¹ Ano'aram baya mono naupake yi'i intewaunami 7-nia ankero'gu,yiyimemi, ''Yigemi bega Kotini 7-nia ara'anenemo wami magafi wayego.'' ² Anam ankero anomi beyi yaumi magaga ayemi,savi namo nampa,anoyivi si'nampa,savi anene manoni makimo ruka wata anasi,muna kotikao mono'o sewayi. ³ Ena ankero anomi beyi yaumi bu nomano aupem wayirami, bunomano nareyi'emi,fugim waita manoni nareyi emi,maside bunopim wa'aneneyui fuma kipene. ⁴ Afo 3-ankero'ano beyi yaumi ano nopimba sito nopim wayemi.mini nonu anomi nareyiemi. ⁵ Nokao rafika ankero'ano ''Kotio,atekanove,feyapa bemi magewa wanove.Emi ateka nove,a'i rayinte ayai yimiruka nave. ⁶ Nayeyare,kasa nampa ewayinampa yima kukun ewayi'yi nare wayiga,mini nare yimenami nemono.Yeyi savi antaga'i nami minimi sokege.'' ⁷ Altagake mana wayamano manisemi,''Eyo Kotio,emi ano eran dukana Kotive,wata anasimo umanto yimewa nami atekane.'' ⁸ Aka 4-ankero'ano beyi yaumi afau mano amugai wayirami .a'anomi eranti amimi wata yukaegem dene. ⁹ Igama nomi enoyio koko nampa yukama intafene.Koti avi'i sima savi uga yemo,umanto yimi eranto rukayimi.Mini wata anasi yuibu wayege Kotimi ano'avi'i buamemo. ¹⁰ Aka 5-pi ankero'anomi beyi yaumi afa'anene manoni kini sagoka wayirami bemo rafika magumi ayufukene .Afa'anene nampa wata anasi bepimo wayi yimafinti wakagemo,nayeyare,anoyu yivisi;i maremo. ¹¹ Yemi, inarufawa Kotimi anepa waya seve sima saviukemo mini namo yivisio marami.Savi antamo ewami yui buwayegemo. ¹² Aka 6-si ankero anomi beyi yaumi Yufreti nopimi wayirami Made nomi ayakemi,afau untewapaka kiniyu yegoyanti.. ¹³ 3-a savi aiyo duka satao nanta anona memamano ofeke asavuga,afa anenewa muna kasanampa witayu.. ¹⁴ Masidem beyagi fawarewa anene mose manta fawarewam savi aiyoyu.masidem mana maga kiniyu wapa bugeyige uga,manta ruwatu'uremi ano aruviri irantemi,Kotini anonuramo fawa rinani kage. ¹⁵ '' Intago! Semi umom waita yantai yetege !Iyewafi rafima soke evemo unam wado agegage ewanani yimi amoyino.Awapa buvitene,wata yugaka agaye bumara tene. ¹⁶ Kamorea savi aiyoyu anomi kiniyu manta ruwatu ene mana awafa,Hibru'yu yafike,Amegedonige sewa. ¹⁷ Aka 7-ni ankero anomi beyi yaumi susuwafim wayiruka,mana aranti yiga kinini sagokake yeravemi mani siga, '' A'i kipene!'' ¹⁸ Afayu yogem bugeyige ewami, ano animu nimu siga,inaru asewami anom magunti ruga,miyiom magunti bure'em mana magaga ye'em mage yeravimi.Mini magunti anom maguti. ¹⁹ Mana mini anoma magunta nomi kamorefimi magumi [tauni] romuduka,nesu magufimi magafim wa [tauni]fafasiga.Kotimi Babiloni yuyi kumi'i omarem intemi,afo mana kapu waini nagoyanti yimemi.mini wainimi Kotini ara'aneneve. ²⁰ Bunopi magawa anuyuwa buwage'e uga. ²¹ Ano aisiyi,beni umanti 30 kiloyi ugami inarufake fafasemi wata anasi yimugai.Wata anasi Koti nanti mana'a anene benage fawarino semo,nayeyara mini umanti anon umare.