¹ Mini anene fawaruvi anaepa, semi amonaunam ena ankero inarufake fawarem. Beyi anona eram nampa kumim. Beni kanagune oma'no ananta kam'a masidem awafa sagemi mana magaga. ² Bemi ogadem eraruremi arama semi. "Anona magu Babiloni, a'i savi- uwemi savi- guga ugane! manta o'em wanuyi yimagi emi, masidem savi awamugu i ayofewam maguyi emi , nampa masidem savi numi. ³ Masidem wata- anasi mana magagake'na inim manoni waini nomi naremi monko anta fawaremo. Masidem anona yinom waitayu ana magagake monko anta mini ininampa uwantuka. masidem moni waitayu manta anonayi uyikaka mini inimanoni monika". ⁴ Semi ye'rade ena aranti intau'nam inarufake manisemi , '' yigemi mini ini yerare asawogo, yige seti wata-nasi. minurega yigemi beni kumi anoni umanti imarago. Yigemi mana sayeke mini ini nampa imarago. ⁵ Nayeyara, mini inimanoni kumi ano adenaka inaru aneyogari'imi Koti beni masidem savi anta- yui intami. ⁶ Enom sayeke yimini- ure mini inim wa sayeke ame, bemi kanta'yagi- urega umanti amego bemo savi anta uwantukaka. Kantayagi-urega wayedega nare'vemo sayeke marewam waini bemo watayu'yinta wayegewam kapufim. ⁷ Bemi beyavi manta yani-urem beyi awogu kumantiranti amoyem, minugafo bemi anona sayeke nampa anona au avisi amego bemi. Be-yarapim bemi ma'ni se'emino, semi anona rafisiranta kumake semi kento ini'na bega sigun anenefim wategauye'. ⁸ Mini antayanti, ena'ana umaru ben'age yitem . Anon aranti . au avisi'i, agun- anene nampa fuginti beka yitem . Koti anona. eye'mo bem umanto aminaniyi, masidem eram duka'yi''. ⁹ Mana magaga anom waitayu iyemo benampa monko anta uwarewayimi ifi- dage yigun- anene maratemo benanti, bem yukewam igamanoni imumo amonemote. ¹⁰ Yemi mamini savi aneneyati fedemi bem ageke nepa itare bemi yemi mani sitemo,'' siguno ano sigu- aneneve anona nampa eram anona magu Babiloni- anon magu emi ano sayeke maranane aki kanafimi''. ¹¹ Afo mana magaga moni waitayu be wapa aneneyu monika yimewayi, ifi- dageve yigun anene marayemo. nayeyara, buwa mana waitamano yeradem yenyi anene bu aya-itemi. ¹² Mini aneneya, goli, silva, nampa meyamano yakagam onu, nampa meyamano yakagagam bis, averave ugam efam rawarave, sokom nare afum wagena wado, meyamano yakagam wado nare rawarave, sagu-sagu ugam nare rawarave, faram yayu averave muku ewam, ena-ena aneneyu wai-wam awayaka uwantukam, faram yayu meyam yakagara ugam, bronsi, aini mawori om. ¹³ Ya aranta awogu muku ewam, ave-rave unta ewam yunanu, ave-rave unta ewam aneneyu, yamanoni wasave muku ewam, ya manoni fauram muku ewam, wain, wasavem, awogu farawam witi, burumaka, sipisipi, osim,ririfewam kari. fa-yogam waitayu nampa watayuyi yaum. ¹⁴ Mini yunamo emo aveye'egona mararare siruke eyi eram nampa, maside buma kipem. Masidem awogu anene nampa eni awogu kanagune a'i buma kipem, emi ye'rade iwa i afakanonam. ¹⁵ Moni waitayu bepimo aneneyu monika'o amewayi anona moni waitayi ewayimi, yemi be adeke nepa watemo. nayeyara, be marewam sayeke yanti fegatemo. ¹⁶ Yemi ifi dageve sitemo, ''siguno ano sigune me'am anona magu'i kanagune nampa awogu rawarave, wata-anasi, nare wado nampa awogu kanagune . goli, meyam yakagara ugam onu nampa efam aneneyu bum nopi'kena. ¹⁷ Sito kanafim maside awogu anene anakaremi afi'item. Masidem sipi marem bewam waita nampa watayu'o sipi amuga yogewayi nampa watayu'o bun-non amuga'o moni uwarewayi mi, yemi mini anona magu ade-kake nepa watemo. ¹⁸ Mini inim yukewam iga-manoni imum yemi amonaremi ifi- dageve semi ''Ena item anona magu wa mini anona magu nampa mana- ugenafiyo?'' ¹⁹ Yemi kai'yo mante yen-yinopim devemi yigu- anene nampa ifi dageve- mi mani semo,''siguno ano sigu aneneve, mana- mini anona magu manomi watayu minurami bu- nom amuga sipi dukayimi manta anona moni waitayi emo mini inimanoni kanagune amuga. aki kanafim bemi anaka'emi. ²⁰ Seyuya inarufakeno, kato waitayu nampa yimakuku waita anasi nampa kasanampa waitayu, yigemi yimoyogo. Nayeyara, Kotimi umamanoni meyami bemi yige yimemino. ²¹ Amakage, mana eram akero-ano mana ka'gan om mantemi bu-nopi intafuremi bemi mani semi,'' Manayo avu-awa pakemi, Koti mi anona magu Babiloni mantaranami ano umanti ofebemi iwa iwatene. ²² Kita arim waita iwatem, musiki arinanoyi nampa fluti wa ufem arinayo waitawa iwatem. Aneneyu uwarewa intim waitawa iwatem nampa mana waita mano masini ami iyintate. ²³ Oma'no kewayi yeradem omi bu amitem emi. Wawa-anasiyui iratemo watawa ansi yiwagara ewa wayawa mana waitamano iyintate. Nayeyara yigeyi moni waitayu i manta anom waita fawaruremi manta mana magagake ano waita aga ayufemo. Eni savi uwatagam anta nakomi masidepa wata-anasi muna yimenam. ²⁴ Kasanampa waitayuyi nare, yima-kukum waita nampa mana magaga fukayuyi naremi en age agapem.