ¹⁴ Yemi Sipisipi aga nampa aruvim manta itarami sipisipi agaano mini aruvinti wini inani nayeyara bemi senana'o mi masidem rafisim waita yuyi anona nampa maside anona yuyi anona benampa wayimi, bemi yemi yararuka yemi uyaduka yemi bepim erarure yimakuku ewayi. ¹⁵ Mini ankero mano sisimemi.'' ma'mini nonu amuga aka inimano kumakaya amonana mi amuna inim waita yanti sima uyaduka nampa amuna ena ena anom magu nampa ena ena waya yu. ¹⁶ 10 ni'a komu amonami 10 ni'a rafisiru ganti sima uyaduka. ma'mini anona rafisiru nampa afa safura yemi ma'mini aka ini nampa namugoyi inayo yemi beni wado itudemi yemi se aumi nanayo yemi bemi masidepa igafim yukaranayo. ¹⁷ Koti benana'o ye yira itaranami yemi beni yogari inayo Koti yemi yiwu-uramami yeyi eranti afa aneneyu yimimi koti ami miniga fawarinani. ¹⁸ Emo mini inim amonanami, semi uyage mana anona eram magu maside rafisim rafikam mana magaga.