¹ Mana sipisipi iya ontano riegem 7 nia maki, Inarufa satoka amuna baya iwage em. ² Naemi amonaunami 7 nia ankerogu Goti augaka itagayi 7 nia ufem fakaruka. ³ Ena nakero yeravem mana goli yau awogu muku amira altaga itavem. Gotimi amakukum ewam wata nasi goliga alta ano'na manoni sia kiniga uka. ⁴ Muku ewam anene w amakukum wata yuyi augam mukinti Goti wapa urem mana ankero ano ayapim goli yau wapim. ⁵ Mana ankero ano altafikem mana'a iga mantem dam yupem gem awogu muku wam yaufim. Naem bemi mini yau itafuram mana magaga kumeme afo anoka afayu untarem inaru semi maga uwaem. ⁶ Yemi 7 nia ankerogu ufem fakarukayi a'i itaga ufem arira. ⁷ Ma'e a'nam ankero ano beyi ufem arewam afo enayom aisi nampa iga narefim mana fini uga, bemi itafuram mana magaga kuk afo kamoe'a mana magaga mononi awo'a yukem. Kamore'a fikem mana awo'ami yayu nampa maside namaru. ⁸ Ena ankero mano ufem fufusewami afo mana anp'na iga kewam anuyi ugayi kevem bami afo bunopim rauntem. Kamore'a awo'a wapikem mana awo'a bunomano nare yi em. ⁹ Kamore'afikem mana awafa buno pikem aumakam anene yu fuge, afo kamore'a fike mana akum sipisipi amaka em. ¹⁰ Afo kamore'a bam ankero beyi ufem arem, mana inona ofu inarufake fafasem igayi em kumem. Tosi yanta kemi afo ano'na ba sito nom kamore'a mana awo'afim on ugagem. ¹¹ Mini ofu avi'i Womwud. Kamore'a nopike mana nomi ika dewam, afo amunami mini savi nom nare fuka. ¹² Foga bam ankero beni ufem arimi a nampa biyomo rayimona yi emi ofumose kamore'a fim rayiminayi em, biyom nampa ofu yu nampa kamore'a fim rayimitem. Mini kamore'a mano afuna em ena kamore'a sagami afo kamore'a afun emi omba ivem. ¹³ Semi amone be inte wauna mana akiki mentapa inarufa agem yevevem orama manisem, " Ategano, ategano, magaga bam watanasi. Nayeyara ena kamore'a ufem kamore'a ankerogu fufusem sira rafide wane.